صياف ومطلق رحمهم الله نادره

[أبـوحرب]

صـــيــــاف الــحـــربـــي


ياسـلام الله ودار العـز مرفـوع علمهـا = عقب شعشع نورها والظلم حال العدل دونه

الثبيتي لو اقول اقسـم عيونـك ماقسمهـا = والتفت فيه بنظرة حسـد ويطيـر عيونـه


مــطــلـــق الـثـبــيــتــي



يحفظ الله الجزيرة والشجاع اللـي حكمهـا = مثل قصر ثابت السيسان واخوانه حصونـه

صاحبي صيـاف ينهبهـا وياكلهـا بدمهـا = ليتها ماتاصل الحنجور تنشب فـي سنونـه


صـــيــــاف الــحـــربـــي



المطية ماتقاود غير مـع رجـل خطمهـا = لو يضيع خطامها من طردها كثرت غبونـه

انت اشوفك تفرس الصيدة وتاكل من لحمها = والخوي لاضيع القانون قامـوا يشمتونـه


مــطــلـــق الـثـبــيــتــي



المطية خلها فـي الـدرب لاتكتـم نسمهـا = واحترص من غضبة الجمال لايضربك شونه

كل حية سمها فـي بطنهـا سديـت فمهـا = وان لقيت الوعل ابو قرنين اطقه في قرونه


صـــيــــاف الــحـــربـــي



اكثـر العربـان يلزمهـا وكنـه مالزمهـا = ثم راح من الزعل يمشي ويقطع من ردونه

انت مثل العقرب اللي تخلع الناس بوحمهـا = مار جاها قاريُ شاطر دهنها مـن دهونـه


مــطــلـــق الـثـبــيــتــي



ماعليه من عجوزك كان ماضوت غنمهـا = وان زعل صياف جعل اللي وراه يحول دونه

امس يبني عشته في الضلع واليوم يهدمها = والهبايـب ماتهبـه والطراقـي مايجونـه


صـــيــــاف الــحـــربـــي



الله انه ينصر السنة ويظلـم مـن ظلمهـا = والعرب مايطحنون الحـب ليـن يفتشونـه

لو تشوف العشة اللي صاحب الخبرة حزمها = فوق ضلع كل ماطاح المطر تثمر غصونـه


مــطــلـــق الـثـبــيــتــي



الآشارة فآخر الشـارع بصدامـه صدمهـا = الونيت اللي قديـم وكـل يـوم يوظبونـه

المنايا ياوسيع العـرف مايخطـي سهمهـا = مارخلك صالـح النيـة وعمـك لاتخونـه


صـــيــــاف الــحـــربـــي



القلوب العمي خل الذيب ياكل من شحمهـا = والونيت اللي يسوقـه صاحبـه لاتقربونـه

ليت بقعاء تلمس الرمضاء وتاكل من قدمها = وانت يابو راس راسك ماتغير عن متونـه


مــطــلـــق الـثـبــيــتــي



العيون اللي تهل دموعهـا منهـو لطمهـ = الو عرفته كان خليت الجماعـة يحبسونـه

المطية يوم ريض مشيها محد( ن ) نهمهـا = لو نهمها كان تاصل مطرح (ن)ماتاصلونـه

[فايز بن سرحان الثبيتي]

افتقدنا هذا الاسلوب الفريد

صاحبـي صـيـاف ينهبـهـا وياكلـهـا بدمـهـا
ليتها ماتاصل الحنجور تنشـب فـي سنونـه


الآشارة فآخر الشارع بصدامه صدمها
الونيت اللـي قديـم وكـل يـوم يوظبونـه


المطـيـة خلـهـا فــي الـــدرب لاتـكـتـم نسـمـهـا
واحترص من غضبة الجمال لايضربك شونه


كــل حـيـة سمـهـا فــي بطنـهـا سـديـت فـمـهـا
وان لقيت الوعل ابو قرنين اطقـه فـي قرونـه


العيـون اللـي تـهـل دموعـهـا منـهـو لطـمـهـا
لو عرفتـه كـان خليـت الجماعـة يحبسونـه

الله يرحمك يابو فيصل ابيات لا يمكن ان يصيغها احد غيره بهذه السلاسة العجيبه التي تجعل البيت يحفظ من اول وهله

وشاعر الخليج صياف لا يزال يتيم حرب ولم ننجب له شبيهه حتى الآن




ابو حرب احترامي لك على جهدك المشكور

[صاهود]

يامال الجنه يالثبيتي

[أبـوحرب]

افتقدنا هذا الاسلوب الفريد

صاحبـي صـيـاف ينهبـهـا وياكلـهـا بدمـهـا
ليتها ماتاصل الحنجور تنشـب فـي سنونـه


الآشارة فآخر الشارع بصدامه صدمها
الونيت اللـي قديـم وكـل يـوم يوظبونـه


المطـيـة خلـهـا فــي الـــدرب لاتـكـتـم نسـمـهـا
واحترص من غضبة الجمال لايضربك شونه


كــل حـيـة سمـهـا فــي بطنـهـا سـديـت فـمـهـا
وان لقيت الوعل ابو قرنين اطقـه فـي قرونـه


العيـون اللـي تـهـل دموعـهـا منـهـو لطـمـهـا
لو عرفتـه كـان خليـت الجماعـة يحبسونـه

الله يرحمك يابو فيصل ابيات لا يمكن ان يصيغها احد غيره بهذه السلاسة العجيبه التي تجعل البيت يحفظ من اول وهله

وشاعر الخليج صياف لا يزال يتيم حرب ولم ننجب له شبيهه حتى الآن




ابو حرب احترامي لك على جهدك المشكور


العفو يالثبيتي والله يقبل دعائك لهم بالجنه وهم شعار من الطراز الاول لن تنجب المحاورة مثل مطلق وصياف عليهم رحمة الله

[محمدالنفيلي الحربي]

نعم صحيح قمه والى ساع لافي حرب نفس اسلوب صياف ولا عتيبه نفس اسلوب مطلق من غير اقصور في الشعراء الحاضرين هذه وجهة نظري

[الباااسل]

الله يرحمهم هذي المحاوره ولا فلا



لاهنت على النقل الرائع

[راع العبيه]

اللهم ارحم العملاقين وانا قد سمعت هذه المحاورة ولحنها جميل ولكن مدري وين
وعندي سوال عن كلمة في بيت لمطلق وهي نهمها وش معناها

العيـون اللـي تهـل دموعهـا منهـو لطـمـهـالو عرفتـه كـان خليـت الجماعـة يحبسونـه
المطية يوم ريض مشيها محد( ن ) نهمهـالو نهمها كان تاصل مطرح (ن)ماتاصلونه

اللي عنده خبر لا يبخل علينا

[أبـوحرب]

الله يعافيكم

[علي الشهراني]

رحمهم الله برحمته الواسعه


لا هنت و مشكوور يا ابو حرب

[ولد الصعيبي]

الله يرحمهما علامين من اعلام المحاورة

[ابو فايح]

محاوره قمه سلمت يمينك يابو حرب

الاخ راعي العبيه

كلمة نهمها اي نادها او ردعها او ارده

مثلا البدو يقولون ( انهمه) كلمه نداء اي اترك شي ما .

[عقاب العنزي]

محاوره لعلمين من اعلام المحاوره يصعب تكرارهما


رحمهم الله رحمه واسعه واسكنهم فسيح جنانه


بخصوص معنى نهمها \ اي زهمها او دعاها وهي كلمه بدويه بحته


يقول احد الشعراء



من يسب الهاف جعله فدوة ٍ له = جعل يفدنّه عماهيج البناتي

ان (نهمت) الهاف جاك الهاف كله = تقل يشرب من غراش المسكراتي

كم شراع ٍ للسواحل قطعنّه = قطعنّه والتواير مسرعاتي