خليف ابن دواس الشاطري ومطلق الثبيتي رحمهم الله ...

[زياد المزرمي]

إلــيــكــم هــذه المــحــاوره بـيــن عــمــالــقــه الــشــعــر أتـمـنــى أن تعجــبــكــم




خليف بن دواس


سلام ردة يصير العود منها صبي..... حتى جمال الرحل تضوي ويستاقها
من الحوية تخرج يالثبيتـي نبـي ....سفط عباتـك وعلقهـا بمعلاقهـا


مـــطـــلـــق الـثــبــيــتــي


انا مقدرك يوم انـك علينـا اجنبـي ....من طيب حظي وزين النفس واخلاقها
ياخليف انا عارف المعنى ولاني غبي ...عارف سنام الذلول وعـارفٍٍٍٍٍٍ ساقهـا


خليف بن دواس


الهينـه للوطـاء والطيبـه لشنبـي ...جزله تجي من رجال العرف مفتاقها
الله يغش الثبيتي غشنـي صاحبـي ...حشاش مايطعم المـره ليـا ذاقهـا


مطلق الـثــبــيــتــي


انا عتيبي ولد عمي وخالي وابـي ...واحملك حملـة ٍٍٍٍ مانتـه بمطاقهـا
انا مؤدب لكـن العيـر مايربـي ...مالي ومال الحمير الخضر ونهاقها



خليف بن دواس



لو قلت من شاهد الثعلب يقول اذنبي ... ومسيلمه في المدينة خرب اسواقها
العير يركب على العيرة ولا تركبي .... وليا ركب في ظهرها خاقها باقهـا

[ناصر حامد الثبيتي]

انا عتيبي ولد عمي وخالي وابـي ...واحملك حملـة ٍ مانتـه بمطاقهـا
انا مؤدب لكـن العيـر مايربـي ...مالي ومال الحمير الخضر ونهاقها


شعرا مبدعين وعمالقه صح لسان الشاطري وصح لسان مطلق الله يرحمه .
لاهانك الله يازياد على نقل هذه المحاورة . كل الشكر .

[صاهود]

الله يرحمهم ابرحمته

شعار من الدرجه الاولي

ولاهنت يازياد الشطيطي

وياليت تجيب لعبة اسوار الذهب ويا صياف الله يرحمه 0000حدد الغاره وقلي وين يالحريبي وين غارت

[ابو فايح]

الله يرحمهم هذا ما استطيع قوله

ولاهنت يا زياد

ولكن اعتقد هناك خطأ املائي في اخر بيت

(تركبي )

الكلمه الصحيحيه بالياء (يركبي )

[زياد المزرمي]

ناصر الثبيتي


لك جزيل الشكر على المرور العطر


تقبل خالص تقدري

[زياد المزرمي]

ذيب عرواا


لك جزيل الشكر على المرور العطر


وابشر ان حصلت من عيووني


تقبل خالص تقدري

[زياد المزرمي]

ابو فايح


اعتقد ما فيه خطأ لان ( تركبي ) الضمير يعود الى العيره

وليست الى العير :)

لك جزيل الشكر على المرور العطر

تقبل خالص تقدري

[ابو فايح]

سلمت يا زياد وصحيح الكلمتين صحيحه ولكن قلت ذلك لان الموصوف في بداية البيت هو العير

[رائد الكيرعاني القحطاني]

لاهنت يا زياد

محاورة جميلة

رحمة الله على الاثنين رحمة واااسعة

تحياتي