المساعد الشخصي الرقمي

مشاهدة النسخة كاملة : صياف السحيمي..وحبيب العازمي..عجيبه

بدر نواف
25-Sep-2009, 02:56 PM
لم اجد اجمل من ثنائيات المحاوره بالنسبه لي سوى في صياف الحربي رحمه الله وحبيب العازمي حفظه الله..


حبيب العازمي..

مرحبا ترحيب(ن) اغلى من المال الكثير....فالبنوك اللي حرسها على بيبانها..


طرت يا صياف لكن وقع لا تطير....فالسما طيارة تصدمك جنحانها


صياف الحربي...

بارك الله للعرب فالكبير وفالصغير......السيوف جداد والخيل في ميدانها


انت شفت الغاويه يوم قامت تستدير....لامسكت يدينها نزلت كرعانها..


حبيب العازمي..

فيك خير وشر لكن فالوقت الاخير....وش يخلي حرب تسرق عشاء جيرانها


ما لقيت الغاويه شفت لي سيف شطير....وانت مثل الحيه اللي تمد لسانها..


صياف الحربي..


اصبر شوية لا تعجل مع الوقت القصير....الضعيفه ما سرقنا عشا ورعانها..


القضاه اثنين والثالث العود الكبير.....يطلعون الثلث للبنت قبل اخوانها..



حبيب العازمي..

عمتك في خرجها شايله سمن ومضير.....ان مشيت خلافها وان قعدت وزانها


عام الاول قالوا انك على عسفان امير.....لين كثرة قوم عسفان في عسفانها


صياف الحربي..


ان زعل يشرب بحر وان رضي يشرب غدير.....لا يشب النار ويطير مع دخانها


لو نشدت الناس قالوا لك الحربي وزير.....الاماره ما نشيل القلم من شانها


حبيب العازمي...


......... الجنه قبل ما تمر بزمهرير......واحمد الله كان شفتك على حيضانها..


انت حربي مير منته بشر ولانت خير....هز راسك واترك الروس فوق امتانها..


صياف الحربي..

يا حبيب طحت لك في عبوس قمطرير....كل ما عايرتها يختتلف نيشانها


يوم زاد الحر نقصت من حمل البعير....والجمال الطيبه ما تطيح ارسانها..


وسلامت الجميع

واعذروني على التنسيق
أبـوحرب
25-Sep-2009, 03:22 PM
أخترت فأحسنت الإختيار هذي من أروع محاورات حبيب مع شاعر الخليج رحمه الله وهي موجوده عندي صوت وفيديو لحنها رائع جدا
صاهود
25-Sep-2009, 03:32 PM
يعطيك العافيه علي المجهود

والله يطول عمرك وعمر ابوفيصل

امّا الثنائيات اشوف مطلق وشليويح الله يرحمهم برحمته 15 سنه من الابداع ويا بعض

والله يرحم الاموات ويبقي الحيّين

تحياتي
ابوتيجان
25-Sep-2009, 05:36 PM
الله يرحم صياف ويتجاوز عن حبيب



اتوقع بيجي واحد ويقول معناهم عن مايسمى بالموال التعجيزي:p
العفريت
25-Sep-2009, 09:12 PM
الله يرحم صياف ويتجاوز عن حبيب



اتوقع بيجي واحد ويقول معناهم عن مايسمى بالموال التعجيزي:p



ههههههههههههه



شكرا للاخ بدر نواف على المحاورة الرئعه للعمالقه
ثقيف دام عزها
26-Sep-2009, 03:03 PM
محاوره رااااائعه
الجوراسي
27-Sep-2009, 10:22 PM
حاورة قمة ياليت تنزلها صوتية