العيد قرّب وانت يا زين مطلوب

[الازوري]

بسم الله الرحمن الرحيم

العيد قرّب وانت يا زين مطلوب=وان عودت للصدق ما انته معذّر
محبوب لا ينسى مع العيد محبوب=قلبه وفكره دون خله تكدّر
ان كان حبك يا اريش العين مكتوب=فنا رضيت بكل شي(ن) مقدّر
عن الجفا والصد يا صاحبي توب=وارحم فواد(ن) في غرامك تخدّر
في هجرته عانك من الناس محسوب=وفي قايمة وقته غرامك تصدّر
لا زاد يهناله ولا ذاق مشروب=والحال بعدك يا هوى البال حدّر
اليا ضحك كنه مع الناس مغصوب=قلبه معك يا زين ورّد وصدّر
في حبكم ما نلبس الثوب مقلوب=لكن عليّ الليل طوّل وغدّر
لي صاحب(ن) كل الحلا فيه مصبوب=ومن الحلا كنه غزال(ن) تحذّر
في مجلسه كن الحلا حوله يذوب=واليا رحل عن مجلسه يشبع الذّر
واليا هرج هرجه خبيتي ومسحوب=كنه على كل الحروف يتبذّر
ما دام في حبه غدى القلب مسلوب=ماني بوالله عاذره لو تعذّر

صالح الازوري






صالح الازوري

[أخو جوزا]

صح لسانك وعايدة خلك يا صالح.

[أبو فيصل الدلبحي]

ياوجه الله على هالعيديه


ابداع بكل ماتعنيه الكلمه

صح لسانك حتى ترضاء

[حمد الدغيلبي]

صح لسانك


قصيده اقل مايقال عنها رائعه

[كعام المعادين]

صـــح

صـــح

السانك لا هنت

[فايز بن سرحان الثبيتي]

ان كان حبك يا اريش العين مكتـوب
فـنـا رضـيـت بـكـل شـــي(ن) مـقــدّر
عـن الجفـا والصـد يـا صاحبـي تـوب
وارحـم فـواد(ن) فـي غـرامـك تـخـدّر
في هجرته عانك من الناس محسوب
وفــي قايـمـة وقـتـه غـرامـك تـصـدّر
لا زاد يـهـنـالــه ولا ذاق مــشـــروب
والحـال بعـدك يـا هـوى الـبـال حــدّر


ياسلام ياسلام


مبدع يالازوري مبدع بكل امانه


صح لسانك وعلى شانك


وفي انتظار اطلالتك القادمه

[عمر الدغيلبي]

صح لسانك

وسلمت

على هالرائعه

جزل وكفى

احترامي