*ياسلام الله سلام نعم به الجميع*

[عبدالله القريشي]

ياسلام الله سلام نعم به الجميع
والتحـيه طيبه طيبن موضوعها
جيت في سوق الغلا نشتري ولا نبيع
والمعاني كالجواهر فريد نوعها

[& محمد خالد القحطاني &]

مرحبا ترحيبتن كنها السيف اللميع=بالنيابة عن رجالن لمحنا صوعها
ابشر ابشر في عميلٍ مكانه فالرفيع=المعاني قيٌد الحبل في كرسوعها

[عبدالله القريشي]

والبقاء ياراعي العرف والصدر الوسيع= والنيابه عن عتيبه نجح مشروعها
من مشى فالدرب الايمن ماظن أنه يضيع=والخطوط الحمر يعني خطر ممنوعها

[& محمد خالد القحطاني &]

وش لقيتو فالخلا يوم جى وقت الربيع=العرب قد وصلنا علمها فاسبوعها
اكر اكرب لك حزام ولتبحث عن شفيع=المصايب حاصلة نابعٍ ينبوعها

[عبدالله القريشي]

فالخلا ماتاه تايه ولا دور رضيــع =مير يمنا صاحبي كيف قبل كوعها
كل عاصي يابو خالد باذن ربي يطيع = والنفوس الوامنه ماندور روعها

[& محمد خالد القحطاني &]

تر نشدتك وانت دحترت للخط السريع=والسلع ياكثرها غير تجهل نوعها
مانوينا فيك يالجودي علمٍ شنيع=عارفٍ نكستك ودنياك كيف تلوعها

[صاهود]

صحت الالسن والقلوب

القريشي سبيعي ولا من قريش

[عبدالله القريشي]

صح السانك
ياذيب عروا
وانا سبيعي

[عبدالله القريشي]

والله اني داخل السوق ماسوم القطيع = والخلايق ياوالد معرفة اسنوعها
وفالختام الثلج حطـه بنار ولا يميع =كان تقدر فقضب النفس يا مخدوعها

استمتعت بالعب معك الله يعطيك العافيه
والمعذره أذ حصل مني اي زله او خطا ياغالي
الله يوفقك
وتقبل تحياتي