مكتبة تحتوي على عدة محاورات لشعراء الساحه العمالقة.

[سعود العصيمي]

مكتبة تحتوي على عدة محاورات لشعراء الساحه العمالقة.


المحاورة الاولى بين الشاعرين الكبيرين / خلف بن هذاال العتيبي وهادي بن حفيش القحطاني.
يرحمه الله


هادي بن حفيش =


ياسلامي على اهل الدار ساجر سلام=ديرة حية الطريقــي و حيــابهـــا
ياخلف شد حـــيلك واحتزم بالحــزام=وانطح اللابة اللي وصلت ركابها




خلف بن هذال=

مرحبــا عد ماتبدي نجوم الظــــــلام=تبيدي الليــله القمرا ويسرابـــها
الطراقي لهم عنــدي قدر واحتــرام=في لحـــاها نحييها وفي اشنـابها






هادي بن حفيش =


طاب حظك وأعرفك ياعزيــز المقـام=والمعــاني مع شرواك نبــدابهــا
أنت يا ذيب تسري الليل منت بتنـــام=والمكاسب كثير النــاس ماجابها





خلف بن هذال=



المعاني تعرك الخشــم عرك العــرام=كل ماجـــابها الهاجوس غنابــهــا
عادة الذيــب يسري فوق مخ العظام=وانضــواله على حله تعشــابــهــا




هادي بن حفيش =


زينة اللعب بين اثنين مثل الخصـــام=عادة الناس والشعـــار يدرابـــــها
اسر ياذيب والمعنى براس السنـــام=حق الأصحاب يامخلوق لاصحابها





خلف بن هذال=

الرسايل من أول مع طيــور الحمــام= كل مـــاراح مرساله لــنا جابـهـــا
وطير خالد كفخ من ماكـره ثم حمـام=حومة الفكر فالـــليلة تسلابــــهــــا





هادي بن حفيش =

علــم اللي غشيم في حـــلال وحـرام=أما أنا رجل اعرف الناس بأنسابـها
درج الســالفة من بين شرق وشــام=وان دخلت البيوت ادخل مع أبوابها







خلف بن هذال=

احمد الله على النعمة وحكم الكمام=كم صبي جحد وأصبح ولا امسابهـــا
انتبه لاتنوش الســـلك تعدم عــدام=لاضرب شوط شال الروس وارقابها






هادي بن حفيش =



فرحة العــيد فيها فرحة وابتســام=وأنت بسمـــتك يمــي لا تغلابـــــهـــا
المنــاوي تراها ماتجيب المــــرام= والنصيحــــة بريـــرة وين طلابهـا




خلف بن هذال=

الله انه يفكك من صــواريخ ســـا=حصن الـــجو بأسراب انتغطـــابهـــا
أنت أعرفك مفتـول السواعد غلام= منت سجـــــادة من مر صـــلابهــــا

[سعود العصيمي]

المحاورة الثانية



صياف الحربي=

نادوا الشيخ ابن هذال يشعب حصانه=فيه علم جديد وفيه حاجه غريبه
قالو انه مع العربان مطلق لسانه=كل مامر وادي لصق في شعيبه



خلف بن هذال =

جاك فوق الحصان الي طويل اعنانه=في مداهيل حرب مسرحه من عتيبه
والسنتنا لها فالحق فرض وضمانه=مانسوق الشباري فالعظام فالصليبه




صياف الحربي=

حرب لاجوك قلبك يختلف عن مكانه=ثم قلت ارحموني ويش هذا المصيبه
انت مثل البعير الي تغير مكانه=قام ياكل سنامه من رداوة نصيبه



خلف بن هذال =

حرب عندي دواهم خانة فوق خانة=لقمة بالرضا ياحرب ولا غصيبه
والجمل ياابن حرب وسيع ابطانه=كل ماتطلب الشطه ينزح حريبه




صياف الحربي=

انت امانه وحنا مانطش الامانه=دام هذي علومك فيك شكه وريبه
ليه تترك صلاتك ياقليل الديانه=مادريت ان جمر القبر تحت النصيبه




خلف بن هذال =

صون امانتك وحرصهاا برفق الصيانه=واحلب العنز وابن التيس حرم حليبه
ابن عمك طبوعه قشر وسمه عفانه=كل ماغاب نجم بالسما ينسريبه


:
صياف الحربي=

صنتها صون مسلم مايعرف الخيانه=مار بعض الاوادم علة يندعي به
انت شاوي غدت معزاه في وسط ضانه=عقب قفى شبابه مابقى غير شيبه




خلف بن هذال =

حط للرجل عن شوك الهراس البطانه=داخل لك حمى مجهول ماينمشي به
لو تضيع الغنم مانيب فارض الكنانه=نجد اببطش بحصنيه واضيق وذيبه




صياف الحربي=

تعرف اني ذهين ومن رجال الذهانه=والله ان الشراب الحلو ماتهتني به
اعرف الشجرة الي تنبت البرتكانه=ثم عقب العشاا قفل عليها الزريبه




خلف بن هذال =

اعرف انك ولد شيطان منبع شطانه=سكنتك ماتجيك الا ونا في مغيبه
ودي اصدع بهذا الضلع واخل كيانه =لين اهجدك والفيران ماتلتجي به



صياف الحربي=

من يهين العرب يبشر بكثر الاهانه=انت غايب ونا ادورك مثل الذهيبه
انت غوار والا واحد من خوانه=تحسب ان الجبل يطلب ويرضي طليبه


خلف بن هذال =

اعرف اني عذاب المشتهي وامتحانه=وانته اللي تودي علم والا تجيبه
قمت تطرق لسان كنه الخيزرانه=ضاع وصفك بعد نصفك بغيت اتغدي به




صياف الحربي=

لو تقدر عليه من امس قضيت شانه=مار ما اظن عندك درهم تشتريبه

[سعود العصيمي]

المحاورة الثالثه


مطلق الثبيتي=

ياقصر المرسلات اليوم صك الباب=قبل يدخل لنا عشريـن شيطانـي
ياعبدالله عليك الهينـات صعـاب=لكـن اتبـع طريقـي لاتعدانـي



عبدالله الميزاني=

ياقصر المرسلات الحق له طلاّب=عسى هذا يـروح يعلـم الثانـي
عسى ربي يكافينا من الاسبـاب=وعبدلـه عليـك تعلـق العانـي




مطلق الثبيتي=

سمعت الهرجه اللي جابها النقاب=سواليفن تفرق بيـن الاخوانـي
انا ماجيتكم سـارق ولا نهـاب=وانا ماجيتكم جايـع وضميانـي





عبدالله الميزاني=

انا مااقول الك صادق ولا كـذاب=على عد الروى تشرب ياعطشاني
مادام العلم حده مثل سيف ذيـاب=تجيك الوافيه من غيـر نقصانـي




مطلق الثبيتي=

انا ودي تشـب النـار ياشبـاب=وتطلع كل عـوداً فيـه دخانـي
انا كيف آمن الحيه واخوها الداب=لها عشرين ضرس وعشر نيباني




عبدالله الميزاني=

انا خابر وداري والسعد ماغاب=وصلتـك يالثبيتـي لاتباطانـي
ترى العاقل يحسّب للعلوم حساب=هذا راس الخبر والعلم قرحانـي





مطلق الثبيتي=

ليا ضريتني من يمحش المشهاب=ابا اسامحـك فـالأول وفالثانـي
ليا دسيت خصمي تونس المشعاب=ولو تزعل معك غامد وزهرانـي





عبدالله الميزاني=

ليا شبيت نار الحرب يالحـراب=طلع لك فالبلد مسلـم ونصرانـي
ترى بعض العلوم يجي لها مجناب=يبا يقنع ويرضى كـل زعلانـي

[سعود العصيمي]

المحاورة الرابعه



حبيب العازمي=

ياجاهل فـي عتيبـه يستـر الله عـلاك = عتيبه ابناء سعد وايظـا خـوال النبـي
وانا مالومك مادام انـك هـذا مستـواك= لوقلتلـك ويـن ربـك قلـت فابوظبـي




محمد بن مشيط=

ماني بجاهل وعلمي ياولـد روق جـاك= لوكنت خال النبي يالعازمي فـي شنبـي
الأرض ماهيب لك والعرش ماهو سماك= ولا يجهل الله تعالى غيـر مثلـك غبـي


حبيب العازمي=

هذا حديـثٍ موثـق وأعتقـد ماخفـاك = واللي يعارض حديث الصالحيـن يهبـي
ليتك مادام السعـه عنـا تدربـى وراك = وانته لوانك ذكي يمديـك جيـت تحبـي





محمد بن مشيط=

يالعازمي هد نفسك وأعتذرك من خطـاك = دامك توضح حديث من النبـي وشتبـي
ماجزت عن طبعك الماضي يامال الهلاك = تبغي تسلطن ولا يدخـل معـاك أجنبـي





حبيب العازمي=

أرجع على الحق وأسلم كان ربي هـداك = وان كان ما أسلمت قدني واصلك يا صبي
انته ليا جيت في نجران جـاك اشتـراك = ما أدري من المكرمي ولا مـن الأكلبـي



محمد بن مشيط=


ابلشتنا مع عتيبه وانت مغشـوش مـاك = غير العصا ياذلول ابليـس ولا اشربـي
ان رحت وان جيت علمي يا حبيب دهاك = امعرب منسبـي مانـي بـورع صلبـي






حبيب العازمي=

لا بالله انته مصفى ميـر بلعـن ثـواك = بلاش ترفع يدك وانتـه تحـت منكبـي
ياشين شكل الكبير اللي عليـه ارتبـاك = انا اعرف منسبك وانت تعـرف منسبـي





محمد بن مشيط=


ان كانها بالحكي ما حدن تمشـى معـاك = وان كانها بالفعل منزلك تحـت اركبـي
قدلك تهرب عن ابن مشيط والله رمـاك = ولا عندنا ياحبيب غيـر صتـم حلبـي






حبيب العازمي=

ياقدر ليتك مغطى مـا كشفنـا غطـاك= ركبـك ياجعلهـا بالـداب والعقـربـي
تحدنا بالخطا يـا ليـن نبحـث خفـاك = واللحيه اللي نقـص تقديرهـا تتربـي




محمد بن مشيط=

ياحارس القول كورتك اسقطت من يـداك= سددت صوبك قذيفـه والهـدف لولبـي
انت المعزب وانا ضيفٍ تعشـا عشـاك= وأثرك في صدرك الواسع حكي مختبـي






حبيب العازمي=

أعطيتك المصحف الطاهر ومسـواك راك = وأثـرك لامسلـمٍ مخلـص ولاغيهبـي
بلاك ضيفٍ ما صنت معزبـك مـن رداك = تقـف مابيـن الوجيـه الغـر وتكذبـي




محمد بن مشيط=

رجعتلك مصحفك وأهديت معه السـواك =مطلبك هذا يابوفيصـل ماهـو مطلبـي
الطيب طبعي مادام أن الردى من وفـاك = لو يختلف مذهبك مـا يختلـف مذهبـي

[سعود العصيمي]

السواط



سلام الله عليكم عد وبل الغيـث والرعّـاد=عدد مبدا القمر دويرة مـن فـوق دويـرة
أنا ما جيت ساري غير احب الكيف والبراد=وفي راسي خبر دويرة من فـوق دويـرة




المسعودي



هلا يا مرحبا واهلين فالمرواح والمعواد=عدد وبل المطر دويرة من فوق دويرة
مكيّف والبطن مليان لوّ انّك قليّـل زاد=يا بو بطن خضر دويرة من فوق دويرة


السواط


أنا رجل(ن) وسيع البال واقدح مثل قدح زناد=ماافك الك الصرر دويرة من فـوق دويـرة
شريكك فالبضاعة ما يغشك وانشد الاجـواد=تخليها زهـر دويـرة مـن فـوق دويـرة




المسعودي




سملاّق الذي يقلون ما ينساق مـا ينقـاد=لا جلد ولا شعر دويرة من فوق دويـرة
أنا لو جاتني علطا شريت لها رسن وشداد=والقمها تمر دويرة مـن فـوق دويـرة



السواط



ولا ياسيف يللي عام الاوّل حدّك الحدّاد=رمى بك بحر دويرة من فوق دويـرة
نبا نضرب مثل لابدّ صيّاد الفهود يصاد=درانا من عصر دويرة من فوق دويرة



المسعودي



ليا كثر السبب ما يسلم الا زاميَ الأنهاد=محفظ في قصر دويرة من فوق دويرة
تخبر الطاقة اللي يوم راح يسدّها السدّاد=أبو عود عجر دويرة من فوق دويـرة




السواط



ولا يا عمدة الحارة يبا يجمد عليك جماد=ونأخذ لك صور دويرة من فوق دويرة
علامك يوم توعدنا وتخلف حزّة الميعاد=ما تبدي فالخطر دويرة من فوق دويرة




المسعودي



ألا يا مدوّر المحدار ما لك شفّ فالمسناد=شمر ثوبك شمر دويرة من فوق دويرة
تحسب إنك كما عبلة وأنا عنتر ولد شداد=أجيب لها المهردويرة من فوق دويـرة




السواط



عسى ربعك هذيل يصيبها الرقاب والجلاد=وليلتها عوردويـرة مـن فـوق دويـرة
أنا عمّك وأنا همّك وأنا لك جيت فالمرصاد=لا تنقز في حفردويرة من فـوق دويـرة



المسعودي



هذيل أهل البلد والا أنت مالك فالبلاد بـلاد=يا حوت من البحردويرة من فـوق دويـرة
يطول الليل والا ينقصر برض السواط سواد=لا سمع ولا بصر دويرة من فوق دويـرة



السواط



أنا ما صك باب البيت لابس لي ثياب اجداد=يابو بشت وكمردويرة من فـوق دويـرة
عزمتونا وجبتونـا ولا تبـدون فالميـراد=شيوخك والجبردويرة مـن فـوق دويـرة



المسعودي




ياهل قدر(ن)عليه النار يوقدها الحطب وقاد=تخمّر وانخمردويرة مـن فـوق دويـرة
مسحت اديوسها وليّن ناقة ما تجيب اهـداد=لها شدق(ن)هدردويرة من فـوق دويـرة




السواط


ليا منا نصبنا قدرنا قدر الضيـوف وزاد=على طول الدهردويرة من فـوق دويـرة
ترى من يشكي الضيفان ما له عندن مقعاد=على دربه حجر دويرة من فوق دويـرة

[سعود العصيمي]

مطلق الثبيتي يرحمه الله :


مرحـــبا ياشاعرن فالناس ما حصلت نوعه = لو أفتش عنه بين الناس فالسبع الأراضي

شــافني وأهتز قلبه خوف وأهتزت ضلوعه = ثم ضــاق الدرب فوقه بين مكه والرياضي



صياف الحربي يرحمه الله :


مرحـــــبا بالشاعر اللي كلنا نعرف طبوعه = كــــل واحد شاف براق المخيله يوم ناضي

القمـر يطلع ونور الخير يطلع مع طلوعه = مير بعض الناس ينفض مشلحه والجيب فاضي




مطلق الثبيتي يرحمه الله :


اليتـــيم اللي مثل صياف مانمسح دموعه = نرسله للسوق مثل الناس ويجيب المقاضي

جبتله نصف الجمل مير أثرني ماأطفيت جوعه = خايف إنه ينتصب فالمحكمه ماهو بقاضي




صياف الحربي يرحمه الله :

ا
الثبــــيتي مد كفه والسبب في راس كوعه = ميــــر حنا ودنا نرضــــــيه لين يروح راضي

منت لاقي من يصفقلك ويصغيلك سموعه = لاتوقف في حرار الشمس تاكلك الرماضي




مطلق الثبيتي يرحمه الله :


أنت لو جالك ولــــــد تفطمه ماكمل سبوعه = مير بالله لاتخلطون الصحاح إمع المراضي

لاتجيب العيد قبل الوقـــــــت وتولع شموعه = أبعده يومين لين أجيـــب له دلوي وحاضي




صياف الحربي يرحمه الله :


من زرع يحصد وبعض الناس يغفل عن زروعه = أطلـــب الله للوجيه البيض يملاها بياضي

من يجيـــــــب العيد في وقته يبا يلبس دروعه = وأنت يامطـــلق عنيد ولاتكب الإعتراضي

[بندر المرشدي]

ما اقول الا بيض الله وجهك يابو طايل

[ناصر حامد الثبيتي]

تسلم يدينك على ماجمعت . ربي يعافيك ويبيض وجهك يالذيب .

[محمد الشامان الحشيبري]

بارك الله بك , شكراً أخي الكريم

[عاشق الطاروق]

]لاهنت اخوي سعود على الموضوع الرائع



وللمعلوميه الشاعر هادي لازال على قيد الحياه


تقبل مروري

تحياتي

[أبوبدر]

بيض الله وجيهكم

[محمد الذيابـــي]

بيّض الله وجهك على الفكرة والنقل


تقبل شكري

[النويب الجش]

مافي محاوره خلف هذال وشليويح بن شلاح