رفيع المنزل .. على عجاله

[زبن الجعفري العنزي]

يافيع المنزل اللي بينك وبينك علاقه=تقترب من ناحيه لكن تبعد من نواحي
المزاين قبل يبدى حدد الراعي نياقه=مار ليت الراعي الماخوذ ريح واستراحي

[رفيع المنزل]

ياهلا بالشعر والمعنى وكل ٍ في نطاقه = والعلاقه خلها هلحين في ليحي ولاحي
المنافق يحسب انا مادرينا عن نفاقه = سرع مابين لنا الموضوع والمكنون باحي

[زبن الجعفري العنزي]

بارك الله فيك يالصراف ميزت البطاقة= الطيور اتطير كود الطير مكسور الجناحي
ودي اهدي لك بعدها من جميل الورد باقة=انجلا الليل وظلامه واشرقت شمس الصباحي

[رفيع المنزل]

وسط صدري قلب حي ونظرة عيوني دقاقه = لو ذياب الضلع تعوي بالعشي وبالرواحي
حط راسي ياعميلي من تحت موس الحلاقه = كان ماربح عطا المكسب لابن عمه رباحي

[زبن الجعفري العنزي]

السنين الماضية وضع العرب فقر ٍ وفاقه= لين جيت وصرت للاصحاب دكتور الجراحي
راعي الطبخه طبخها ثم وكلها رفاقه= النجاح المختلق ياصحابنا ماهو نجاحي!!

[عقاب العنزي]

هههههه


الله الله صحة الالسن والقلوب يابني عمي


متابع وماسك لكم الصفوف .. رفيع المنزل لاتبعد ابي اطلبك بطاروق


..

[زبن الجعفري العنزي]

عقاب

حيا الله امير الشعر والشعراء


لاعدمنا وجودك والصف يزهابك ومتابعتك شرف



رفيع المنزل بعد يدور عليك ههههههههههه




تحياتي

[عقاب العنزي]

اوخذنا هههههه


تراني بري منها ووقفت بموقف الدفاع عنه مار خله يشابط رفيقنا ههههه

[رفيع المنزل]

ابك انا مااذم بيت ٍ يمنع السافي رواقه = بس منع المسلمين حقوقها ماهو مباحي
بارك الله فالذهب يرفع بقيمة كل عاقه = لين يصبح شيخ يفتي بالخراب وبالصلاحي

[رفيع المنزل]

عقاب العنزي


يالله حيه مرورك يشرفنا ووجودك يسعدنا


ومافيه شكوك يالبناخي

اللي فات مات


مار الله يخارجنا منك واللي غيرك مقدور عليه ههههه

[زبن الجعفري العنزي]

الهوى يدخل على البيت الردي من كل طاقه=الله يعينك تسد الباب عن هوج الرياحي
الرجال الطيبين تراعي حقوق الصداقه=وانت لو لك صاحب ٍ وافي يلبسك الوشاحي

[رفيع المنزل]

من قديم الوقت صاحبنا حياته فالدراقه = كيف انا ابااشره على اللي كل مانادوه راحي
هاجسي لو كان حررته وحلق من وثاقه = جودة الله خير له من جودة كفوف ٍ شحاحي

[رفيع المنزل]

صح لسانك ياراع الجدعا والى اللقاء وان حبيت تختم ياليت

[زبن الجعفري العنزي]

صح لسانك يارفيع المنزل

ومافيه ختام بعد ختامك


الى اللقاء


وشكرا للمتابعين

[صالح سالم]

راع الجدعا , رفيع المنزل

صحت الألسن ولا تصدقون عقاب ترى كل الشر من تحت راسه هههههههههههههه

نبي ننتظر عقاب ورفيع المنزل والا راع الجدعا حسابه عندي


تقبلو مروري

[صاهود]

صحت الالسن والقلوب

ابداع من الطرفين

ياوبل اللي استلمتوه ويلاه هههههههه

[زبن الجعفري العنزي]

راع الجدعا , رفيع المنزل

صحت الألسن ولا تصدقون عقاب ترى كل الشر من تحت راسه هههههههههههههه

نبي ننتظر عقاب ورفيع المنزل والا راع الجدعا حسابه عندي


تقبلو مروري


صالح وما ادراك ماصالح

صح بدنك يالذيب والله يكفيني شرك هههههههه




تحياتي

[زبن الجعفري العنزي]

صحت الالسن والقلوب

ابداع من الطرفين

ياوبل اللي استلمتوه ويلاه هههههههه




صح بدنك ياذيب عروا


الابداع في مرورك المتألق



تحياتي