رحمة الله على سيف [الأرشيف] - الهيـــــــــــــلا *** منتدى قبيلة عتيبة

ابو وليد 22

15-Sep-2009, 06:43 PM

هذة القصيدة رثاء في المغفور له بإذن الله ( سيف بن ضيف الله بن شرفان العصيمي )
&&&&&&&&

يالله يالــوالي عـلــيك التياســير
يالواحـــد المعـــــبود جـــلا جـــــلاله

يامنشـيٍ بامره مــزونن مزابــير
ينــشي مـن القــبـله تـرادم خـــياله

يا مدبر الأكوان مجـري المقــادير
يا مثــبت فـي الأرض شــمخ جــباله

اليا نويت أمـرٍ على العـبد بيصــير
يجــــيه وألا هـــو عــنالــه وجـــــالـه

وألامـر نافـذ واللــيالي مـــداوير
أحــدن يجي وأحدن تقــافت رحــاله

مرحوم ياساس الرجال المشاهير
مرحوم ياسـاس الوفــاء والشــكاله

يا سيف يابن العم لك سـيرةٍ غـير
معـــزتك عــــندي بقلـــبي لحـــــاله

لــو المـــنايا تنـدفـــع بالــدنانـــير
مالـــي وحـــالي كلــــبوها فــــداله

يقــوله اللي ذاق سـو التـــعازير
من حــر مـا يونس طـوى الهم حـاله

لو ينشكي همي على طويق والنير
جاء في الجبال من الهموم انحـلاله

نشــكي عــلى ربٍ عــليه التـدابـــير
فــــراج كـــربة مـن دعـــاه وشــــكاله

عـــــلام غــيب وكـــاشف للتـــضارير
ومجـــيب دعـــوة داعـــياً مـن دعــاله

عــــسـاه والله مــن هـــل الـخـــــير
والحـــــور والأثـــــمار يجعلــــها آلـــه

وصـــلاة ربي عــد وبل الشخــاتــير
عــلى رســـــولٍ كلـــــفه بالـرســــــاله

قصيدة الشــاعر / فرحان بن عامر بن شرفان العصيمي

محمد العتيبي

15-Sep-2009, 08:12 PM

الله يرحمه ويغفر له / سيف بن شرفان العصيمي ..

وصح لسان الشاعر / فرحان بن عامر بن شرفان .. على القصيده الرثائية

المؤثره ..

ولاهنت يالغالي ماقصرت ..

تحيتي
..

ابو وليد 22

16-Sep-2009, 03:33 AM

الله يرحمه ويغفر له / سيف بن شرفان العصيمي ..

وصح لسان الشاعر / فرحان بن عامر بن شرفان .. على القصيده الرثائية

المؤثره ..

ولاهنت يالغالي ماقصرت ..

تحيتي
..
][align=center]

[color=#00008B]أخوي محمد العتيبي

مرورك شرف على قلوبنا

الله يغطيك العافيه

تحياااتي,,,,,,,