(((أقرب شاعر ياجماعة)))

[عبدالله السراهيد]

ياهاجســي من بعد ماجينا تخيّر فالطــروق***وأهل الكرم والمعرفة ماتبتلش فطروقهـا

سلام ياهل الطيب والأمجاد من بـرقا وروق***ياربعي ألي فالمواقف مارتخى منطوقها

[اسمحلي مجنون]

يا ها جسي مر الطروق وفرها فر العـــروق=للمذهب اللي فاقد له مذهبه فعروقهــا

واللي يسلم مرحبابه في محل اهل الفروق=فرق الشاعه والكرم في كيلها وحقوقها

[الحوووووت]

الله الله الله صحت لالسن والقلووووب

[عبدالله السراهيد]

يابلــشة الجمّال بلّي لاظهر ولا شـــدوق***عيّت تباع وراعي التمويل قفّل ســـوقها
دام البقاء يلّي ترحّب والشـعر فـنً وذوق***وأن ليا شفت المجننّ ساهية باسـوقها

[اسمحلي مجنون]

تبغا الحقيقه لا تبوق تبغا الحقيقه فيك عــوق=هذي دليك والدلي ما حت عليك أعموقهــا

كانك مخضرم في العرب خلك نزيهن لا تبـوق=خابرك واحد من عرب مار البلأ في بوقهـــا

[عبدالله السراهيد]

أنا محلّي فالعلا وأنتــــه تدور للنشـــــــوق***وأنا عيوني للسما وأنته تخيل بروقــــــها

وأنا من أهل المعرفة ماني بجنيً سروق***ولحدن سأل عن دلتك بالعون شاف فروقها


أستأذن ونتقابل في محاورات أخرى

[اسمحلي مجنون]

كثر المدايح ما تفيد الرجل مكسور السبــوق=وانته تخضبها وبكره في اليمين أتحوقهــا

مار أعرف اللي ساترك بين العرب وانته دنوق=تدنق وتلبس باللبوس اللي كثير افتوقهـا


لاهنت وشكراً،،،،،،،،،،