الشاااعر يقرب و الله يحييه .... مباااااااشره

[علي الشهراني]

سلام رديّه على وضح النقا والعلم خير = و الشر بابه ما فتح و اليا فتح بنقفّله
اشوف لي نجمٍ هوا و اشوف لي طيرٍ يطير = واشوف لي عشرين ناقه بالحمول محمّله

[فهيد الايدا المورقي]

استلم


يامرحبا ترحيبت ن فواحت ن مثل العبير=الضيف نفرح به ونكرم لحيته وندله


هات الخبر ياصاحبي والوضع شكل انه خطير=اما نقول اخطيت والا لك نقول مجمله

[علي الشهراني]

الك البقا يا شاعرٍ شعره على بحره غزير = نبغا نتحاور وتناقش وانت راع الاوله
دوله لها عشرين عام و حاكم الدوله ضرير = والمشكله فيها النجم و الطير فوق القافله

[فهيد الايدا المورقي]

استلم



كل الدعاوي طيبه والحمل في ظهر البعير=شعيل يقوي للحمول اللي عليك مثقله


مافيه غير الكيس والمجرم له السيف الشطير=يالله عسانا سالمين ولايجينا مشكله

[علي الشهراني]

العلم غير اللي تظنّه و انت بالدعوى خبير = مالي ومال شعيل جعل شعيل تفرح به هله
انته عيونك للسما و انا عيوني للنذير = ارجع على الموضوع الاول و الخبر لا تجهله

[فهيد الايدا المورقي]

استلم


الناس تحلم والعرب كلن وله حلم ن كبير= واللي قنع نري القناعه كنز لك يامجمله


اللي طلع يأكل تمر واللي جلس يشرب غدير=واللي يدور نكبته يمكن تجيه محوفله

[محمد النخيش]

صحة الالسن والقلوب



متابعين :)

[فهيد الايدا المورقي]

محمد غازي النخيش صح بدنك


اشكر مرورك الكريم


تحيتي

[علي الشهراني]

يعني على شان اللقب تبغا تسوّي لي مدير = هوّن على روحك ترا بعض النصح ما نقبله
اللي كلا و اللي شرب كلٍ على حاله بصير = يا مخبل اللي يدّعي بالمعرفه يا مخبله

[علي الشهراني]

محمد غازي

اشكرك على المرووووووووووووووور

[سيف عنزه]

بيض الله وجيهكم جميع

ولاهنتووا

[علي الشهراني]

وجهك ابيض يا سيف عنزه


مشكووووور على مرووووورك

[فهيد الايدا المورقي]

استلم



الظاهر انك عارفه ماانته بمحتاج ن شوير =لكن نسف غترتك قبل تجيك محوله


ياراعي الوزنه نبا نعطيك شي من اليسير =الله يجمل حالنا والكم نقول مجمله


الراي السديد صح لسانك على المحاوره الطيبه


تحيتي

[فهيد الايدا المورقي]

سيف عنزه صح بدنك


اشكر مرورك الكريم


تحيتي

[علي الشهراني]

ختامها مسك

صح لسانك اخوي بناخي الايدا

و اسمح لي على القصور

في امان الله و حفظه

والجايات ابرك