(( عبد الله ابن شايق*****حبيب العازمي)) ابو فايح تفضل هنا

[& محمد خالد القحطاني &]

ياليت ابو فايح يحلل لنا معنى هذي المحاورة التي جرت بين ابن شايق وحبيب العازمي

وهو اول لقى جمع الشاعرين في حفل السامر عام 1415

حبيب

سلامي على ال سعود وضيوف ال سعود = سـلام بمسـك العـود نسمـة هبوبـه

وطنـا وطنـا منبـع العـز والـجـود = ودحر المعـادي كـان شبـت شبوبـه

بن شايق

انـا بالنيابـه قمـت والخيـر ماجـود = عن الاسـره اللـي ضيفهـم رحبوبـه

بلدنـا مجندنـا وحنـا لــه جـنـود = علـى السلـم سلـم وللمشاكـل عقوبـه

حبيـب

ترى العاقل اللي يعرف النقص والـزود = قبل مايعـرف الـدار يعرفـه دروبـه

بذلنا على وضح النقـاء كـل مجهـود = لكـن انـت لابـدك تلقـي صعـوبـه

بن شايق

ترى العاقل اللي ياخـذ الحـق بشهـود = ونفسك على الطرقه مهيـب مغصوبـه

ليا صـار فالميـدان حـاوي ومـردود = انا اصل العرب واصلي يعرف العروبه

حبيـب

ليا قلتهـا قلـت لـك مانيـب محـدود = ولكـن داب الغـار ينـفـخ ذروبــه

زمان مضى والناس طـارد ومطـرود = كثير العـرب ناخـذ شماغـه وثوبـه

بن شايق

توقـع تـرى فالعـب نـار وبـارود = وراع العيوب اصـد ماكشـف عيوبـه

وانا اقول ليـلاً قربـك جعلـه يعـود = وانـا عـارف قلبـك يحسـب ذنوبـه

حبيـب

رصاص المقمع صفر مافيـه عبـرود = ولايشفـي الغازيـن لـو حاربـوبـه

وانا اقول صعبه طقـت العـود بالعـود = ولكـن حاسـب والعلـوم محسـوبـه

بن شايق

كثير العرب لو مـات ماهـوب مفقـود = وانا يوم جيت السـوق شفـت الجلوبـه

اشهـد عليـك احمـد وحمـاد وحمـود = ارويك وانـت تصـد منتـه بصوبـه

حبيـب

ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه

زمان الهوايل يجمـع البيـض والسـود = واشوف الهوايل جـات والوقـت دوبـه

بن شايق

ياويلك من اللي صار والبـاب مسـدود = ترى راعي الساحل يعـرف الرطوبـه

انا لي يميـن وديـن ووعـود وعهـود = لاقـوم اتعجبـك واحطـك عجـوبـه

[رائد الكيرعاني القحطاني]

محمد ابن خالد

ارحب

ابو شنب حس حبيب في نصف المحاورة في شطر من بيوته وكان الزعل على المعنى اللي في اخر بيتين للشاعرين مما تسبب في زعل حبيب العازمي اللي ماله وجـه (حقيقة)

وشكرا

[ابن طامي]

يارائد ..


ممكن تعـلمنا , بمعنى بن شايق .. يوم تقول حبيّب بعدها ماله وجه ؟؟

[ابوتيجان]

حبيـب


ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه

بن شايق


ياويلك من اللي صار والبـاب مسـدود = ترى راعي الساحل يعـرف الرطوبـه


هنا كشف المعنى ابن شايق وخالف نظام شعر المحاورة

وفي نظام المحاورة لايكشف المعنى الشاعر المقابل بل يمشي عليه الشاعرين بشكل مخفي

لكن ابن شايق كشف المعنى وخلا الناس تلتفت له من غير لايمشي عليه وهذا سقطة قوية من ابن شايق

وهذا السبب جعل كثير من الشعراء الكبار يكرهون اللعب مع ابن شايق او يلعبون معه على المكشوف مثل الزلامي وملفي

[العطاوي511]

مشكووورين على التعليق وعلى المحاوووره وصح لسان الشاعرين



وابن شايق شاعر ولكن يلعب بأساليب لا يلعب بها كبار الشعراء ولا يرضونها في اللعب



ويتطرق لمعاني من الواجب على ابن شايق ان يبتعد عن مثل هذه المواااضيع


مثل لعبه مع الشيخي المعنى الذي تطرق له في اول بيت


وهو من اقوووى الشعراء ولكن بعض الاساليب تنقص ولا تزيد؟؟؟؟؟؟





و أبووو فيصل (( حبيب العازمي )) يصادم كبار الشعراء و صغارهم


وليس وحده من ترك اللعب مع ابن شايق غيره الكثير و الكثير أمثال ابن ثايب

[& محمد خالد القحطاني &]

مشكورين جميعا على المرور ولاكن المعنى لم يتضح بعد

[& محمد خالد القحطاني &]

حبيـب


ياراع المنيحـه ردهـا لاخـر الـذود = تبـي تحتلبهـا بـس جتـك محلوبـه

بن شايق


ياويلك من اللي صار والبـاب مسـدود = ترى راعي الساحل يعـرف الرطوبـه


هنا كشف المعنى ابن شايق وخالف نظام شعر المحاورة

وفي نظام المحاورة لايكشف المعنى الشاعر المقابل بل يمشي عليه الشاعرين بشكل مخفي

لكن ابن شايق كشف المعنى وخلا الناس تلتفت له من غير لايمشي عليه وهذا سقطة قوية من ابن شايق

وهذا السبب جعل كثير من الشعراء الكبار يكرهون اللعب مع ابن شايق او يلعبون معه على المكشوف مثل الزلامي وملفي

اخوي ابن تيجان ابن شايق ماكشف المعنى ولم يبين ماقصده حبيب
وانما هو عارف المعنى وحب يوضح لحبيب
وانا سمعت انهم يلعبون على راس المعزب اللي هو السامر
ولم اتاكد

[ابوتيجان]

اخوي ابن تيجان ابن شايق ماكشف المعنى ولم يبين ماقصده حبيب
وانما هو عارف المعنى وحب يوضح لحبيب
وانا سمعت انهم يلعبون على راس المعزب اللي هو السامر
ولم اتاكد


بغض النظر عن التسمية في معنى حبيب

لكن ابن شايق في عرف ونظام شعر المحاورة يعتبر ارتكب جناية في حق شعر المحاورة

لان معنى الشاعرين في نظام المحاورة يعتبر امانة بين الشاعرين ومن يكشف المعنى او ينبه الناس على نوعية المعنى تعمد منه خصوص عند مسؤل او راس كبير يعتبر في عرف المحاورة (( خان الامانة ))

فقوله في هذا الشطر (( ياويلك من اللي صار والباب مسدود )) هذي هي المطمة اللي ارتكبها بن شايق وهي اللي خربطة الشغلة وخلت الناس تعرف نوعية وحساسية معنى حبيب

والمعنى بين شعراء المحاورة مايكشفه الشاعرين حتى بعد نهايتهم للعب

فقد كان الشاعر المرحوم ان شاء الله عبدالله المسعودي يجيب كوارث في معانية ومنها مع مطلق الثبيتي رحمه الله الذي لديه ارتباطات قوية وكان لايكشف المعنى ويخالفه في المنظور لكن بشكل مغطى من الشاعرين ولم يلفت الناس مطلق اوغيره بمعاني المسعودي وغيره

[ابو فايح]

حياك الله يا اخ محمد

فالحقيقه هذه المحاوره اعطيت اكبر من حجمها

رغم ان هناك محاورات اقوى منها بكثير ولكن لم تاخذ صدى مثل هذه المحاوره

واسباب شهرة هذا الطاروق انه الوحيد بين الشاعرين فجعله الجمهور هو سبب عدم لقائهم مره اخرى

الطاروق ارى انه عادي جدا وقد دار بين القرقاح وحبيب طواريق اقوى منه بكثير ولكن اعتقد ان الاخوان في قبيلة قحطان جعلوا من هذا الطاروق انه من افضل مالعب شعراء قحطان


حبيب
ترى العاقل اللي يعرف النقص والـزود = قبل مايعـرف الـدار يعرفـه دروبـه
(هنا حبيب يقول ان عليك يابن شايق ان تعرف من تقابل ربما قال حبيب ذلك لان ابن شايق من طلب وضعه امام حبيب )

بذلنا على وضح النقـاء كـل مجهـود = لكـن انـت لابـدك تلقـي صعـوبـه
( وصلنا الى ما وصلنا اليه يابن شايق لكن انت ربما تواجه صعوبه لتصل الى ماوصلنا اليه )


بن شايق

ترى العاقل اللي ياخـذ الحـق بشهـود = ونفسك على الطرقه مهيـب مغصوبـه

(هنا ابن شايق يقول ما احد جبرك تقابلني ياحبيب )

ليا صـار فالميـدان حـاوي ومـردود = انا اصل العرب واصلي يعرف العروبه
(هنا افتخار من ابن شايق بنفسه وقبيلته قحطان )

حبيـب

ليا قلتهـا قلـت لـك مانيـب محـدود = ولكـن داب الغـار ينـفـخ ذروبــه
(حبيب يقول صدقت لست مجبر على مقابلتك لكن (داب الغار) ربما حدث شي خلف الكواليس من تحدي لحبيب ان يقابل ابن شايق وربما يكون التحدي من منظم الحفل )

زمان مضى والناس طـارد ومطـرود = كثير العـرب ناخـذ شماغـه وثوبـه
(نقض لبيت ابن شايق عندما افتخر بقبيلته )


وازدادت قوة الطاروق بعد ذلك وهي افتخار كل شاعر بنفسه حتى جاءت اخر بيتين والمقصود بها منظم الحفل سواء ابن جعيثن او الامير .

[المرقاااب]

توقـع تـرى فالعـب نـار وبـارود = وراع العيوب اصـد ماكشـف عيوبـه =توضيح المعنى

وانا اقول ليـلاً قربـك جعلـه يعـود = وانـا عـارف قلبـك يحسـب ذنوبـه =ايضا بيت المقصود منه تبيين للموجودين ان حبيب .................


اشهـد عليـك احمـد وحمـاد وحمـود = ارويك وانـت تصـد منتـه بصوبـه =تهديد؟؟؟؟؟؟؟


ياويلك من اللي صار والبـاب مسـدود = ترى راعي الساحل يعـرف الرطوبـه =لا يحتاااج توضيح


وين احترااام الشعر......؟



لاهنت ياابوفاايح وياليت يوقف الموضوع لهذا الحد.....طبعا من بعد اذن صااحب الموضوع
لان اخووي ابو فاايح ماقصر بالتحليل....لاهنت ياصاحب الموضوع

[جرمان بن مسفر]

وهذا السبب جعل كثير من الشعراء الكبار يكرهون اللعب مع ابن شايق او يلعبون معه على المكشوف مثل الزلامي وملفي


انت مخطي اذا انك تعتقد ان الزلامي وملفي كرهوا اللعب

بل يوجد محاورات كثيرة لهم مع ابن شايق

ولا ادري ماهو سبب التهجم على ابن شايق في منتديات عتيبة

واتحدى احد يتهجم على شعار عتيبة في منتديات قحطان

[محمد ابن رووق]

انت مخطي اذا انك تعتقد ان الزلامي وملفي كرهوا اللعب

بل يوجد محاورات كثيرة لهم مع ابن شايق

ولا ادري ماهو سبب التهجم على ابن شايق في منتديات عتيبة

واتحدى احد يتهجم على شعار عتيبة في منتديات قحطان

من جاب طاريكم في شر



هذا ولد عمك رايد يهاجم حبيب وسط ابناء عمه مع ذلك المنتدى للجميع

[محمد ابن رووق]

ياراع المنيحه ردها لاخر الذود
تبي تحتلبها بس جتك محلوبه



بن شايق




ياويلك من اللي صار والباب مسدود
ترى راعي الساحل يعرف الرطوبه



اتحدى اذا موب المعنى موجه عن عبدالله بن شايق وليس على احد المعازيب

[ابو فايح]

اخ جرمان حياك الله

لايوجد تهجم على ابن شايق ولاهم يحزنون ربما هناك اناس لايعجبهم شعر ابن شايق وهذه وجهة انظارهم

ولكن تاكد ان هناك ناس عكسهم وانا اولهم فانا احب اسمع محاورات ابن شايق وخصوصا اذا قابل شعراء كبار وليس شباب لانك ترى تحدي كبار وليس كلام فاضي

[ابوتيجان]

انت مخطي اذا انك تعتقد ان الزلامي وملفي كرهوا اللعب

بل يوجد محاورات كثيرة لهم مع ابن شايق

ولا ادري ماهو سبب التهجم على ابن شايق في منتديات عتيبة

واتحدى احد يتهجم على شعار عتيبة في منتديات قحطان


انت فاهم عكس ماقلته ياجرمان انا قلت الزلامي وملفي هم الذين يلعبون مع ابن شايق لكن على المكشوف

ارجع لردي رقم اربعة اخر سطر وراح تجد ما اشرت اليه


اما التهجم على ابن شايق فمايخصني انا فقد قلت في احد ردودي على الاخوان عندما اثنى على الشاعر القرقاح من بين شعراء قحطان رددت عليه وقلت انا شخصياً ارآ ابن شايق هو اقوى شعراء قحطان وهذا ليس معناة التقليل من شاعرية القرقاح او الهاجري

ولكن كاقوة شعرية واكثر نباهة لبيوت الشاعر المقابل فابن شايق افضل شعراء قحطان هذه وجهة نظري الخاصة


واللي يتهجم على فلان ولاعلان ماعلينا منه الله معطينا عقول ونعرف كل شي مانبي احد يستاجر عقولنا ويحط فيها خثاريطة

[جرمان بن مسفر]

انت فاهم عكس ماقلته ياجرمان انا قلت الزلامي وملفي هم الذين يلعبون مع ابن شايق لكن على المكشوف



اذا كنت تقول ان ابن شايق يلعب على المكشوف

فهاك هذة المحاورة والبداية عند الزلامي

وشف اللعب كيف

ولسنا ادرء بالشعراء من الزلامي عند ماقال قبل سنتين ابن شايق الداهية

http://www.youtube.com/watch?v=sF4sFIdtM5Q

[جرمان بن مسفر]

اخ جرمان حياك الله

لايوجد تهجم على ابن شايق ولاهم يحزنون ربما هناك اناس لايعجبهم شعر ابن شايق وهذه وجهة انظارهم

ولكن تاكد ان هناك ناس عكسهم وانا اولهم فانا احب اسمع محاورات ابن شايق وخصوصا اذا قابل شعراء كبار وليس شباب لانك ترى تحدي كبار وليس كلام فاضي

الله يبقيك

اذا لم يعجبهم مافية اشكال وليس فيها اللزام

لاكن ليس بطرق سالم رباح او جبل شمرخ او ابوحرب

العقال مثلك قليل في عالم النت

اشكرك

[جرمان بن مسفر]

من جاب طاريكم في شر



هذا ولد عمك رايد يهاجم حبيب وسط ابناء عمه مع ذلك المنتدى للجميع



هذا رايية

لاكن حبيب شاعر من كبار الشعراء

اللي يزعل يزعل

[أبـوحرب]

جرمان الله يهديك وش سوالك أبوحرب

[ابوتيجان]

اذا كنت تقول ان ابن شايق يلعب على المكشوف

فهاك هذة المحاورة والبداية عند الزلامي

وشف اللعب كيف

ولسنا ادرء بالشعراء من الزلامي عند ماقال قبل سنتين ابن شايق الداهية

http://www.youtube.com/watch?v=sf4sfidtm5q

مع احترامي الشديد لك ياجرمان لاتعرف مالمقصود بالمعنى في المحاورة الذي اشير اليه

ومحاورة الشاعرين رشيد وابن شايق تابعتها ولم اجد فيها معاني بل لعب على المكشوف وهذا ماكنت اقوله ان الشعراء يلعبون مع ابن شايق على المكشوف مثل شعر النظم وليس على دفن المعنى كما يلعب كبار شعراء المحاورة

وبخصوص ان ابن شايق داهية كما نسبت لزلامي فقد يكون داهية في اللعب على المكشوف

ولكن في دفن المعنى واللعب عليه وهو نظام واساس المحاورة فليس من دهاتها نهائياً

[& محمد خالد القحطاني &]

ابو تيجان انت والاخ جرمان
اولا انا في موضوعي لم اسأل هل ابن شايق يلعب على المكشوف
او لا والزلامي لايرضى اساسا يلعب مع شاعر يلعب على المكشوف
فكيف يلعب مع ابن شايق ويطلق عليه بالداهية

[ابوتيجان]

ابو تيجان انت والاخ جرمان
اولا انا في موضوعي لم اسأل هل ابن شايق يلعب على المكشوف
او لا والزلامي لايرضى اساسا يلعب مع شاعر يلعب على المكشوف
فكيف يلعب مع ابن شايق ويطلق عليه بالداهية


انت ماسألت لكن كامتابعين نعطي وجهات نظر عن الموضوع

اما بخصوص ان الزلامي لايرضى ان يلعب مع شاعر على المكشوف كلام غير صحيح وهذا بن شايق يلعب معه الزلامي على المكشوف لانه يحضر حفله وياخذون عليها مبلغ مالي ولايهمه ان كان الشاعر الفلاني يلعب على معنى اولايعرف يلعب على معنى او مبتدي

[جرمان بن مسفر]

مع احترامي الشديد لك ياجرمان لاتعرف مالمقصود بالمعنى في المحاورة الذي اشير اليه

ومحاورة الشاعرين رشيد وابن شايق تابعتها ولم اجد فيها معاني بل لعب على المكشوف وهذا ماكنت اقوله ان الشعراء يلعبون مع ابن شايق على المكشوف مثل شعر النظم وليس على دفن المعنى كما يلعب كبار شعراء المحاورة

وبخصوص ان ابن شايق داهية كما نسبت لزلامي فقد يكون داهية في اللعب على المكشوف

ولكن في دفن المعنى واللعب عليه وهو نظام واساس المحاورة فليس من دهاتها نهائياً


نعم صدقت ابن شايق يلعب على المكشوف

اذا تطرق الامر الي الجزية او القاتل والمقتول

انا اجيب لك محاورات لابن شايق واتحد ان تحلل

او تعرف المعنى

[جرمان بن مسفر]

ابو تيجان انت والاخ جرمان
اولا انا في موضوعي لم اسأل هل ابن شايق يلعب على المكشوف
او لا والزلامي لايرضى اساسا يلعب مع شاعر يلعب على المكشوف
فكيف يلعب مع ابن شايق ويطلق عليه بالداهية


حياك الله يامحمد

ابيض وجهة

ماقلت الاالصدق

جعل والديك في الجنة

[ابوتيجان]

نعم صدقت ابن شايق يلعب على المكشوف

اذا تطرق الامر الي الجزية او القاتل والمقتول

انا اجيب لك محاورات لابن شايق واتحد ان تحلل

او تعرف المعنى


لاهنت ياجرمان وابن شايق غير مجهول عندي ورايي فيه قلته في ردودي السابقة

[& محمد خالد القحطاني &]

مشكورين جميع على الردود واتمنى ان
نكتفي من الاضافات

[رائد الكيرعاني القحطاني]

يالربع الله يجزاكم بالخير

الموضوع وما فيه كان الرجال يسأل عن معنى ابو شنب وحبيب

ولا سأل عن شاعريتهم ولا استنقاصهم ومن نحن حتى ننقص من شااعرية ابن شايق او حبيب

هذا كلام مرفوض بتاتا

-----------

محمد ابن روق

الله يهديك اي هجوم واي دفاع وش ذا الكلام

ان كانك متاكد قدم اثبات كلامك الله يهديك بس

[جرمان بن مسفر]

يالربع الله يجزاكم بالخير

الموضوع وما فيه كان الرجال يسأل عن معنى ابو شنب وحبيب

ولا سأل عن شاعريتهم ولا استنقاصهم ومن نحن حتى ننقص من شااعرية ابن شايق او حبيب

هذا كلام مرفوض بتاتا

-----------

محمد ابن روق

الله يهديك اي هجوم واي دفاع وش ذا الكلام

ان كانك متاكد قدم اثبات كلامك الله يهديك بس

نعم لايوجد اي استنقاص من احد

وصدقت

ربما البعض يريد ان يسير الموضوع على هواة

[جرمان بن مسفر]

لاهنت ياجرمان وابن شايق غير مجهول عندي ورايي فيه قلته في ردودي السابقة


واللي عندنا قلناة

[حالد جزاء]

الله واعلم لكن حبيب العازمي شــــــــــــــــــــــــــــــــــــــــاعر كــــــــــبيــــــــــــــر