معجب مادامك موجود اقرب

[زبن الجعفري العنزي]

الرجال اللي تحت قوة ولي العرش قوة=ياعسى بوجودهم دايم يعودن العيادي
ابن غانم فالسعه له خوه او فالضيق خوة=مار من حنكته يضحك للصديق وللمعادي

[طلال ناشي]

ياسلام ياراع الجدعا

صح ألسااااااانك

بداية جميله جداً

وصح ألساان معجب مقدماً

[زبن الجعفري العنزي]

طلال ناشي


صح بدنك



كل عام وانت بخير






تحياتي

[صاهود]

الله الله

صح السانك وسلم بنانك

بدايه طيبه من رجال طيب

والصف حبلاني مايحتاج

وصح السان الشيخ معجب مقدما

وعيدكم مبارك

[زبن الجعفري العنزي]

ذيب عروا


صح بدنك وسلم معدنك


الصف يزهابك ويتشرف بك


وكل عام وانت طيب






تحياتي

[معجب العتيبي]

الرجال اهل الوفا والطيب واصحاب المروه=عانهم ربي يابن وايل على خدمة بلادي
الشجيع بكل حاله ماختلف فعله وجوه=ان ملك قطعة سلاح يعز . والا بالايادي

[معجب العتيبي]

ابن وايل

كل عام وانت بخير والمعذره

والله ماشفت بدعتك الا اليوم رابع العيد

[معجب العتيبي]

ابو ناشي


وذيب عروا



حياكم الله ومن العايدين

[زبن الجعفري العنزي]

معذور يالطيب وحنا بايام اعياد

استلم والله يخارجنا منك سالمين






الحرار احرار وانته بالخطأ كيف اتفوّه= دام تتعب في رضاهم صبح والا في هجادي
انتبه ياللي تبي تفتح على الاصحاب هوّه=انت مايمديك تنسى طعم ماي وطعم زادي

[معجب العتيبي]

الحقيقه ماتغيّر والصور لا ماتشوه=ما اختلف مضمونها عند الحضر والا البوادي

ياوسيع العرف لامنك نويت العلم سوه=خل علمك ينتشر مابين تلفاز ورادي

[صاهود]

الحقيقه ماتغيّر والصور لا ماتشوه=ما اختلف مضمونها عند الحضر والا البوادي

ياوسيع العرف لامنك نويت العلم سوه=خل علمك ينتشر مابين تلفاز ورادي

يازين هالرد وراعيه

انت وينك وجودك يحسسني فالامان ههههههههه

خلك موجود اليادخل الوسم راح استعمل الاسلحه الممنوعه دوليا هههههه لاتغايب

[معجب العتيبي]

هلا وغلا

نورت ياذيب عروا


الاسلحه المحضوره دوليا مانحد يبيها

[بدر الكريزي]

الحقيقـه ماتغيّـر والصـور لا ماتـشـوه
ــــــ ما اختلف مضمونها عند الحضر والا البوادي
ياوسيع العرف لامنك نويـت العلـم سـوه
ـــــــــــــ خل علمـك ينتشـر مابيـن تلفـاز ورادي



صح لسااااانك يا ابو سلطان ..

ولا يهون راعي الجدعا ..

[معجب العتيبي]

بدر الكريزي


كل عام وانت بخير


وصح بدنك

[بدر الكريزي]

^

و انت بخير وصحة و سلامة ..

[زبن الجعفري العنزي]

الحقيقه ماتغيّر والصور لا ماتشوه=ما اختلف مضمونها عند الحضر والا البوادي

ياوسيع العرف لامنك نويت العلم سوه=خل علمك ينتشر مابين تلفاز ورادي





المظاهر زايفه والمشكلة داخل وجوّه =والرجال العارفه تفرق بياض ٍ من سوادي
العتيبي هقوته ياكبرها وقت الفتوّه= مار تال الوقت اشوفه يقنع بعلبة زبادي

[زبن الجعفري العنزي]

الشكر لكل من مر كل شخص باسمه

[زبن الجعفري العنزي]

يازين هالرد وراعيه

انت وينك وجودك يحسسني فالامان ههههههههه

خلك موجود اليادخل الوسم راح استعمل الاسلحه الممنوعه دوليا هههههه لاتغايب



آآآآفا ياذيب عروا هذا وانا امس ماسك صفك واليوم قالب ٍ علي


مار ما اقول الا الله يكفينا شرك وشر اسلحتك الممنوعه هههههههههه



تحياتي

[صاهود]

آآآآفا ياذيب عروا هذا وانا امس ماسك صفك واليوم قالب ٍ علي


مار ما اقول الا الله يكفينا شرك وشر اسلحتك الممنوعه هههههههههه



تحياتي

لازالت الهدنه ساريه بيني وبينك لين تقوم ناقة صالح

والاسلحه الممنوعه موجهه لغيرك انا معك فالسراء والضراء مار معجب يسرق القلوب

ومبطي عنه لاتحاتي لاتحاتي هههههههههههه