مكتبه تحتوي على مقتطفات من محاورات المعلم والشاعر الكبير/ مستوربن تركي العصيمي

[سعود العصيمي]

مكتبه تحتوي على مقتطفات من محاورات المعلم والشاعر الكبير/ مستوربن تركي العصيمي
مع زملائه عمالقة شعر المحاورة







عــبــد الله الــمــســعــودي=

سلام الله عليكم عد مايبـدي الـورق فالعـود=نبـا منـك السوالـف وانـت يامسـتـور هذبـهـا
علامك يالعصيمي تختلف فالوعد والموعود=وانـا خابـر وراك رجـال تفتـل فـي شواربـهـا





مــســتــور الــعــصــيــمــي=

هلا يامرحبا حييـت ياشاعـر بنـي مسعـود=تـدور للسوالـف مـن عتيـبـي يجيـلـك ابـهـا
نهار انا تواعدنا على وضح النقا المجرود=بهيبتـنـا كسـرنـا الـقـوم قـبـل انــا نحاربـهـا





عــبــد الله الــمــســعــودي=

بغيتوا يوم جيتوا مالقيتـوا غايـة المقصـود=ومنهـو ذل لـه مـن علـة مـامـات غـيـر ابـهـا
نهارك صادفه رمضا واصابتك الليال السود=وحنـا خابـريـن اســود سمـحـه مــن ثعالبـهـا



مــســتــور الــعــصــيــمــي=

ياعبدالله لابد العلم يطلع في ه نقص وزود=وانا اصحح علوم الصدق والكذبـه نكذبهـا
تدورنـا وتعزمنـا لضيفـه بابـهـا مــردود=تهاون بالعزيمه مانت داري عن عواقبهـا





عــبــد الله الــمــســعــودي=


تبا تزبن على الحيد الزبين وتبذل المجهود=سواة الغـاوي اللـي مخلـف الساقـه وعاقبهـا
لكنك حج واحـرم والفريضـه بابهـا مريـود=ليا صح البـدن باقـي المراجـل مـن مكاسبهـا





مــســتــور الــعــصــيــمــي=

ليامنك جحدت اللي حصل عندي عليك شهود=شـهـود تشـهـد انــك سبـهـا وانـــك سبايـبـهـا
لقيـت إيدامهـا قدامهـا فــي سبـلـك المـمـدود=وبعض الناس وشهو عذرها فـي تـرك واجبهـا





عــبــد الله الــمــســعــودي=

تلحقها بعد راحـت عليـك وفاتـك العنقـود=تـلـد بعـيـن والا عـيـن ماتـقـدر تـلـد ابـهـا
تهز البندق اللي تاكل الصفره مع العبرود=ولو يرمـي بهـا الرمـاي ضايعـةٍ مضاربهـا





مــســتــور الــعــصــيــمــي=

اظنـك ماسمـعـت الـلـي يـنـادي والعـبـاد رقــود=عديـم المعرفـه يدعـي علـى الصنـعـه وصاحبـهـا
بعد حاشتني الطرقه وجيت انشد عن اهل الجود=واثـرهــا مـقـبـره لقـبـورهـا تـشـهــد نصـايـبـهـا

[سعود العصيمي]

عبدالله المسعودى=

واحدآ جابوه وودوه مدري كيف قال=من هو اللي دف مستور واندفه وراه
اخوياه ايدورونه وهو رايح لحال =ما خبرت اللي يبا يروح ويكب اخوياه


مستور العصيمي=

ما خبرنا اللي يضيق سريع الانفعال=من يقول العلم جاني منين العلم جاه
واشكل الاقوال يا ذيب ما هي راس مال=من ظما لو يشرب البحر ما يروي ظماه


عبدالله المسعودى=

الخبر والعلم تحت العمامه والعقال=والعقال مع العمامه على راسك هذاه
من زعل قلة سعه يشتري له وسع با=قبل يقعد له زمانه على راس الحصاه

مستور العصيمي=

ما على راسي يقع ما على روس الرجال=والعميل الوافي الناس ما تنقص وفاه
الزعل طيب ومكروه في بعض الحوال =والامانه ما تضيع على طول الحياه


عبدالله المسعودى=

انت فيك طبيّعه من جدودك والخوال=لا غريبه تعجب الناس من قدر وغطاه
ان عطتك اكتوفها ما تربطك الحبال=وان توجه لك نحرها تلحفت العباه

مستور العصيمي=

وان بدالك عوجت العوج في رقاب الجمال=مير من عارض بما عونه السيل امتلاه
من تملت له غروبه ؟؟؟؟؟؟؟؟؟؟؟به محال=كل ما اوحى له منادي ينادي قال هاه

عبدالله المسعودى=

ما معي ماعون والوادي الممطور سال=وانت كيف يسيل واديك وخيالك صحاه
والحبوب الصم لو قيمة الحبه ريال=ما بلعها غير من تطحن الحبه رحاه



مستور العصيمي=

لو زهمت ابكم يجاوب على هذا السوال=كيف عاقل يلتبس ثوب ما فصل علاه
لن وصلك العلم عندك محايل واحتيال=حيلة الحصني ليا شاف سبع الليل جاه

[سعود العصيمي]

مستور العصيمي=

صدقونى.... ليا منى هرجت.الصحيح=شفت عبداللة واقف لة على باب دار
لاحصل شى من قصدة........ولا مستريح= كل ماشاف قبة..........قال هذى مزار


عبداللة المسعودى=

من يصدق كلامك يالبخيل....الشحيح= والبخيل الشحيح يمدها..باليسار
احرم اللة عيونك من عيون المليح=تنوى الصيد وانتة ماتحق..العيار


مستور العصيمي=

علم مثل الحجر ماهو بسكر..يميح= وانت خير لك من درب الجحيد القرار
يابن مستور علمنى وخلك....صريح=كيف تجحد كلام مثل شمس النهار

عبداللة المسعودى=

انت منت الطبيب اللى يداوى..الجريح=انت مجروح فى نفسك وتكوى ...بنار
من يعلمك ياللى بالسراير...تبيح=تحسب ان القنا والسيف طبلة وطار


مستور العصيمي=

عذبتك الليالى ياللسان الفصيح=كل ماشفتلك طير من العش طار
اخر الوقت اظنك فى مصيبة..تطيح=يفقدونك هذيل اهل الكرم..والوقار


عبدالله المسعودى=

انت جتك النصيحة من عميل نصيح=مار ماخذتها بين الضلوع القصار
ياعتيبة توحو فاالعتيبى..يصيح=كل ماشاف لمة شال ثوبة..واغار


مستور العصيمي=

زندك اللى من اول كان يقدح قديح= والعشية مولى ما يجيلة ..شرار
شب نارك تحت قدرك لعلة يفيح=والدلال المنحر..زيدها بالبهار

[سعود العصيمي]

عــبــد الله الــمــســعــودي=


هاضني ليلة الجمعة سنة تسعين=غير تسعه على تاريخنا الهجري
المعلم تعب بين الحجر والطين=والأفندي عن الأحوال مايـدري


مــســتــور الــعــصــيــمــي=

لو قرينا على صم الجبال تليـن=سورة الراجفه والشفع والوتري
لو بدالي حقيقه قلتها ذا الحيـن=بدري الليل يا أهل الملعبه بدري


عــبــد الله الــمــســعــودي=

صارت الحبحبه حمراء على السكين=مابقى غير طش القشـر والبـزري
المهندس يعـرف الصـم يامسكيـن=حط لك في شعيب منى مية كبـري


مــســتــور الــعــصــيــمــي=

أمتلا الخرج منها ومتـلا الجيبيـن=يوم حظك دعالـك ليلـة القـدري
وش جرالك وجالك وين ساري وين=مر سكر ومر العن من الصبـري


عــبــد الله الــمــســعــودي=

كل شيٍ يبين وما أكلت أم قريـن=لازم أنه طلـع فجنوبهـا نبـري
أنت طالب رسبت العام في درسين=لو تعد الـك الأقـلام والحبـري


مــســتــور الــعــصــيــمــي=

لقمة ابليس تعلجها على اللحييـن=والحوادث تصوّب والدهر يبري
هرجةٍ مادرى عنها حسن وحسين=عوّذ ابليس علمنـا بكـم تكـري



عــبــد الله الــمــســعــودي=

ياذهب بعد ما اشتدت عليك يدين=أحد يبتاع واحدٍ ياذهب يشـري
البلح والملح فالصاع أبو صاعين=وش تدور تمد يديك في شمري


مــســتــور الــعــصــيــمــي=

كل ديره لهـا نـاسٍ تسـد الديـن=من بعيد الرموس يجيبهـا فكـري
وش يحدك على القشرا حداك البين=ولا أنا بالرديـه ماطلـع ذكـري


عــبــد الله الــمــســعــودي=

أنت ياخادم الدنيـا نسيـت الديـن=لو نهز الجذع ضلا البلح يـذري
ذكرك أسود من الغدرا وحب التين=لو أوصفك في بيتين من شعـري



مــســتــور الــعــصــيــمــي=

قاضي الحق واحد والشهود اثنين=ان نشدناك وش سوابك المصري
قلت ياذيب درب الغانمين يميـن=مير مهبول لا تتعب ولا تـزري



عــبــد الله الــمــســعــودي=

طيب الشكل والمضمون ماهو زين=مثل ما فالبحر للمـد والجـزري
الحمامه تنادي راعـي المارتيـن=عند عش الطيور النبق والسـدري

[سعود العصيمي]

مستور العصيمي و شليويح المطاري


مستور العصيمي=

سلام الله بردية ولي نيه ولي مقصود= ومقصودي شليويح المطاري واسر ياساري
ترا حبل الشقا مابيننا ياصاحبي ممدود= بعد هبت بك انسام الذواري واسر ياساري ياساري



شليويح المطاري=

هلا يامرحبا ترحيبة تقدح كماالبارود = كما البارود من بطن السواري واسر ياساري
انا مدري تحصل في زمانك نقص ولا زود = لكنك ويش عندك من طواري واسر ياساري

مستور العصيمي=

وانا خابرك ماتبخل بمدك من رجال الجود = لكن ايام عنها مانت داري واسر ياساري
ليامنك نويت الصدق معنا فبذل المجهود = جمالك لاتصدرها عواري واسر ياساري

شليويح المطاري=

يجيك المد وافي كان راس العود طق العود = نكيل الصاع ونرد الغواري واسر ياساري
وانا ماني على درب الشقا ياصاحبي محدود = ولا اكل من طرف خبز البخاري واسر ياساري

مستور العصيمي=

ترا بيني وبينك ياشليويح النقا مجرود = ومني ماتذريك المذاري واسر ياساري
تبا تارد وتروى والضوامي حاظها مارود = ولالك يالمطاري خصم غاري واسر ياساري


شليويح المطاري=

تبا تفتح دروبٍ يالعصيمي ريعها مسدود = ولا ينفعك سيفك والشباري واسر ياساري
ليامنك سهرت الليل حنا مانصير رقود= وانا خصمك وقصاص الاثاري واسر ياساري

مستور العصيمي=

تعرض لك خيال في مقاديمه برد ورعود = وعندك علم عن شري وخاري واسر ياساري
مضى لك كم سنه ماعنك لاناشد ولا منشود = ولا شفناك يالنجم الزهاري واسر ياساري

شليويح المطاري=

لياصدق خياله نارده قدام كل ورود = لكن النو ماجاله مواري واسر ياساري
كبنك يالعصيمي ماتعديت الجبال السود = لكنك سير في وسط الصحاري واسر ياساري





مستورالعصيمي و صياف الحربي




مستور العصيمي=

سلام ردية تدخل بيوت المجد والطيب=ياجعلها ماتزول ولا يغيرها الزماني
ياذيب ياللي تجر عواك ليش عواك ياذيب=مدري من الجوع ولا طاري لك علم ثاني

صياف الحربي=

الله يعز الرجال اللي تعدي فالمراقيب=ترسي كما يرسي البابور في شط المواني
لو العصيمي يواجهني على عوج العراقيب=اباخذ السيف من يمناه واحرك لساني

مستور العصيمي=

... فك السلوك اللي تود العلم وتجيب=واللي عطى العشر ياصياف ما يقبل ثماني
العام ياصاحبي مافيك عيب ولا عذاريب=لكن هذا السنه تلدغ سواة العقرباني

صياف الحربي=

اليا اخلفتني هجوسي عنك حَصْْلت شقت الجيب=ماعندك اللي يحفر البير ويسوق السواني
ان طال عمرك بعد مده قصيره يطلع الشيب=واقول سافر من الدنيا لو انك من خواني

مستور العصيمي=

ماتعلم الغيب ياصياف وآنا ماعلم الغيب=لكن نورك تغير ليش ياسهيل اليماني
لن جات بالطيب ولا جات بخشوم المشاعيب=ساعه بساعتك ماتعدل لها خمسة ثواني

صياف الحربي=

تغير الوقت يالصاحب وخبثنَّ المشاريب=وان شدوا الناس قام شعيل يرثع بالآواني
انت الصحيب الغشيش اللي طلع بين الآصاحيب=جتني علومك مع العربان وآنا في مكاني

مستور العصيمي=

تغير الوقت غير اهله بلا شك ولا ريب=ترى العرب مايخلطون الهرايا بالسماني
قصدك تجنب وآجنب مير مالي عنك تجنيب=امرح وتصبح بخير وعافيه يامودماني

صياف الحربي=

والله لدوَّر مع العربان لين القى معازيب=واني لقابلك بالحاره وعمدتها يماني

[سعود العصيمي]

مستورالعصيمي=


عد ماهلت هماليل المخايل ياسلام الله سـلام بغيـر منّـه=للامير وللجميع اهدي سلامي واطلب الله بالنجاة وبالسلامه
الصمايل ياهل الخيل الصمايل لبسوها بالسروج وبالاعنّـه=والقمر يجلاك ياليل الظلامي ياقمرنا بالرياض وفي تهامـه



صياف الحربي=

مرحبا ترحيبة فيهـا دلايـل سنـة قبلـي وانـا تبـاع سنّـه=اكمل الحجه يالباس الحرامـي لاتسافـر بالعقـال وبالعمامـه
انتبه للي يردون المثايل لاتطـب النـار وانـت بوسـط جنّـه=ثم تصبح بالخلا جوعان ظامي تعصر الزيتون من عرق البشامه




مستورالعصيمي=


ماش ياصياف حيلات ومحايل شفت لي في بعضكـم شكـه وظنّـه=الحرامي كيف يسرق له حرامي طحت لك في حفرةعشرين قامه
عقب هاك السالفه كيف انت قايل يوم جردنا السيوف المستسنّه=يوم قمنا يالحروب الحظ قامي يبعـث الله امتـه يـوم القيامـه





صياف الحربي=


الله اكبر كيف خيلت المخايل وانت عينك تحت رمشك مستكنّـه=مامعك غير الفتيله والحزامي والعصا اللي شلتها ظلم وغشامه
من بلد جدة ليا ضلعان حايل تتبع اديار الـروا والدلـو شنّـه=كن ما لك لالسان ولاعظامي عقب ضيعت الشداد مع المسامه


مستورالعصيمي=

ماجحدت بيوت ماضيين الفعايل وانت هاك اليوم ونيت لك ونّه=يالسحيمي طيعني واسمع كلامي الغلط يوقفك في درب الندامه
ان كثر مابيننا قيل وقايل والهقاوي يرجعن اليـا اهـل هنّـه=لاتقرب ميسم بالنار حامي يصبح الميسم على الخدين شامه




صياف الحربي=



انته الليله عليك الحمل مايل وان بغيت العد حنيت لك حنّـه=والحقيقه لاتباع ولاتسامي غشك اللي حط لك ربع العلامه
لانته التالي ولا انت مع الاوايل حولت في نارنا تسعين قنه=واصبحت لاهي شراب ولاطعامي ماعليّه من سبايبها ملامه

[سعود العصيمي]

صياف الحربي=

هاضني برق السحابه وأنا متعـدي= سيلت ماسيلت في هـذاك الـوادي
شفت مستور العصيمي تعدى الحدي= نيته ماترسـم الخـط للاجـوادي



مستور العصيمي=

قبل لاتضرب بسيفٍ رهيف الحدي=لاتقرب حدنا من بلـدك وغـادي
ياعتيبه عزوتي.. ذخر أبوي وجدي=أنصحوا صياف لن ماهداه الهادي






صياف الحربي=

لا تعذرني بكثر الأخـذ والـردي=صب لي فنجال واحد من البرادي
الثبيتي غثرب الماد وبيح سـدي=وانت توعدني ولا جيت فالميعادي





مستور العصيمي=

جعل بيتٍ ما يـذري هلـه ينهـدي=ما فقدنـا فالليالـي حـلالٍ غـادي
وأنت لا تبكي وحنا عليـك نحـدي=وأن جحدت العلم ذعنا الخبر فالرادي





صياف الحربي=

مفطرٍ بغيرك صبيحه وبك متغدي=وان تكلمنا كما الشوك فالأكبادي
وانت راسك كنه الشوك ما ينكدي=مايكده غير مشطٍ مع الحـدادي




مستور العصيمي=

لاتعاندني يابو كوت ما انت بقدي=وانت طيرٍ لو نبي صيدته ينصادي
وأنت راسٍ فيه الأمشاط ما تنعدي=نشتري فالسلم ونبيع فالاقصادي

[سعود العصيمي]

صياف الحربي=

اشوف مستور العصيمي جاب حبله وجملـــــــه =وليا قضى تمر الحساء جاني يبي تمر القصيم
ان مــد وحــده من يديــه امـلا يــدي واحطلـــه =وان كــان مد يدينه الثنتيــن اقــول الله كريــم

مستور العصيمي=

ان كان عندك تمر جيتك بالبعيــر وحملـه =لكن لا تخلط لي التمـر الجديد مع القديــم
اظن صياف السحيمي ناسيا ويـش قلتلــه =وان كان يا صياف ناسي قل بالله العظيم

صياف الحربي=

التمــر يامستــور مــا عندك سنــون تاكلـه =أكل الضروس السوس والنيبان مافيها سليم
ياللي تبي ترضي هذاك وذاك تبـي تزعلــه =اهون عليك اللفلفــه والا الطـريق المستقيــم

مستور العصيمي=

لابــدنــا نلقــى لنــا غيــرك عميــل نعاملـــه=وانا ضروسي من حديد وتكسر العظم الصميم
وان كان ماتدرون ويــش الراي خلــوه لهلــه =قــد قيــل بالامثــال مانــزال شدد لـه مقيــم

صياف الحربي=

ينفــك بــاب الخـير للطرقي وحظــه يقفلــه =درب الصحيح يجيده العاقل ويخطيه الغشيم
اليا نقصــت الكيــل والمكيــال قلنــا كملــه =حنا ترى ماعندنا فاصحابنا خشم وخشيــم

مستور العصيمي=

بان الصحيح وكل رجــال عرفنــا منزلــه =احد حياته في شقا واحد حياته في نعيم
اللي يبي كحل العيون يلد يمي واكحلــه=والا على قول المثل مال الغريم الا الغريم

[سعود العصيمي]

صياف الحربي=

يالعصيمي جيت بين الرخا والشده=صرت بين البحر الأحمر وسيل الوادي
الجمل شقران عيا يشيل العده=وأنت ماتقدر تسوقه بغير إشدادي





مستورالعصيمي=

والعصيمي عمها لو تطول المده=لاتشد إعنانها لن هداك الهادي
دايما ياحرب وأرزاقكم منلده=خيموا بخيامكم فالمحيط الهادي



صياف الحربي=

عمها فالضلع قدام تنزل جده=مير خلك عن طريق الخطر متحادي
الحروب إتحارب العالم المرتده=وأنت عينك صاحيه مير قلبك غادي





مستورالعصيمي=

الجمال اللي تراغا عساها الغده=ضايعه والضايعه مالها نشادي
وأنت ياصياف رديتها فالبده=مادريت إن به سد الشفا نقادي





صياف الحربي=

خل كبدك تصبح إمن الزعل مسوده=إعرف المصدار ثم إعرف الميرادي
شيل بشتك وإضرب السكه الممتده=لاتعاندني ويصعب عليك عنادي



مستورالعصيمي=

مانضد إلا عرب تستحق الضده=ياغريب الدار كل البلاد بلادي
لونمشي يمك السكه المنسده=مايناديلك مع المسلمين منادي

[سعود العصيمي]

مطلق بن حميّد الثبيتي ومستور بن تركي العصيمي


مطلق الثبيتي=

هذا السنه ماهي سوات العام = الغيث طاح ونبتت الديره
والبرق يبرق فاليمن والشام = ياجعل فيه الخير والخيره



مستورالعصيمي=


هذا السنه فيها جديد اعلام = ياجار ياللي تعرف الجيره
خلك من الثقبه اليا الدمام = كف القدم واقصر مشاويره


مطلق الثبيتي=

ياللي تهل الدمع ماتنلام = خايف علينا تطول السيره
حنا ترانا فالزمان اكرام = والوقت مانتبع معاصيره


مستورالعصيمي=

حنا جماعه والسعد قدام = دوب السعد دقت مظاهيره
لاعاد تامن غرة الايام = بعد الدركتن دار جنزيره


مطلق الثبيتي=


ماودي الحزمه تروح اقسام = واتحط الك لفه وتدويره
اللي سواتك محتزم بحزام = نعرف وروده من مصاديره


مستورالعصيمي=

لاتستمع في نمة النمام = اللي مغير يولع النيره
ياقاطعين الوصل والارحام = حلم قديم ودوروا غيره


مطلق الثبيتي=

مادام حنا والرجال ايلام = مانحسد الصانع على كيره
كل الملاحم ملحمه بلحام = لاتتعب الجمال وبعيره


مستورالعصيمي=

لاعاد تلبس وارد البسام = خل الحسد والكره والغيره
طيري على راس الطويله حام = يوم الثبيتي مانهض طيره

[سعود العصيمي]

مطلق الثبيتي=


وين العصيمي عقب عود بالسلامه = ابانشده عقب البطى والانقطاعه
الناس قالولي مربع في تهامه = يشرب لبن والسمن سايل مع ذراعه


مستور العصيمي=


يافكرتي يانكرتي مطلق علامه = انا ماغبت الا حوالي ربع ساعه
قام ايتلبس فالعقال وفالعمامه = وان ضاعت الثنتين مافيها شفاعه


مطلق الثبيتي=


بعد نحرت شعيل عطنا من سنامه = وانا ولد عمك واخوك من الرضاعه
الخير شايفله على وجهك علامه = علامة يفخربها شيخ الجماعه


مستور العصيمي=


ماعاد باقي من شعيل الا عظامه = عندك خبر لكن ماعندك قناعه
ماجاتنا الدعوى بضحكة وابتسامه = ماجاتنا الا يالثبيتي بالشجاعه


مطلق الثبيتي=


سبحان من ركبك في ظهر النعامه = وانته منول صايبك فجعه وراعه
الاوله جاتك وصفرك في حزامه = والثانيه ماعاد الك فيها طماعه


مستور العصيمي=


احسن من اللي لاشداد ولا مسامه = واليالقى له بشت والا ثوب باعه
الاوله لاعاد تلحقني ملامه =والثانيه عندك يابوفيصل وداعه

[سعود العصيمي]

مستورالعصيمي وعوض الله السلمي (ابو مشعاب)



مستور العصيمي=

ياسلامي عد وبل يوم هلي لاح براقه ورعده في الخيالي= جيتكم عندي خبر وابغى خبر من عندكم بوجودكم فرصة سعيده
هات ياعوض الله الاخبار قلي اللي لاتسوي الك محايل واحتيالي= خلنا نسري على نورالقمر نور القمر يشكف لنا الدار البعيده

عوض الله السلمي=

ياهلا يامرحبا بالصاحب اللي صحبته دامت شهر واربع ليالي = كل ماغلق شهر واقبل شهر يبغالنا نعمل معه صحبه جديده
وش تنشد عنه بعد الوقت زلي سد في حالك وانا بسد حالي= السؤال المعتبر يامعتبر نكتب جوابه لك بصفحات الجريده

مستور العصيمي=

ياعميلي كل ماصلى المصلي علمكم يطري على فكري وبالي = واحد غاب وحضر واليا حضر جاكم وقابلكم على قيس الوعيده
مابغينا حبلها ينحل حلي والحيل حلت معاقيد الحبالي= خل بابور البحر جوف البحرياصاحبي والله يدبر مايريده

عوض الله السلمي=

يالعصيمي مانت داري وش حصلي كل ماجيتك لقيت البيت خالي = قالواانك في سفر يابو سفر لاعاد تعدنا وسفراتك عديده
ليه عن دارك يابو زيد متجلي ليت دار ماهو لك مايحسب راس مالي= اعتذرلواعتذر قلنا فمان الله عسى الطرقه مفيده

مستور العصيمي=

من يدورني لقاني في محلي مرسيٍ سوات ماترسي الجبالي = مار عينك ماتحقق بالنظر حق النظر واوصيك في حسن العقيده
خلها في راس مفلاها تفلي لاتجفلها تهج من المفالي= علمها دوبه على بالي خطر واللي خطر في خاطري معنى القصيده


عوض الله السلمي=

ياعميلي لي موقيفٍ تسلي يشهدون اهل اليمن واهل الشمالي = مابغينا نخبط اغصان الشجر راع الشجر طمعان فيه الله يزيده
وش تبي بالشمس وانته جوف ظلي لا تعبد الشمس خلك فالضلالي = مايضد امية نفر واحد نفر وانظر بعينك فالسبور وفالقعيده

[سعود العصيمي]

مستور العصيمي ومصلح ابن عياد الحارثي


مصلح ابن عياد الحارثي=

مرحبا ترحيبة ماهي على جرف هيالي = عمرها عمر طويل وثوبها ثوبٍ جديدي
حظناما ينجب الا طيبين من الرجالي = الرجالي الطيبين من القريّب والبعيدي

مستور العصيمي=

البقاء ياصاحبي يامكسبي يارأس مالي = سوقها قدامها والله يدبر مايريدي
جعل حضك زين يامصلح على طول الليالي = والمثل يقول ماضد الحديد الا الحديدي

مصلح ابن عياد الحارثي=

امش ياماشي على ضوء الثريا والهلالي = واعطنا العلم الموكد وواسمع العلم الاكيدي
ليه تسبر للجنوب وليه تسبر للشمالي= وانت في يوم من الايام تسحب من رصيدي


مستور العصيمي=

لويضيق ابك الفضاء والارض انا ماضاق بالي= مار لايرقص لك الشيطان ملعون الكديدي
الشرا والبيع حاضر بالجنيه وبالريالي = سرها ياسيد ابا الحارث ترا مانته بسيدي


مصلح ابن عياد الحارثي=

خابرين ابن الحرام وخابرين ابن الحلالي = درات الدنيا رحى بقعا تصيد اللي تصيدي
لاه نمر القرا تبدي مع الريع الموالي = قلت لك يانمر جنب لاتعاند ياعنيدي

مستورالعصيمي=

العجوز ام الكبائر لاتقول الها تعالي = وان عطتك الوجه قابلها بسيف ابن الوليدي
الملقف بينوها واصبحت في ربع خالي = احد يطري بالاقامه واحد يطري بالشديدي

مصلح ابن عياد الحارثي=

العجوز ام الكبائر مالها عندي مجالي = لكن الله يبتلشها عندها مشلح وبيدي

[سعود العصيمي]

مصلح بن عياد الحارثي=

ياسلام الله عليكـم مـن هجـوسٍٍ ماتبـدل=مايغيرهـا الزمـان ولايغيرهـا المكانـي
نعم والله بالرجـال اللـي فعايلهـم تجمـل=واضحه مثل القمر والشمس وسهيل اليمانـي

مستور بن تركي العصيمي=

مرحبا بالشاعر اللـي كـل ماقـام يتحمـل=اهرج اهرج مع عتيبه وانت مطلوق اللساني
انت راعي حجة تطلـب طلـب ولا تعلـل=ماتجي لك ماتجي لـك ياعميلـي بالتمانـي

مصلح بن عياد الحارثي=

كل ماعدل عصـا دنيـاي عيـت ماتعـدل=والسنين الباقيـه مـدري تسـع ولا ثمانـي
حجتـي وردتهـا للعـد وحبالـي مفـتـل=والعصيمـي شـاب راسـه بيـن....و...

مستور بن تركي العصيمي=

الشعر ماهو حديثٍ من كتـاب الله منـزل=وينها حجتك قلـي يافـلان ابـن الفلانـي
كيف صناع السلاح امن السلاح امسى معزل=وانت ساكن في ديار الخوف ولا في الاماني

مصلح بن عياد الحارثي=

الشعر ماهو بمشروب السجايـر والمعسـل=اهرج اهرج من السانك واتكلم من لسانـي
انتظرني لين اجي ولا ازبن الرجل الموكـل=ماعلي خلاف باقي لي ثلاثه مـن خوانـي

مستور بن تركي العصيمي=

والله اني ماتعبت الا مـع النـاس المهبـل=ترجم الكلمه ترانـي يالشبابـي ترجمانـي
وان بغيت تعيدها ياصاحبي مصلح تفضـل=يااهل الوادي نقول السيل اخير من السواني

مصلح بن عياد الحارثي=

لاتـحللها غلـط واثـر الغلـط ماينتحلـل=وانتبـه للثالثـه والياهـداك الله هـدانـي
احتزمنـا بالمجنانـد والخناجـر والمفتـل=ثم جيناكم صلاة الصبح في الحزم البيانـي

مستور بن تركي العصيمي=

اسمعوا وش قال مصلح والدليله مـن تدلـل=تاجدون الفرق مابيـن الدقايـق والثوانـي
خطنا مشروع ماجينا مع خـط التسلـل=ان بعدنا قمت تزهـم وان قربنـا ماتدانـي

مصلح بن عياد الحارثي=

لاتضيق من الحقيقه وانت لك عقـل مدبـل=حثها حث الركايـب تلهـا تـل الحصانـي
ويش ادور يالعصيمي باقي المرقاب حـول=كان ترضيك النصيحه طيعني قبل تعصانـي

[سعود العصيمي]

مستورالعصيمي ومحمد السناني


محمــد الــــســنــــــانــي=

سلامي بعد صفو عتابه فريقيـن=فريقين والميـدان قصرالسلامـي
حبيب ومستورالعصيمي على وين=لو إستلحقوا معهم رشيد الزلامي


مـســتــور الـعـصــــيــمــي=

هلا مرحبا ترحيبةٍ تقضي الدين=معي محتزيها ماسرقها الحرامي
حبيب وأنا جينا نكحل لك العيـن=ومن غاب غاب ولايجيه الملامي


مــــحـــمــــد الــــســــنــــــانـــــي=

يـدوم البقـا ياطيبيـن القوانيـن=وأنا لي نظر فأهل الثلاث الأسامي
مناوين ياعتيبه وش إللي مناويـن=أنا يالعصيمي مافقدت إحترامـي

مــــســـتـــور الـــعــصــــيـــمــــي=

ولا يالسناني صرت مثل أم ظرفين=عيونك على المشرق وقلبك تهامي
ليا جيتنا يا ضيف تلقى خبر زيـن=ولن رحت جعلك في بعيد المرامي


مــــحـــمــــد الــــســــنــــــانـــــي=

أنا يالعصيمـي ماتقلـب بوجهيـن=لكن أنت ناسي فضل عشرين عامي
جوازك جديد وفيه نخلة وسيفيـن=وناوي تبرّى من شروط النظامـي

مــــســـتـــور الـــعــصــــيـــمــــي=

تبان الرسالة من رمـوز العناويـن=علامك تجي ضامي وصدرت ضامي
ليا كان مال السيف مقضب وحديـن=يبي ينكسر قـدام كسـر العظامـي



مــــحـــمــــد الــــســــنــــــانـــــي =


أنا ما تياسر والجماعه مياميـن=تفقد حزامك ياجويد الحزامـي
يقولون مابشهار غير المجانيـن=وقلبك على شأن المجانين حامي

مــــســـتـــور الـــعــصــــيـــمــــي=

صبرنا على الأيام صبرالبعاريـن=وهالحينه إصحي بالقلوب النيامـي
أنا خابرك وأعرفك من عام الألفين=ولكن صبرك لين أتمـم صيامـي


مــــحـــمــــد الــــســــنــــــانـــــي=

لياصارمافالرجل ذمـه ولاديـن=يبشـر بسوءالعاقبـه والختامـي
أنا خابرك من عام خمسه وتسعين=معنيّك مشوار الفروت القدامـي




محمدالسناني=

ياسلامي على عتيبه بقصر السلام=والتحيه على الحفله وحضارهـا
يالعصيمي ترى بيني وبينك كلام=تستمعله كبار القوم واصغارهـا

مستورالعصيمي=

مرحبا في محل العز والأحترام=حفلة العزوة اللي ولعت نارهـا
اسهر الليل لايطري عليك المنام=دور الطيبه بالفكر واختارهـا

محمدالسناني=

البقى كل إبوكم يالرجال الحشام=العرب للمواقف ترخص اعمارها
القضيه تبي تاخذ ثلاثيـن عـام=لين سود الليالي تكشف اسرارها

مستورالعصيمي=

يجري الدم مابين اللحم والعظـام=خلنا يامحمـد نظفـي استارهـا
نعرف أكالت الخنزير الاد الحرام=اصبحوا من يمين الدار وايسارها

محمدالسناني=

قربت ساعة التسليـم والأستـلام=شوف وحده من الثنتين واختارها
قوم وثق حزامك ياجويد الحـزام=قبل تبلى برؤوس الشر واشرارها

مستورالعصيمي=
مانقابلك بالضحكه وبالأبتسـام=كل لحيه لها فالوقـت مقدارهـا
لاتجي في طريق مفرقين الزحام=دور الحيه ام جنيب في غارها

محمدالسناني=

ندري انك شجيع من العصور القدام=قدم اللي تبـي ويجيـك مسعارهـا
والله إني بعيـد الشـك والاتهـام=وأنت تدري عن الحفره وحفارهـا

مستورالعصيمي=

يوم ظلا العجاج ركود مثل الخيام=من هي الجاره اللي مذيه جارها
انت سريتها في نـور ولاظـلام=جاك فنجال دله زايـد بهارهـا

محمدالسناني=

أنت راضٍ عليها جعلها لرحام=قبل ماإن القبايل تنشر أخبارها
والله إني مسريها حدود النظام=وأنت ماانته مكلفني بمشوارها

مستورالعصيمي=

سمها في الشراب وسمها في الطعام=كيف ماتت وعاشت نعنبو عارهـا

[سعود العصيمي]

مستور العصيمي وفلاح القرقاح



مستور العصيمي=

ياسلام وتحيه للمقام الرفيع= يامودي لفيصل ودها ودها
تحت سيف العداله كل راس يطيع =والمهمات جاها واحد قدها

فلاح القرقاح=

مرحبا عد مافاحت زهور الربيع =عند امير بنا الامجاد ماهدها
انت ياصاحبي مستور صدرك وسيع =مير عطني علومك وابشر بردها

مستور العصيمي =

بيع واشتر وانا في السوق بشري وابيع=مانريد الامور تزيد عن حدها
يافلاح انت لاتاقف علي كل ريع =تعترض في دروب الناس وتسدها

فلاح القرقاح=

الدليله لو يطول المدى مايضيع=مير خل الجمال تبرك لشدها
ادري ان اليهود اللي مامنها شجيع =ماتحب العرب لا رحم ابو جدها

مستور العصيمي =

قبل تفرش فراشك فوق شوك النقيع=الجبال المنيفه عدها عدها
وان حصل هوشه ماصار فيها فريع=احتزم بالسيوف وحدها وحدها

فلاح القرقاح=

ليت بعض الرجال يراجعون الرجيع =والله ان وسمها بين علي خدها
واحد امن قحطان يقوم في يده ذريع=ينطح ميه من العدوان ويصدها

مستور العصيمي=

اثر عندك من الحمر السواحل قطيع=كل يوم يمر تمر وتعدها
علمك يخصك لحالك مايعم الجميع=كل كلمه تبيها بدها بدها

فلاح القرقاح =

عندي اهل الجميل مناصرين الشفيع= مستعدين بالبارود والا الدها
مايحب المشاكل غير راس صديع =مير مع صاحب مستور لابدها

مستور العصيمي =

يافلاح الوداعه في يدين الوديع =لاتعاين بنص العين وتلدها
ياهل الفكر هاتوا للمطوع شفيع =العرب للعرب مابيحت سدها

فلاح القرقاح =

لاتشوش علي الارسال وانت المذيع = كيف نمزح معك والناس من جدها

[سعود العصيمي]

مـســـتــور الــعـصــيــمـي و فيــصــل الـريـاحــي




فــــــيــــــصـــــــل الــــــريــــاحـــي =

سلام في ليلـةٍ مـا مثلهـا فالليـال=يُقطف لها الورد ويخطط لها من سنه
الشعر حكمة وينبع من عقول الرجال=قالوا هل الميسرة قلنا هـل الميمنـه



مــــــســــــتـــــور الــعـــصـــيـــمـــي=

يا مرحبا يا مسلّـم عـدّ وبـل الخيـال=من جاب له سيّةٍ محدٍ عطـاه احسنـه
يا فيصل الوقت يمشي مثل مشي الجمال=واليا لقيت الجمل قود الجمـل برسنـه

فــــــيــــــصـــــــل الــــــريــــاحـــي =

اعيونها للجنوب وقلبهـا للشمـال=واللي على بالها نعلم وندري عنه
الرجل ما يامن الدنيا على كل حال=والمشكلة كان جاله باللسان الْسنه


مــــــســــــتـــــور الــعـــصـــيـــمـــي=

أحسن لك الشمس والا احسن تجي فالظلال=تـرى السبـب منـك يارجـال ماهومنـه
ما ينزل السوق غير اللي معه راس مـال=والبيع والمشتـرى والربـح مـا يضمنـه


فــــــيــــــصـــــــل الــــــريــــاحـــي =

أنا ولد شمس ماني ولْد روح وتعال=وانته رفيقي لكنّ السرّ ما تخزنـه
اليا نصبنا علمها فوق روس الجبال=المستحيلة علينـا ممكنـه ممكنـه


مــــــســــــتـــــور الــعـــصـــيـــمـــي=

أنته ولد شمس شمس اللي يعقْد الحبـال=لا عـاد فـي تالـي الأيـام تستامـنـه
احسب حسابك ترى ما يضحك الا الخبال=تفقّد الهرج يا فيصـل وهـات احسنـه

فــــــيــــــصـــــــل الــــــريــــاحـــي =

بعض البنوك افلستْ ما عاد فيها ريـال=لا عاد تفرح على الشجعان هنّ وهنـه
ياللي تحوّل عروق الكبْد صوب الطحال=دكتور لكـنّ بعـض الدكتـره ملعنـه


مــــــســــــتـــــور الــعـــصـــيـــمـــي=

نارد عدود الروى والحبل فوق المحال=واللي يقفّي من الأصحاب ما نطعنـه
تسأل وان اسأل وجاوبني بقيس السؤال=واللي يغني نغني لـه بقيـس الحنـه


فــــــيــــــصـــــــل الــــــريــــاحـــي=

ها شب نارك وحط الوسم فوق الغفال=والله يعين الكريم بسفرتـه وصحنـه
بيني وبينك مجادل فالحصا والرمـال=ما باقيَ الا الهدى يبغى لهـا دركنـه


مــــــســــــتـــــور الــعـــصـــيـــمـــي=

تبا تدخّل ولا شفت الك فيهـا مجـال=واليا تدخّلـت حطينـاك فالمطحنـه
الله يكرم عليكـم يـا كـرام السبـال=امرار تمشي معي وامرار فيك احرنه


فــــــيــــــصـــــــل الــــــريــــاحـــي=

أراقب اللي نزل واللي يشد الرحال=والمطحنه جالها بين الهنود ادخنـه
مالي بدالك ولا تلقى بدالـي بـدال=لكنك اعقل وخل الجنّ والجنجنـه


مــــــســــــتـــــور الــعـــصـــيـــمـــي=

حنا نصلي جماعه وانت خلك لحـال=مسلم واصلّي ولا يوجد عليّ الْعنـه
سكّر سموعك ولا تسمع لقيل ٍ وقال=وان صار منك الخطا تدفع عليه اثمنه


فــــــيــــــصـــــــل الــــــريــــاحـــي=

با قوّم الثورة الكبرى على الاحتمال=حتى قلوب الهنود يجي لها دندنـه
اليا مشيت ابعدال آبشّرك بالعـدال=لابدنا نعرف الكحّة مـن الحنحنـه


مــــــســــــتـــــور الــعـــصـــيـــمـــي=

يبا يطير الهوى بعمامتك والعقـال=ياللي ثلاثين عام تعيش بالمسكنـه
ياليتها كان ماتت قبل تذخّر عيـال=وان عطرت فالها بالعود والمدخنه

[سعود العصيمي]

مستور العصيمي =

هلايامرحبا باسم مروين المعاطيـش=من اهل البيرق اللي يقودون السرايا
والا يابو بدر فالمحطة صار تشويش=غزوها وانكبوها خبيثيـن النوايـا

فيصل الرياحي =

يدوم الك البقاء عد همـال المراهيـش=وهاذي حلة اللـي يضـدون النحايـا
وانا وأنته يامستور نتحسف على ويش=تعـد العلـم كلـه تعـدتـك المنـايـا


مستور العصيمي =

تحرص واتحترص قبلنا فالخط تفتيش=وانا خابرك مانته صري ابلا لوايـا
يبا يغلب قلمنا على أقلام الدراويـش=يعود العلـم للـي يحلـون القضايـا

فيصل الرياحي =

أنا خابرك مانته صري ابغير تحريـش=لكن الليل والحمـل بظهـور المطايـا
مادام السالفه مع هل الخيل وهل الجيش=على درب الجمل لاتعـدون الضحايـا

مستور العصيمي =

ترا ماخرّب المجتمع غير البخاشيش=ليعطوهم يقولـون يافيصـل هدايـا
ولن سايلتني كل طيرٍ ينهض الريش=يقول انه تعلا علـى روس النبايـا

فيصل الرياحي =

طيور اتغير وطيور تقنع بالعراميـش=لاتفرس بالمخالب ولا تمسي طوايـا
هل الخبرة تعرف الاصايل والكواديش=يابعد الفرق بين الذيابـه والضرايـا

مستور العصيمي =

تمشى بارض ربي وقيّل فالمعاريـش=ولاتارد على عد مايروضي الضمايـا
مطاريش الرياحي ترا ماهي مطاريش=يقّيل في زوايا ويمسـي فـي زوايـا

فيصل الرياحي =

ترا ماكل حارة بها عمدة وشاويش=كثير الناس ماتمشي الا بالخطايـا
علومي عاليه ماتنوشها المناويش=وعلم الغيـب لله عـلام الخفايـا

[سعود العصيمي]

مستورالعصيمي وزيد سلمي المطيري



زيـــــــــــــــد الــــمــــــــطــــــــيــري=

ياسلامي على الحضار في حفل روق=ردة ً ما يجوز العـذر مـن دونهـا
يالعصيمي علوما ً ترفع الراس فـوق=مـا تغنـي بهـا ليلـى ومجنونهـا


مـــــســــتــــور الـــعــــصـــيـــمــــي=

ياهلا مرحبا عداد نوض البروق=وعد من طاف بالكعبة وبركونها
دور الغالية يازيد في كل سوق=غنّ لحنك وخل ّ الناس ولحونها



زيـــــــــــــــد الــــمــــــــطــــــــيــري=

لا تشين القلوب ولا تضيع الحقوق=الامـانـه نرجعـهـا لمامونـهـا
يالسان الكذوب اسمع لسان الصدوق=تضحك الناس لو ّ الشر ّ بعيونهـا



مـــــســــتــــور الـــعــــصـــيـــمــــي=

مالكم حق صايب ياوساع الحلوق=ياهل الشجرة اللي مالت اغصونها
من يصدق لسانك ياوسيع الشدوق=انطفت جمرة ً في راس غليونهـا




زيـــــــــــــــد الــــمــــــــطــــــــيــري=

الشهادة من اللي ماعليهم طقـوق=يستعـد ّون للكلمـة ويحمونهـا
شرعنا شرعنا يقطع يمين السروق=الدروب الوسيعـة ماتشوفونهـا



مـــــســــتــــور الـــعــــصـــيـــمــــي=

الجمل في قياده والبهم فالرّ بوق=وين رعيانها ماعـاد يرعونهـا
خلّها لين بكرة من منامك تفوق=الرحى يالعضالة زان مطحونها



زيـــــــــــــــد الــــمــــــــطــــــــيــري=

كل دقنـا ً تعـدّاه العلـوم امحلـوق=ولا نصلي الصلاة اللـي يصلونهـا
شجرة ً تشرب الما من طوال العروق=مـا يجيهـا اليبـاس ولا تقصونهـا


مـــــســــتــــور الـــعــــصـــيـــمــــي=

لا حصل لك صبوح ولا حصل لك غبوق=كـان مجنـون غيـرك نـاس بجنونهـا
ياعضالـة تـرى مانـي بحـلاب نـوق=اعـرف اللـي لـيـا درّت يحلبونـهـا



زيـــــــــــــــد الــــمــــــــطــــــــيــري=

انت شاعر ولك رغبة وميزة وذوق=مير خل البضاعة وصط كرتونهـا
يالعصيمي ترى مايحلب الا الفشوق=دوروها علـى الفاقـة وتلقونهـا


مـــــســــتــــور الـــعــــصـــيـــمــــي=

شيلها فوق راسك طوق من فوق طوق=وشنبى من قدور النـاس وصحونهـا
العن ابليس ياراعي الحصان السبـوق=خلهـا خلهـا تمشـي علـى هونهـا



زيـــــــــــــــد الــــمــــــــطــــــــيــري=

حصلت غير راسي راس عشق امعشوق=وبركتهـا لذيـك الـروس وقرونـهـا
كان سلمت ولا جوها عيـال الشـروق=بشـرت بالعلـوم الـلـي تعزونـهـا


مـــــســــتــــور الـــعــــصـــيـــمــــي=

انتهى التمر من روس النخل والعذوق=مابقـى الا سبـاع تحـدد اسنونهـا

[سعود العصيمي]

مستورالعصيمي وعبدالله المطرفي



عبدالله المطرفي =

يطول الليل والمطرود ملحوق=هلا يامرحبـا والليـل باقـي
انا خابرك يامستور صنـدوق=ولك صدرآ من الارزاق ضاقي


مستور العصيمي=

يطول الليل واله رعود وبروق=يدوم لك البقا واملاء السواقي
انا حاضر معك واطلع بها فوق=تبان الشمس ونسـد الرواقـي

عبدالله المطرفي =

انا مـاذم لا برقـا ولا روق=جمالآ لا تقـاد ولا تساقـي
يجي فالمعركه سابق ومسبوق=نشوف اللي سبق بعد السباقي


مستور العصيمي=

ولا ياشاعرآ غنيـت بطـروق=ابـى الامـان ودور فراقـي
على هونك وسوق القافله سوق=وجنب عن منكسـة الطواقـي

عبدالله المطرفي =

على وسق البعير اشداد مسروق=وراح امن الكويت اليا العراقي
انا اعرف للجمال ابطون وحلوق=تذوق العيشـه اللـي ماتذاقـي


مستور العصيمي=

تدور حق مير اصبحت محقوق=وطارتبـك جناحيـن البراقـي
لكن اهل الخطا والغدر والبوق=جماجمهم على روس السناقي


عبدالله المطرفي =

ليا طار الصقر بجنـاح غرنـوق=تـرى كـلآ يحذفـه بالمداقـي
صفقت الرزق يابو رزق مصفوق=ولا تشرب حليب اهـل النياقـي




مستور العصيمي=


ولا ياصاحبـآ فالـدرب مرفـوق=يطـاق العـلـم والا مايطـاقـي
تبى وترجع ونص والراس محلوق=وانا واقـف لهـا مـالان ساقـي

[سعود العصيمي]

مستورالعصيمي وحبيب العازمي


حبيب العازمي=

يامرحبا ترحيبةٍ تنحت مـن جبـال السـراه=الي على الطايف مطلـه والهـوا مـا هدهـا
قولوا لمستور العصيمي ينتبه يرفع عصاه=ام الكبايـر دمعهـا مـن عينهـا فــي خـدهـا

مستور العصيمي=

دام البقى يالشاعر الي يلحق الشاعر هواه=مديـت لـك يمنـاي يمنـاك الكريـمـة مـدهـا
يالعازمي لا تشتقـي بالحـب دورنـا رحـاه=وام الكباير خلها عنـدي وانـا العـن جدهـا

حبيب العازمي=

ياعد يـا هـداج الـي يـروي الحجـاج مـاه=الله عطانـي قــوةٍ عـطـاك قبـلـي ضـدهـا
هذا خطا والمخطي المسؤل يتحمل خطاه=انت تلبس لـك رجـال ثيـاب ماهـي قدهـا

مستور العصيمي=

ترا العصيمي لو شرب له بحر ما يقطع ضماه=دوبـــك تـلـفـت يـاحـبـيـب لـلـنـجـوم وعــدهــا
الــي يصـيـح لـلـعـرب دون الـجـبـل ولا وراه=ياصاحبـي يالعـازمـي هــات العـلـوم و ودهــا

حبيب العازمي=

حنا ترانا ما نحسد الرجال يوم الله عطاه=وحقوقـنـا حامينـهـا ود الـعـدا مــا ودهــا
الي يصيـح للعـرب صيّـح وبـذ الله خفـاه=يكـد راس الجاريـة والمشـط عيـا يكدهـا

مستور العصيمي=

اللي يخاف الله يزكي المال في وقت الزكاه=بالله قـــل الـــي بــنــاها لا يــزيــد يـهـدهــا
المسلم المغرور مالـه لا صيـام ولا صـلاه=راع العيون الحول في الجيران ليش يلدها

حبيب العازمي=

العام بيت الفقـر جـاه المـال مـن بيـت الغنـاه=واليـوم بيـت الفقـر يـازن صاعهـا فـي مـدهـا
كيف المريض الي على الدكتور مشروط دواه=يصـحـي مــن الغيبـوبـة الــي تـاخـذه لابـدهـا

مستور العصيمي=

المعطـي الله مـا ترجينـا البخـيـل ولاعـطـاه=ونقول يا بيت الكرم عش الضيوف وغدها
ياصاحبي يالعازمي صاحبك عالٍ مستواه=اهـرج معي واهـرج مـعـك والــي تبـاهـا بـدهـا

[سعود العصيمي]

مستور العصيمي وتركي الميزاني


مستور العصيمي=

يا سلامي في حفل كريمين العطاه = ابديه على اهل طيبه ورجالها
ما بقا في ايدن الطرق الا عصاه = من تعرض هبوب الريح واومالها




تركي 2000=

مرحبا في محل مطوعين الطغاه =والمقاريد فال الله ولا فالها
المثل قال من دورله شي لقاه = كان لك حيله فالوقت تحتالها




مستور العصيمي=

من تعرض لراس السيل يشرب غثاه= جاتك كلمه وعطني كلمه بدالها
ما يبا الله من عبده ياكود الصلاة= والمطيري اتجه لشقرا وصلالها





تركي 2000=


كانك قدرت نصف الكف تاخذ مياه= ما يحل الدعاوي غير حلالها
المطيري حشيم ورافع مستواه= من علوم تغث الكبد واطحالها






مستور العصيمي=

سوقها في سنعها موت ولا حياه=لا تطيح الفرس ويطيح خيالها
القمر في محله والنجم في سماه=انتبه للهروج العوج واصحى لها






تركي 2000=

انت عود مخرف ماتبي الا الغشاه= مير تبشــر بهـــا ياللي تحــرالـــها
نوب راسك حصاه وفي طريقك حصاه= مع جنوب الديار ولا مع شمالها




مستور العصيمي=

انت توك صغير بزر باول صباه=كلمــة ما حمــاها غــير عقالها
لا تهد الجدار بعد العصيمي بناه= رح في حالك وخل الناس في حالها





تركي 2000=

ماشي في طريقي واعرف الاتجاه= وانتقي بالسوالف واخذ جزالها
العصيمي كحل عينه وسبب عماه= بعد ما ضيع البسام وعقالها



مستور العصيمي=

انت اشغلتني والحرب دارة رحاه= قالها يا ولد ميزان من قالها
اجرح الجرح يا تركي وحظر دواه= لا تحوس العلوم وتعقد حبالها





تركي 2000=

ما يبيلي وصاه ولا يبالك وصاه= والحمول الثقيله تبرك جمالها
بعد ماصرت يا مستور فالاشتباه= بنت ابو زيد شرهتها على خالها




مستور العصيمي=

مدري اثقل جبال المهد ولا السراه= والعرب يا كثر مايطري في بالها
يا تريكي ياشين الفقر عقب الغناه= وان تهــايتلك الدنيــا تــهيالها




تركي 2000=

كل بيتن يذري يا العصيمي ذراه= اقرب اقرب بيوت العز وضلالها
مغتني يوم بعض الناس يشحذ عشاه= مير قفل على الابواب بقفالها



مستور العصيمي=

الخبر من يجيبه والهدف من رماه= وش بلى الناس ما تسمع لعذالها
هقوتي فالغناوي ما تجيب الزكاه= لا تكييل الامـــور الا بمكــيالها

[سعود العصيمي]

مستور العصيمي وسعيد الفهري



مستورالعصيمي=

مرحبا واعداد ما بان نجم في سماه=في محل العزوه اللي رفيع شعارها
يكذب اللي يحسب النوم اخير من الصلاه= ملعبتنا طيبه واربعه شعارها


سعيد الفهري=

البقا بك يا عصيمي ومعرفتك غناه=بالنيابه عن رجال تولع نارها
المجاهد عنده الموت اخير من الحياه=ملعبتكم طايره والعقل طيارها



مستورالعصيمي=

من يطب السوق يعرف لبيعه من شراه=والسلع تفرق على بعضها باسعارها
حكم رب الكون يغلب على حكم القضاه=جاتك الثنتين واللي تبيها اختارها



سعيدالفهري=


من سبح فالبحر يحرص على طوق النجاه=كل غبه عارفين شكل بحارها
اليتيم اللي تعشّا يابو تركي عشاه=ما معه غير المعيشه لا يرجي غارها



مستورالعصيمي=


من ضمي لو يشرب البحر ما يقطع ضماه=لليال اسرار ماحد يعرف اسرارها
الجراده حلها الله حلال بلا ذكاه=خل عينك من يمين الدير ويسارها



سعيدالفهري=

من ضمي يارد على عد راهي في سراه=والمطيه لو تلّقي يموت حوارها
ان تغديت الجراده تعشيت القطاه=وان خبطت الارض فوقك يطير غبارها


مستورالعصيمي=


جاك مني علم واللي ورا قلبي وراه=من عرف مدخالها عارف مضهارها
مالك الاثوب ابيض جديد من طواه=لاتمنى البدله اللي ضعيف زرارها



سعيدالفهري=


كل مومن مبتلى والله الخالق بلاه=والرجال الطيبه ماتموت ادوارها
مالك الا القدر والرجل يكرم من نصاه=وانت عود تعرف ضغارها وكبارها



مستورالعصيمي=


خل هضبة نجد تدري عن جبال السراه=سلم البندق يد اللي يحفظ عيارها
الديار ديارنا مالكم غير الحصاه=عقب ما جربت حلواتها وامرارها



سعيدالفهري=


الرجل في بعض الاحيان يبحث عن عراه=والحرار الشقر يمدي تعرف اوكارها
السيوف سيوفنا والجنايز فالفلاه=والقبور المستطيله تعب قبارها

[سعود العصيمي]

امل ان تحوز على رضاكم.

[ذيب الطائف]

ذيب الطائف يمنع وضع روابط لمنتديات اخرى

الاداره

[ابو فايح]

سعود العصيمي كفيت ووفيت جهد رائع يالذيب

[سعود العصيمي]

ذيب الطااائف


يعطيك العافيه


انا ادري ان لمستور محاورات لاتعد ولاتحصى مع جميع الشعراء لكن هذا مااستطعت جمعه للمنتدى حاليآ وباذن الله نحاول ان نجمع مانستطيع جمعه من محاوراته مع الشعراء العمالقة . ونضيفها.

خاصة مع الشعراء الذي ذكرتهم انت ومع كلآ من:

رشيد الزلامي

عبدالله الميزاني

وحبيب العازمي

وملفي المورقي

وحمدان العصيمي

وفهد بن نعيم

والشيخي

وسلطان الهاجري

وامثالهم.


ولك تحياتي.

[سعود العصيمي]

ابو فايح

يامرحبا مليووون


وشكرآ على المرور.

[ابوتيجان]

والله ياسعود انك عكرت مزاجي في اخر صفحة يوم لقيتك حاط محاورات العلم والشاعر الكبير مستور مع عمالقة المحاورة وحاط من ضمنها تركي وسعيد الفهري والله حرام تحط محاوراتهم في ديوان حطيت فيه محاورة الثبيتي والمسعودي وصياف


من رايي وانت بكيفك ان تحذف محاورات تركي وسعيد الفهري طول يدك من هالموضوع عشان ماتشوه الموضوع

[ذيب الطائف]

ذيب الطااائف


يعطيك العافيه


انا ادري ان لمستور محاورات لاتعد ولاتحصى مع جميع الشعراء لكن هذا مااستطعت جمعه للمنتدى حاليآ وباذن الله نحاول ان نجمع مانستطيع جمعه من محاوراته مع الشعراء العمالقة . ونضيفها.

خاصة مع الشعراء الذي ذكرتهم انت ومع كلآ من:

رشيد الزلامي

عبدالله الميزاني

وحبيب العازمي

وملفي المورقي

وحمدان العصيمي

وفهد بن نعيم

والشيخي

وسلطان الهاجري

وامثالهم.


ولك تحياتي.


طيب ليش حذفت الروابط على الأقل كان احتفظت بها ونزلت منها المحاورات ونسقتها لأن كل المحاورات مع شعراء كبار وعمالقه .

[سعود العصيمي]

ذيب الطائف يمنع وضع روابط لمنتديات اخرى

الاداره





ذيب الطاائف

قرأت ماتقوول الاداره أم لا.
روابط المنتديات الاخرى ممنوعه.

[ذيب الطائف]

ذيب الطاائف

قرأت ماتقوول الاداره أم لا.
روابط المنتديات الاخرى ممنوعه.

أنا قصدي ياسعود كان احتفظت بالروابط وحذفتها من الموقع وتقوم بنسخ المحاورات وطرحها هنا لانها مع شعراء كبار هذا القصد بس ...

[عبدالمجيد العطاوي]

بيّض الله وجهك يابو طايل ................

وهذه المدرسة الشعرية الشامخة لو كتب فيها دواوين وكتب ومكاتب عالمية ما وفيت حقها بالكامل
لله درك يابا تركي كم انت عملاااق


تقبّل مروري

[سعود العصيمي]

حبيب العااازمي =

يامستور العصيمي يا مدير البنك هات قروش=مدير البنك ماتعطي قروش اجل وش الحيلـة
طرحنا راعي العمة وباقي راعـي الدنبـوش=نبى نقضى علاه ان كان اشاء الله هاذي الليلة



مستوورالعصيمي=

ولا ياحبيب الليلة وصلك من الجنوب اطروش=ترا ما عـاد يبقـى غيـر تكبيـرة وتهليلـة
لقينا راعي العمة يسولف عند أبو طربـوش=ولو انك حضرتـه كـان علمتـك تماثيلـه



حبيب العااازمي =

عسى ربي يحيهم بساط المكرمة مفـروش=وحنا غار وجـه ترانـا مـا نصلـي لـه
سنون الذيب صعب اطيح لو اطق بالشاكوش=لاكن الحصني الازهر ليا شافه ركز ذيلـه



مستوورالعصيمي=

ياراع المال لا يغدي علاك المال صك الحوش=ليا منى حضرنا الكيف ناخـذ مـن فناجيلـه
ترا سود الليالي يالعتيبي تبـدي المخشـوش=ودرب الذيب بيّن يا حبيـب مـن مداهيلـه


حبيب العااازمي =

بلشنا بالبضايع والبضايع بعضها مغشوش=ورجلٍ ما يسويها عسى الله ما يسوي إله
ابو زيد الهلالي زارنا يمشي وراه جيوش=ولولا طيب راسه كان ما تركض لنا خيله



مستوورالعصيمي=

انا خابرك في بعض المواقف تعتزي وتهوش=وفي بعض المواقف تنكب الكيلة على الكيلة
الا يالعازمي لا تحسب الايام لعـب إكبـوش=وبعض الناس يا رجال في عقله يودي إلـه



حبيب العااازمي =

لا تظلم حظك الي باقيٍ من شوشته عرموش=يا ليتك شمت عن هاذي وعن هاذيك تحويلة
دجاجة صاحب المصنع فقّيه بيضها مفقـوش=وباقي البيض جعله عقب والمشوار يصحي له

[سحيم العصيمي]

تسلم يمينك ياسعود على النقل الرائع

والله يطول عمرك وعمر ابو تركي .. وكل عام وانت بخير

[سعود العصيمي]

عبدالله المسعووودي=

مرحبا عـداد نوضـة برقهـا ولا رعدهـا=يشرب الشعب البعيد ويشرب الشعب القريبي
عادة التجار تشري كل سلعـه مـن بلدهـا=وان حسرنا وان كسبنا لارجاي ولا نصيبـي



مستور العصيمي=

والبقا ياعزوة ٍ توعد وتافي فـي وعدهـا=وش حصل من مشكله ماعندنا شي ٍ غريبي
وان نسينا الأوله والثانيـه واللـي بعدهـا=مانسينا الرابعه ياراعي الـراي الصليبـي



عبدالله المسعووودي=

السوالف ياعميل الخير مايحصى عددها=والدفاتر ماتضيّع شي وافهم ياصحيبـي
المطيـه ماتقـدم رجلهـا قـدام يدهـا=لو راعيها يخليها عشا حصني وذيبـي



مستور العصيمي=

خابر الديره حيا واليوم ما ادري وش حصدها=والمريض من العلاج يطيب ما ادري مايطيبي
والمطيه راسها وديوسهـا فـي فـم ولدهـا=مير ياذيب الخـلا بعـواك لاتقنـب قنيبـي

عبدالله المسعووودي=




ما عليه اللي ليا منه بغى الحاجـه وجدهـا=أحسن امن الشجره اللي لا صبوح ولا حليبي
كانت العذرا تهوش وترفـع البيـرق بيدهـا=والعشيـه هلـت العبـره وقالـت ياحبيبـي

مستور العصيمي=

مالمحت الا الجنازه يوم طبت في لحدهـا=مير قلي موتها مدري رضا ولا غصيبـي
روح أبو زيد الهلالي من نشدها من نشدها=غير في وقت المحاسب والله لخلقه حسيبي


عبدالله المسعووودي=


ياهل النبـوت مايبنـي البيـوت الا عمدهـا=إعرفني موت وأرواح العرب في وسط جيبي
ليت للسلعـه مقـدر مايقلـل مـن جهدهـا=لو يقولون أربعه هـذلان وأثنعشـر عتيبـي

مستور العصيمي=

كان طولت البيوت وبنيها أولى من هددها=لا يضيع العلم مابين المنادي والمجيبـي
تابته ومثبتـه بشهودهـا وأقـرا سندهـا=كان مايسترك ثوبك لا تلبس من ثويبـي

[العتيبي أبو تركي]

سعود أسأل الله أن يسعدك .. ويعطيك العافيه ..

ألا أبنشدك عن ديوان مستور العصيمي .. قريت قبل فتره أنه في طور الإعداد

ولا ندري وش صار عليه .. يا ليت كان عندك خبر عنه تعلمنا .. لاهنت يا بعدي ..

[حاكم الغنامي]

الله يطول عمـــركــ يابو تركي


وتشكر ياسعود العصيمي على هالجهد الجبار

[سعود العصيمي]

حبيب العازمي=


مستور له مده بين البحر والسيف=البحر يسبح فيه والارض يزرعها
اثره وانا مدري عنده خبر يا حيف=من غير زند ونار نـاره يولعهـا









مستور العصيمي=


تراك يا حبيب بين الشتاء والصيف=تردد الكلمه ليـن انـي اسمعهـا
الامر ماهو لك لااهل القنا والسيف=يا مسنع الكلمه نعـرف نسنعهـا









حبيب العازمي=



في داخل الحله غشيتني يا ضيـف=واللـي تقدمهـا عليـك ارجعهـا
الحقك في صنعاء والحقك يم جنيف=وايدينـك الثنتيـن لابـد اقطعهـا










مستور العصيمي=


يامقدم الدعوى كيف الطريقه كيف=يمناك مع يسراك ياقصر اصابعها
ماهمني همك دام العدو ضعيـف=ما اشوف غير طيور على مواقعها









حبيب العازمي=


اخذك بالطيب واثرك مثل حنيـف=وطيورك الحره طاحت براقعهـا
قدامك الدكتور واللي وراه مخيف=وان لجت اضروسك لازم يقلعها










مستور العصيمي=


قدام اوصفها ماتعرف التوصيـف=نـقـدر نثنيـهـا ولا نربعـهـا
ياحبيب اظهرتك من غرفة التوقيف=الي على راسك صكوا مصارعهـا










حبيب العازمي=

برويز يا مشرف ما جيتنا تشريف=اللـي تفرقهـا جايـن تجمعهـا

[سعود البرقاوي]

لدي استفسار بحكم أن هذا المتصفح خاص بمستور العصيمي
وهو فيه محاورة بينه وبين صياف السحيمي وين أجدها

حيث قال ابتداها السحيمي

سلام ردية(ن) تدخل بنوك الذهب=مادام بعض البنوك تفتح ابوابها
اشوف مستور مابين الرضا والغضب = واصل السبب من يميناَ ماتقهوابها

وقال العصيمي رداً عليه

يامرحبا من ضمير الي يسد الطلب =عندي خبر فالعلوم وحاسب احسابها
ياصاحبي لاتجنب عن دروب العرب =عان الاصايل بروك وتضرس انيابها


ومن ضمن الابيات ايضاً

جهزت لك قنبلة فالبيت يابو شنب = لكن ابو زيد وداها ولاجابها


اتمنى ممن لديه علم أن لايبخل بها علينا لأنها حسب ماسمعت أول محاورة جمعت الشاعرين في حفلات جامعة الرياض أيام الثمانينات

تحياتي لكم

[سعود العصيمي]

لدي استفسار بحكم أن هذا المتصفح خاص بمستور العصيمي
وهو فيه محاورة بينه وبين صياف السحيمي وين أجدها

حيث قال ابتداها السحيمي

سلام ردية(ن) تدخل بنوك الذهب=مادام بعض البنوك تفتح ابوابها
اشوف مستور مابين الرضا والغضب = واصل السبب من يميناَ ماتقهوابها

وقال العصيمي رداً عليه

يامرحبا من ضمير الي يسد الطلب =عندي خبر فالعلوم وحاسب احسابها
ياصاحبي سير الدعوى بحكمه وادب=عان الاصايل بروك وتضرس انيابها


ومن ضمن الابيات ايضاً

جهزت لك قنبلة فالبيت يابو شنب = لكن ابو زيد وداها ولاجابها


اتمنى ممن لديه علم أن لايبخل بها علينا لأنها حسب ماسمعت أول محاورة جمعت الشاعرين في حفلات جامعة الرياض أيام الثمانينات

تحياتي لكم



والله يابو فهد انا سبق وان بحث عنها ولم اجدها كامله
ولكن قالي الشاعر خالد مقبول العصيمي

انهام عام 1399هـ

والمحاورة يمكن لو اقسم لك انهااقوى محاورة

جرت بين مستور العصيمي
وصياف الحربي

ماني بحانث.

وهي طويلة وقوووية الى ابعد حد


و اخرهاقوووي قووي بالمره

عندما قال صياف :

عرضت موترك مع سطح الجبل وانقلب ،،،، ياقصةٍ تزعل العتبان واصحابها.

ورد عليه مستور:

بقوله:

يالحربي افهق عن القلطات خلك0000 ،،، قدم الضويمر توقع فيك بانصابها.
حنا عتيبه شيوخٍ من شيوخ العرب ،، عزوة تهز الرواسي وانتعزوابها.


لكن يمكن تحصلها في مكتب القصير فالطااائف

[سعود العصيمي]

سلطان الهاجري =

يامير لو تسمح لنا يامير=القافيه نبا نغيرها
حنا ليا منا دهنا السير=بعض الدعاوي من يفسرها






مستورالعصيمي =

الله يغير من يبا التغيير=اللي يوردها يصدرها
يالهاجري مالك جناح إتطير= من أول الدنيا لياخرها






سلطان الهاجري =

الله لايجزيك مني خير=ياللي من البارح تدورها
الهاجري يهدر هدير بعير=والقوم فتاحن مناخرها






مستورالعصيمي =

دعواك دعوى القاصر إم عمير=اللي عديماتن بصايرها
أنا لقيتك في علو سدير=امولع الشيشه تعمرها






سلطان الهاجري =

ياصاحبي مستور ماانت صغير=سندتها وانته تحدرها
الاوله والجم جوف البير=والثانيه ترطن بواخرها







مستورالعصيمي =

إنشد عتيبه والرجال مطير=ماامشي بساير غير سايرها
ماني براضي منك بالتقصير=لكن بعض الناس عاذرها







سلطان الهاجري =

نشدت نفسي مانشدت الغير=دعواك يامستور خابرها
اليا نسيت القدر والتقدير=زرت الجنايز في مقابرها








مستورالعصيمي =

كل الخبر في كاميرت التصوير=خذ فلمها وانشد مصورها
تبا تسير علم كيف يسير=تبرك لها ماانته بقادرها








سلطان الهاجري =

نبا نستر وضعها تستير=لكنها ماالله بساترها
حقك على اللي يطبخ الخنزير=واللي يعبرها يعبرها







مستورالعصيمي =

لاتحسبنك يوم جيت امغير=الملعبه ماانته بشاعرها
تعال وقع لي على التقرير=بالطيب والا الغصب أقررها

[سعود العصيمي]

حبيب العازمي =

سلام يامستور والدنيا تدور ولا تقف = والعمر مهما طال يفنى والدواير دايره
بعض الرجال مع العلوم الطايشة وبكل أسف = ماينتبه حتى يحمل بالحمول الجايره









مستور العصيمي =

يامرحبا ياشاعرٍ كل بشعر معترف = لكن وقع لاتطير مع الطيور الطايره.
اسمي مسجل ياحبيب في سجلات الشرف = ماني سوات اللي يبا الطرقة ورجله حايره.









حبيب العازمي =

البندق مالها ماتطرح هدف =والطلقة اللي ثورت منها ماتحسب ثايره.
ترا رفيقك مغتني ولا يدورها سلف = والعمله اللي مالها صراف عمله بايره







مستور العصيمي =

خفف من السرعه شوي شوي قدامك ملف = اخاف تسرع ثم تصدم ياسمي في عايره
ليش التعب يالعازمي بعض التعب ماله خلف = يامحسن ا لممشى على سلم السلوم السايره







حبيب العازمي =

حنا مادفينا القطار مع الطريق المنعطف = والله يبارك بالنشاما والدمي الفايره
اول شهر مانتفق واخر شهر مانختلف = بعد نهد الك الصنم كله ونطرد زايره








مستور العصيمي =

قدام لاتحرقك شمس فالقيض دور لك كهف = وان كان نارك من يدينك من يرد النايره
الناس واجد كم نعد اللي هرج واللي حذف = ومعاملتنا ياحبيب مع مدير الدايره.









حبيب العازمي =

ياللي تمدون الحساء احلا الرطب والا الحشف = ايتامكم عند الصحون الفايضات امصايره.
ياليت مستور العصيمي حافضٍ صورة خلف = والصورة اللي ماتغير نعتبرها مغايره.



مستور العصيمي =

من كثر ماجادلك ياهذا الولد ريقي نشف = الاوله بدربها والثانيات مجايره.
اللي بناله بيت ماهوبيت سقفه من خصف = اقوله وش سويت ويقول الزمان انسايره.

[سعود العصيمي]

رشيد الزلامي=

هلا يامرحبا فالمحفل اللي لمنا راعيه= ليامنه دعنا دعوة الطيب نلبيها
منول صاحبي مستور والله مانبرق فيه = لكن اليوم والله نيته فيها ومافيها






مستور العصيمي=

زلاميٍ يرحب في محلي والله ايحييه = وانا بقول هاذي من يسرحها يضويها
والا حبيب الرجال وش معناه وش طاريه = اخاف انه يشب النار هاثم ينكفت فيها





رشيد الزلامي=

محلك هو محلي وان زعل مستور ليش ارضيه = علومه من زمان العام بينة شواريها
انا ذليت اقول الك السلام ايروح ماتوحيه = بعض عتباننا فيها بلا حتى فاذانيها.








مستور العصيمي=

يقولون الرجال الصقر من لايعرفه يشويه = وانا ماني بصيده يالزلامي جيت تشويها.
ردي الناس ابيعه يالزلامي لاتقول اشريه = وانا اشري مثلك وشرواك لو غليت مشاريها





رشيد الزلامي=

عتيبي على كيفه يشيل القصر ويوطيه = وقف عند الاشاره قال من اللي مسويها
بعد ركب شداده فوق تيهيه وابوها تيه = بغاها تقطع الديره واثر ماعاد يمديها







مستور العصيمي=

ترا من لاهداه الله كل الناس ماتهديه = عسى الله يهدي الناس قاصيها ودانهيها
ريال يالعتيبي تاخذه مني ولا تعطيه = وهذه مشكله والمشكله في حكم قاضيها







رشيد الزلامي=

تراواصلك قومآ قادمه والعلم لاتخطيه = تعشيها على وقت العشاء والا تغديها
تبا عاد الصحيح علاجكم للجرح مايبريه = نزيد جروحنابحروحنا ونزيد نكويها






مستور العصيمي=

تمعن فالبناية لاتهد الجدر يابانيه = لياهديتها ممداك في يومين تبنيها

[مشاري الحبردي]

لاهنت يابن عاصم

[سعود العصيمي]

فيصل الرياحي=

سارت بنا اقدامنا والقلب شيخ القدم = للقبة اللي هل التوحيد بانينها
مستور مخلوق من ضمن البشر من عدم = نبغاه يسمع هروج الصدق في حينها









مستور العصيمي=

جابوك يافيصل اهل السيف واهل العلم = اللي مخاليبها تسبق جناحينها
اعلوم بيني وبينك مثل خط القلم = يازينها من هذاك الوقت يازينها






فيصل الرياحي=

لولا هل السيف ماعبيت بطنك شحم = اتهجّد الناس وتفتش مواعينها
اعلومنا طيبه ياضب كب الحدم = قدام تنصب لك الدنيا موازينها






مستوور العصيمي=

احسن من اللي مفلي في قيوع السلم = صاحبت لي عالمٍ ديني على دينها
معمور بيت الشرف ياصاحبي ما انهدم = بعض السواليف وين انتم مسرينها







فيصل الرياحي=

لاجا بيرميني اعور وان حذفني عسم = عليه الابواب محكمهٍ كوالينها
شلفا ذياب ابن غانم ظربها في لحم = والظاهر انك من اللي مستحقينها






مستوور العصيمي=

كم قلت لك ياطويل العمر ياكم وكم = بعض السوالف بعيد ولاوصل حينها
حرام دمك علينا مثل دم الحلم = والا من العصر حدينا سكاكينها








فيصل الرياحي=

اشوف لي صيدةٍ بطلق عليه السهم = من طيب حظي تعرضني كراعينها
ماعاد يكبر سنامك يابعير التهم = قطعى تهامة وقطعى في بعارينها








مستوور العصيمي=

ضربت بالسيف لين السيف فيك انثلم = عيت طبوعك تغيّر ليه ؟ ياشينها
راح الرياحي علينا مثل حج العجم = هذا الليالي منى كثرت شياطينها






فيصل الرياحي=

لن جاك عيّة تركد واستمع وافتهم = لاتنملص منك عشرتها وعشرينها
واحد سرى في ظلام الليل ثم انجّم = ماعاد يدري دروب المعرفة وينها







مستوور العصيمي=

آثرك عية صحيح تخم الاعلام خم = خابرك في قاسي الدنيا وفي لينها
فتّح عيونك ترى فالدرب قبلك لغم = ليلتك هاذي ترى ما الناس راضينها





فيصل الرياحي=

عية ولا اريد من شرواك حبة خشم = لين ان لبنان ترجع مع فلسطينها
لاتعرض الساق قدام امهات الدرم = ترى البلاجيك جاهزةٍ نياشينها







مستوور العصيمي=

ياصاحبي لو نظمت الشعر معك انظم = باق السواليف تبقى في مواعينها
بغيتها فالحروب ووقعت في دهم = ماحال دون البلاد الا سلاطينها

[راشدالعضياني]

لاهنت ياسعود

[سعود العصيمي]

مستور العصيمي =

ياسلام الله بحفل مطيـر حمـران النواظـر=الرجال اللي مع الإعـلام مرفـوعاً علمهـا
الشعر من هيض والا غيض وافكار وخواطر=من لقى لـه فرصـةًً فـأول حياتـه يغتمنهـا








عبدالله الميزاني =

ياهلا يا مرحبا . يامرحبا حاضر بحاضر=الله الله يا مواطي رجلهـا مـدري قدمهـا
انت يامستور شاعر فيك شي من المشاعر=مير حنا ما نبي طبخه لحمها فـي شحمهـا








مستور العصيمي =

الشعر مايطلع الا من مشاعر وأنت شاعر=يعرفه من يعرف حقوق الرجال ويحترمها
أرضنا فيها العجايب والبحر فيه البواخر=خل صناع الحلي حول العقود اللي نظمها








عبدالله الميزاني =

أنطقوها باللسان وسجلوهـا بالدفاتـر=وش يورا خادم الدنيا وغيره ما خدمها
دقه البيبان ماهي شي مع دق الخناجر=والمنايا يالعصيمي موت مايرحم سهمها







مستور العصيمي =

الليالـي ماتعلـم بالـحـدث بـاطـن وظـاهـر=ميـر رعيـان الغنـم ماتفلـح الا فـي غنمـهـا
انت الأوسط من مطير ولا انت الأول ما أنت الأخر=ميـر غيـرك مايعلـم بالحلـوم اللـي حلمـهـا








عبدالله الميزاني =

انتهت هجرتك ياعبدالرسـول ولا تهاجـر=من بنى القبه على راس الشريف ومن هدمها
كل ماجينا نصب الكحـل مانلقـى محاجـر=والغشيم اليا لقى الصخره على دربه غشمها









مستور العصيمي =

الهروج العوج للرجال مافيهـا تفاخـر=صل لّله واعبده واهل الصنم تعبد صنمها
نصها يم الحجول ونصها في ريع ذاخر=لي صحيبٍ ياكل التمره ويلحقها عجمها








عبدالله الميزاني =

ابتدأ التفصيل .. توصيل القلوب اليا الحناجر=كـل مابـروا تهامـه يالعصيمـي تتهمهـا
الصوابر بيض وأنته من زمان العام صابر=والغريبه راسها واخناعهـا يكتـم نسمهـا

[سعود العصيمي]

حبيب العازمي=

عن أذنكم ياالربع ودي بطاروق = مع عمدة الشعار شاعر عتيبه.
اللي لو إنه لاحق حكم فاروق = يمكن على فاروق سوى مصيبه.







مستور العصيمي =

نبا نسولف مع بعض ياولد روق = واما نود العلم والاّ نجيبه.
يالعازمي خلك للاسرار صندوق = محد ٍ على روحه يحب الغليبه.









حبيب العازمي =

درب ٍ طويل وكل مطرود ملحوق = ولياحفرنا القبر نلقى النصيبه.
الباب اله مفتاح لكن مسروق = والظاهر إنه واحد من الكتيبه.








مستور العصيمي =

انته عليك حقوق وتدور حقوق = يالمدعي مامعك ماتدعي به.
الارض تحت اقدامنا والسماء فوق = واللي يحلب الثور يشرب حليبه.









حبيب العازمي =

ماصار لطم عيون ومقاضب حلوق = مغير سوسة تمرفي وسط عيبه.
الثور مايؤمن من الغدر والبوق = عنتر عنه ينحاش ياطيب طيبه.






مستور العصيمي =

تحمد الله جالك الطاق مطبوق = واللي يحصل طيبه من نصيبه.
تقدر تغني كل ماهزك الشوق = يازينها بالطيب ماهي غصيبه.








حبيب العازمي =

ترا البروق التاليه قبلها بروق = والضلع سيله مرجعه في شعيبه.
اللي يحج البيت والراس محلوق = الله وعلم فيه شكه وريبه.






مستور العصيمي =

لعلني سابق ولاني بمسبوق = كلمه على الرجال ماهي غريبه.
ماعندنا فالوقت دارق ومدروق = محد ٍ يشيل الداب في وسط جيبه









حبيب العازمي =

فقيه لو دجاجته جت بغرنوق = باق الدجاج اللي بقى وش يبيبه
الله عطاني قلب ولسان وعروق = واللي يحارب عزوتي معتزيبه.









مستور العصيمي =

دام انها في دربها مالها عوق = قلبك دليلك والبعيده قريبه.
الله يخلق مايشاء وانت مخلوق = إن عوّدت كل ٍ قريبه حريبه.

[أبوبدر]

صح السانكم
وبيض الله وجيهكم

[سعود العصيمي]

صياف الحربي =

الله يوفقنا الكلام الزين = في وقتنا الاول مع التالي.
مستور مثل الداب ابوجنبين= يقرص وانا خايف على حالي.









مستور العصيمي =

ظليت مثل الرمش فوق العين = تال الليالي صرت ميالي.
وين انت رايح يالسحيمي وين = لاتنحدر للمخرم الخالي.









صياف الحربي =

نبغى ندف الضلع لين ايلين = والاّ نشيله كان ينشالي.
حنا خوانك ليلة الاثنين = وتذوق منا المر والحالي.










مستور العصيمي =

احذر تخل الدرب عنك ايمين = يامعتزي بالجد والخالي.
يالله دخيلك من قلال الدين = اللي هدفها القيل والقالي.








صياف الحربي =

إليالقيت السيف ابو حدين = امشي معه في كل الاحوالي.
ارفع حجاجك ياغراب البين = ترا علومك ضيقت بالي.











مستور العصيمي =

ياحبحبه حمراء على السكين = واللي معه حيلات يحتالي.
وأنا خويك بين حين وحين = عابي لعينك رمح واخلالي.








صياف الحربي =

الرب واحد مالنا ربين = وانت معك خمسة يورالي.
اثر المجنن تبلش الصاحين = واترخص اللي بالثمن غالي.









مستور العصيمي =

ياليتكم عن ماحصل دارين = في خاطري حسبه وولوالي.
الله على تال الزمن يعين = قامت دليك تصفق الجالي.







صياف الحربي =

لاتتعب قرونك يابو قرين = وانت فشمس ولالك ظلالي.
بعض العرب ظاغي مع الطاغين = يزرع لو ان السيل ماسالي.







مستور العصيمي =

وانته سوات الفرت ابوسارين = خلك بدربك لاتهيالي.
ابوك جابك من بلاد الصين = ثم اشترى لك بشت وعقالي.








صياف الحربي =

حكّم كلامك ياابيض الخدين = قدام يطلع فوقك اهلالي.
انا سعودي وانتم الغادين = انشد محمد وابن هذالي.











مستور العصيمي =

ياكثر شرك فيك زين وشين = ماعن هذاك الدرب محوالي.
خابرك في عهد الشريف حسين = حظك يعرضك أشهب اللالي.









صياف الحربي =

ياهيه لاتغوى مع الغاوين = تصبح بضاعه عند دلالي.
حنا نحج البيت ومصلين = ان كان قصر الوقت وان طالي.






مستور العصيمي =

ماني بغاوي والعرب دارين = وش قيس مكيالك ومكيالي.
لن زاد سعرك عندنا قرشين = وان قل سعرك ماله امثالي.






صياف الحربي =

بكسر سنونك بالحجر والطين = وليازعلت اعطيك من مالي
ابلشتنا شهرين مع شهرين = تطلع براس الضلع واتلالي.







مستور العصيمي =

مخبرك يالحربي طويل ايدين = اتحط فالدنيا وتشتالي.
العام تعلجها على اللحيين = يجعل مافلك على فالي.







صياف الحربي =

لو تعرف الوحده من الثنتين = يمديك شاري نجر وادلالي.

[سعود العصيمي]

خلف العتيبي =

سلام مني وابا مستور مابغى غير مستور = وان كان ماجيت يامستور عطلنا السفينه.
يابحر يوجد على ساحلك طياره وبابور = لكن بعض اتصالاتك تجينا بالرطينه.









مستور العصيمي =

يامرحبا في محل ٍ ياخلف ساطع به النور = ابني بها في جدارك من حجر ماهي بطينه.
بينك وبين العلوم الاولات سنين وشهور = لاتقف فالريع لين ترد زوار المدينه.









خلف العتيبي =

اللاله الملعبه حره ولاتصبر على الجور = وان كان صاحت نبا نقرا عليها بالسكينه.
صحيح من جالس الكذبان مايصرا من الزور = والرجل وشلون جاء شاهد على قطعة يمينه.







مستور العصيمي =

العبد في دبرة الله ياخلف منهي ومامور = عقول ماترهن وعقول فالمعنى رهينه.
ماجالس الا الرجال الطيبين اللي لهم شور= والكذب راعيه بين الناس يلطم نون عينه.






خلف العتيبي =

ان في سريتك ياصاحبي تايه ومغرور= عدل سواقيك والا قمت واطفيت المكينه.
دنياك هاذي يقولون العرب قامت على ثور = لكن لن حاص هذا الثور وش تحت الخزينه.









مستور العصيمي =

إن ماتبا صحبتي ماني على صحبتك مجبور = الناس مايقلطون الاّ على صحن السمينه.
الله يعودك بخير وعافيه ياشهر عاشور = لاتضحك الا على اللي في زمانه ضاع دينه.








خلف العتيبي =

انا صديقك ليابارت بك الصدقان الك سور= سور يعديك عن شوف المذله والغبينه.
0000رمى قشه ضحى ثم كسر الكور= ياشين بعض الخطا من عاقل المره ياشينه.






مستور العصيمي =

اللي يقابل عميله بالعلوم العمي والعور = هذاك عزي لحاله مايخلص عنه دينه.
الله يكرم على راع السلف مشكور مشكور= نبا نقابل جنوب ٍ صخاف وجنوب ٍ متينه.






خلف العتيبي =

أنا ماقابلك غير بعلم يدخل مشة الزور = اقنع عميلي ولايجري خطا بيني وبينه.
شوفك تردى لكن اسرح بنظاره وناظور= القايله والسراب يلاعبك مثل الطحينه.






مستور العصيمي =

ياذيب وين انت نايم والعلوم اخذت لها دور = اللافي اللي لفى من حرب والا من جهينه.

[فايز بن سرحان الثبيتي]

الله يبيض وجهك يابو طايل


عزالله جهد غييييييييييييير طبيعي " والشكر ماهو كافي "

[فزاع الاسعدي]

المسعودي /


البلح والملح فالصاع أبو صاعين
وش تدور تمد يديك في شمـري


مستور /


وش يحدك على القشرا حداك البين
ولا أنـا بالرديـه ماطلـع ذكـري


المسعودي /


ذكرك أسود من الغدرا وحب التين
لو أوصفك في بيتين من شعـري



مستور /

قلت ياذيب درب الغانمين يميـن
مير مهبول لا تتعب ولا تـزري



مصامخ على اصووله ..


الله يرحم المسعودي ويطول بعمر ابو تركي على طاعته ..

[سعود العصيمي]

مستور العصيمي =

عند الرجال اللي تعز الجار وتعز الخوي=يا مرحبا ترحيبة الغياب واكتب يا قلم
تقسم الارزاق مابين الضعيف والقوي=من عصر بن غانم وعصر ذياب واكتب ياقلم








صقر السلمي =

باسم الرجال اللي موادهم على العد الروي=دام البقاء يا مقدم الترحاب واكتب يا قلم
ترا العباد اجناس وارزاق العرب ما تستوي=فيهم وسط ومفتل الاشناب واكتب يا قلم







مستور العصيمي =

يا صقر ابى اوصف لك الليله تواصيف بدوي=ما يعرف الا ينقل المشعاب واكتب يا قلم
بيني وبينك مشكله طالت وحبل ٍ ملتوي=من عقب ما كنا زمان اصحاب واكتب يا قلم







صقر السلمي =

ان طعتني يا صاحبي مستور خلك معنوي=قدام لا يقفل عليك الباب واكتب يا قلم
انته تهملها بلا رعيان والذيب يعوي=ما انته بحاسب للذياب احساب واكتب يا قلم








مستور العصيمي =

انا ليا جاء الجد والله ما تدرق فالزوي=وانته خوي مسيلم الكذاب واكتب يا قلم
يا طير ياطير السعد في كل نارٍ تنشوي=يشهد لنا في عالي المرقاب واكتب يا قلم








صقر السلمي =

مهما يصير من المصايب كل صفحه تنطوي=ما عاد تمشي نصبة النصاب واكتب يا قلم
ما عندنا الا سيف ٍ املح مثل سيف بن جلوي=والروس يفصلها عن الارقاب واكتب يا قلم








مستور العصيمي =

انا احسب انك صاحبي واثرك صحيب الدهلوي=اللي عليك يغثرب المشراب واكتب يا قلم
الناس ماهي فاضيه فاعمالها يالفوضوي=ترا الديون يجي لها طلاب واكتب يا قلم









صقر السلمي =

انته منول مهتوي واليوم ما انته مهتوي=خربتها من بعد راسك شاب واكتب ياقلم
تاريخنا غير العلوم الغانمه ما يحتوي=كل العلوم مسجله بكتاب واكتب يا قلم








مستور العصيمي =

قدام لا تاقع بحفره يالبقيلي وتهوي=تراك بين النار والشباب واكتب يا قلم
ادخل بيوت الجن وتعلمك طرق الليلوي=الرمي واجد والهدف منصاب واكتب يا قلم

[سعود العصيمي]

مستور العصيمي =

مرحبا هيل في هجرة بني هاجـر=واسم سلطان فاولهـا وفاتلاهـا
خابرن علم مادري ويش انا خابر=ياحبيـب تـدورهـا وتلقـاهـا








حبيب العازمي =

البقا وانت شاعر نايبٍ شاعر=ولك وقفه وخطه ما تعداهـا
صيح مره ويسلم لك مية كافر=واحترم ناقـة اللهِ وسقياهـا







مستور العصيمي =

الزم ام الكباير واختها العابـر=ما تريح على ماها ومرعاهـا
ياحبيب وانا طول الدهر صابر=وانت تكتب لها القصه وتقراها








حبيب العازمي =

اشركن الخوات وعمهـن فاجـر=مثل من جاء يداوي العين واعماها
يالعصيمي توقعها علـى الصابـر=كان طاحت عصاك اللي تعصاهـا








مستور العصيمي =

جالها اللي بسيفه يقطع الدابـر=واستلمها من اقصاها ليا اقصاها
اه من علم يطري على الخاطر=لو تشق الغروب وينتثر ماهـا








حبيب العازمي =

اهتوينا الشطاره عنك يا شاطـر=بعدما كان وسمك فـوق علباهـا
انت في خاطرك حاجه هذا الظاهر=مار ماتستحـل رجـال بلحاهـا









مستور العصيمي =

كان عيا سلاحك ينحـر الفاطـر=خلهـا سالمـه ترجـع لمرباهـا
اترك الدرب الاعوج واتبع القاطر=وان عطيتك وصيتك عيب تنساها








حبيب العازمي =

لوَ مستور سيفه ساطيٍ باتـر=كان يمديه من قبل امس ذكاها
انت واحد من الانصار ومهاجر=مار هجرتك هذي ويش معناها







مستور العصيمي =

جاك يالعازمي سيل بلا ماطـر=ما يفكر بضيق النفس ورضاها

[سعود العصيمي]

شليويح المطيري =

سلام ابحفلةٍ من فوقها الانوار كشافه =على ابن سعود والجمهور اضفيها ومخصوصه.
أنا ويّا العصيمي لادخلنا السوق صرافه = وانا ماني بقابل وزعتي فاللعب منقوصه.






مستور العصيمي =

هلا يامرحبا ترحيبة ٍ ماهي بمنعافه = تبا تدخل مع الشاعر كما ماتدخل الخوصه.
والا ياعارف الاهداف غيرك ناس عرافه = لياسويتها خليتها في رف منصوصه.








شليويح المطيري =

بغينا صحبة العتبان واثر القوم نتافه = وانا بحطها معكم بعد الليل مخبوصه.
يجي فالقوم ناس شهود والثانين حلافه = لان المصلحه في داخل المخباه مرصوصه.









مستور العصيمي =

والا يامصحب العتبان ماهم ناس خوافه = ومنهم ياشليويح اذنك الثنتين مقروصه.
ولو حطيت الك دون المطر ظله ونسافه = تبالك خزنة ٍ ياصاحبي بجنود محروصه.









شليويح المطيري =

انا خابر عتيبه في ظلام الليل حوافه = ولاكلنا حبوبك ناقصة خمسة عشر بوصه.
انا خابرمصعب مار حنا ناس عسافه = ومن ياطا الوعر حافي تروح الرجل مرهوصه.







مستور العصيمي =

مجار مجار من حماك لو حماك رقافه = والايامسرع الهجمه والا يامسرع الحوصه.
ادفك يالمطاري مع طرف طلعه ومهيافه = تبات الليل والا تسهره والكبد ممروصه.








شليويح المطيري =

انالن جاتني حمى تجيك جنون خطافه = سوات الخبله اللي في ظلام الليل مقروصه
بعد هاذي نبدي بكم في راس مشرافه = وابااعطيك العلوم اللي على كيفي ومفحوصه.





مستور العصيمي =

والاياشين بعض الناس للاخبار لقافه = كما سيارة من شينها بالونش مقلوصه
دموعك ياشليويح المطيري ليش نطافه = لقيتك يالمطيري صيدة في شعب مقنوصه.

[محمد الذيابـــي]

كفيت ووفيت ياسعود,,,,,

[سعود العصيمي]

مستور العصيمي=

يالله يالله توفقـنـا الطـريـق اليمـيـن=ابجـاه مـن قبـل الكعـبـه وصلابـهـا
يامرحبا بسـم صاهـد والعيـال اجمعيـن=واسـم الشيابيـن حاضرهـا وغيابـهـا





صقرالسلمي=

تدعي وحنا معـك بالعلـم ونقـول اميـن=والطيبـه يالعصيمـي حـظ مـن جابهـا
دام البقى عنـد شيخـن فاللـوازم يبيـن=من عزوة فالمواقـف يحسـب احسابهـا






مستور العصيمي=

خانتنـي الخاينـه ملعـونـة الوالـديـن=كبـرت وظاقـت علـي وشقـت اثيابهـا
بريتها في سنـه وازعلتهـا فـي سنيـن=ماعـاد باقـي لـهـا حيـلـة تلهابـهـا










صقرالسلمي=

اليوم معك اربعـه والعـام معـك اربعيـن=هـاذا نهايـت حياتـك ويـش تبغابـهـا
العـام تنثـر عليـك الـورد والياسميـن=واليـوم قـدام عينـك قفـلـت بابـهـا







مستور العصيمي=

هـاذي اليالـي كـذا والله عليهـا يعيـن=ما فوق ظهر الاصيـلـه غـيـر ركابـهـا
انته سوات المريض الـي يجـر الونيـن=اتلا الزمـن ماتمـوت الا مـن اسبابهـا








صقرالسلمي=

اعطيتـك العلـم لا مــره ولا مرتـيـن=واليـاك لاشفـت لـك شجـره تلوابهـا
لو كان حطيت يامستور حصـن حصيـن=ماكان الزمل يمك مدت ارقابهـا







مستور العصيمي=

تراك يالادمي مخلوق مـن مـاء وطيـن=لا تقرب (الجوهره) مـن دونهـا دابهـا
حنا ترانا نـذر الكحـل فـي كـل عيـن=والكحل ضر العيون السود واهدابها







صقرالسلمي=

ماطلـع ادم مـن الجنـه ياكـود اللعيـن=حتـى عيالـه لحقـهـا ثــم غوابـهـا
والحنضلـه لـو تحـلا بالعسـل ماتزيـن=حتـى عصاهـا تضـر الـي تعصابـهـا

[سعود العصيمي]

حامد القارحي=


مرحبا ترحيب متعارف عليه وسلم اهلنا = والسلوم الطيبه عند اهلها ماهي غريبه.
ابتدينا والمعاني ريح هيل وريح بنا = من يقوم يقوم والهاجس يجيب اللي يجيبه









مستور العصيمي=

البقا ياللي ترحب والوفا منكم ومنا = انت شاعر من هذيل وجاك شاعر من عتيبه.
يامدور للعلوم انجيبها منا ومنا = احتزم بالبندق اللي ماتبا تخط الضريبه.








حامد القارحي=

مادفعك الا النصيب ومن وطنك وفي وطنا = والعلوم الثانيه بالطيب والا بالغصيبه
ياعرب وش مصلحة مستور في غزوة مهنا = اخر الايام خاف لايضوي له مصيبه.








مستور العصيمي=

ياجملنا مايشيل الحمل غيرك ياجملنا = ماحسيتك ياجملنا الا للايام الصعيبه.
احمد الله في البلاد رجال وحصون ٍ تبنا = تحسم الموضوع لاقارب حريب ٍ من حريبه.









حامد القارحي=

بارك الله فالبعير اللي عظامه ماتثنى = يكسر العظم الصليب وتقعد عظامه صليبه.
يالعتيبي ضيعتكم سالفة حنا وحنا = والله اعلم وش نتايجها فالايام القريبه.







مستور العصيمي=

ياجماعه ياجماعه لو حامد ذيب اكلنا = تالي الدنيا تجارب مابها شكة وريبه.
التمني يالهذيلي مايفيد اللي تمنا = اترك الدرب اليسار اللي يضرك وش تبيبه.









حامد القارحي=

مابقي بيني وبينك غمز عين وضحك سنا = وان زعلتوا كلكم ميرادكم بحر الشعيبه.
مشكلة تغطى على صحنك وتاخذ من صحنا = يالعصيمي كيف تمشي باللكاعه وانت شيبه








مستور العصيمي=

مثل قلت اولا حنا هل السيف المحنا = والعدو ياصاحبي ماهمنا خبثه وطيبه.
يالهذيلي كل من هبت له الاشواق غنا = ماعرف وشهو علاج اللي يون الاّ طبيبه.

[السامي الجعيد]

مستور العصيمي اسطوره وقامة شعريه خالده على مر العصور


اسأل الله ان يمده بثياب الصحة والعافية ويديمه فخر لعتيبه

[حيــاّد]

اسجل اعجابي بطرحك اخوي سعود

والله يطول عمر ابو تركي على طاعته

[سعود العصيمي]

مستورالعصيمي وفواز العزيزي
5- 10-1436هـ
فواز العزيزي

سلام مني على شبابة النار=اللي كرمها يشرف مجتمعها
مستور عنده علوم وعنده اخبار=سمعتها مير غيري ماسمعها



مستور العصيمي

يامرحبا ياهلا حشمة ومقدار=الناس في وضع وانته ماانت معها
يالله تحفظ لنا الدار وهل الدار=اللي منول زمن محدآ طمعها


فواز العزيزي

لاوالله الاعيون الجار للجار=واللي يشوف السلامه يتبعها
اخذ الحذر ثم لد يمين ويسار=واهل السنع ما تغير عن سنعها


مستور العصيمي

حنا عرب مثلكم وندوس الاخطار=وليا حصل هوشة محدآ فرعها
أظنّها سالفة عنتر مع الثأر=من لا عرف قدر نفسه ما رفعها



فواز العزيزي

قدام لا تكثر هواجيسك وتحتار=الارض ماهوب ضايق متسعها
إن قاله الله نحصّل خير الاشوار=ونثور القنبله فاللي صنعها


مستور العصيمي


الشار ما ينقصر عن محكم الشار=واللي يوصل حباله ماقطعها
نبي ندير الرحا مادام تندار=لقمة ونشبت بحلقه مابلعها


فواز العزيزي

الشور يبغى عرب عقيل وكبار=اصغرهم اللي ضروسه قد قلعها
ماهوب لازم نبين كل الاسرار=اللي يبا نفعة آصحابه نفعها



مستور العصيمي

ياصاحبي يالعزيزي يدك والحار=ترا البديعه تضر اللي بدعها
عساك ياجارنا ماجور ومجار=لن كان ماناسبتك الدار بعها

فواز العزيزي

الحار بينك وبينه عد الامتار=وام الوجع كيف نأمن من وجعها
ياجارانا خابرك ماانته بمكار=لا تعطي الناس كلمة وتخدعها

مستور العصيمي


ما نزرع الشجره اللي مالها أثمـار=اللي ليا مرّها الطرقي قلعها.
احسب حسابك مادام الوقت دوار=الناس هذا الزمن زايد طمعها


فواز العزيزي

لو إن يوجد ثمر في كل الاشجار=كلآ إن على مايبي قام وزرعها