استفتاء عن افضل اتصالات بالسعوديه

[سيف المساعيد]

بسم الله الرحمن الرحيم


السلام عليكم ورحمة الله وبركاته



حبيت اليوم اطرح موضوع عن الاتصالات بالسعوديه بجميع شبكاتها...


غالبنا جرب شركات الاتصالات بالسعوديه واكيد عنده شبكه تتميز عن الثانيه اما ان تكون ايجابيه او

سلبيه والشركات في السعوديه جميعكم يعرفها stc (السعوديه) , موبايلي , زين ....

اتمنى من الجميع في الاستفتاء أن يكون حيادي منا في المنتدى من يكون في الاتصالات السعوديه

ومنا من يكون في موبايلي ومنا من يكون في زين ....


اتمنى من الجميع أن يكون محايد في الاستفتاء

[سيف المساعيد]

ابدا بسم الله واقول


شركة موبايلي افضل شي لدي ....في جميع خدماتها

[عبدالرحمن الهيلوم]

وانا لااوافقك الراي

الاتصالات السعوديه فقط

شكرالك

[سيف المساعيد]

يعطيك العافيه اخوي عبدالرحمن على المشاركه ....

انا مستغرب توقعت انه راح يكون أعضاء يبدون رأيهم في الاتصالات جميعها

يعني كلاً عنده شي على الاتصالات يحطه هينا وليش رشح الشركه هذي عن هذي ...


ننتظر مشاركاتكم ....

[فهد النفيعي]

الافضل
موبايلي علم من اختياري

[سلطان نايف العضياني]

والله يالربع أنا أقول إن موبايلي طيبه

الإتصالات السعوديه نصب في نصب لي أسبوع أتصل على 902

ويقولون عندنا تحديثات ولا نفذولي ولا طلب والرسايل المزعجه مذيتني والدعايات!

[عبدالعزيز الروقي111]

الاتصالات السعوديه حراميه

[سيف المساعيد]

بدون اي مقارنه موبايلي من وجهة نظري افضل بكثير من الاتصالات وزين من جميع خدماتها


يعطيك العافيه اخوي فهد النفيعي على مرورك العطر فعلاً موبايلي علم من اختياري


ابو نايف اليوم كنت في الاتصالات والله ياناس يشتكون من امور الفواتير وانا منهم فعلاً انظلمت يمكن

يكون فيه نصب واحتيال


اخوي عبدالعزيز فعلاً فيه نصب بس مانبي نقول حراميه كلهم عشان ما نظلمهم بس فيهم الحرامي

ومنهم المخلص في عمله


يعطيكم العافيه جميعاً على المشاركه وننتظر الاعضاء الباقين حتى يدلون ما في صدورهم ...

[فواز الدهاس]

- جميعها تستغل المواطن و لا تقدم له خدمة جيدة أو تخفيضات حقيقيه .

[ابو سعد الدلبحي]

أنا مشترك مع الإتصالات السعودية ولا غيرت ، فصعب أحكم على باقي الشركات ، أما عن الخدمة فأطيب من اللى اردى منها :) يعني مره ما مثلها ومره الله لا يوريك

[سيف المساعيد]

يعطيك العافيه اخوي فواز الدهاسي بس وأنا خوك في شي يفرق عن شي والا أن رجعنى للردي فهي كلها رديه بس هذي تميز عن هذي باشياء....


أبو سعد الدلبحي يعطيك العافيه على المشاركه .... عندي ملحوظه بسيطه حنا مشكلتنا الشعب

السعودي أنه العقل الباطني مكتوب اتصالات السعوديه يعني الواحد خلاص اللي داخله اتصالات

سعوديه بس مع الوقت راح يتغير وراح يدخل في موبايلي وزين والشركات الجايه ان شاءالله بس مسأل

وقت لا اكثر ولا اقل لكن كثير من الناس يستخدم موبايلي وزين كذلك وتارك الاتصالات لكن ما نختلف

الاكثريه اتصالات السعوديه بس هي مسألة وقت وراح تشوف الاتصالات السعوديه يقل عملائها

يعطيكم العافيه جميعكم على المشاركه وننتظر الاعضاء الباقين حتى يدلوا بدلوهم ....

[رمح برقاا]

انا مشترك في الاتصالات السعوديه ولاادري عن غيرهااا والله يا الربع ما عليه نمششي بهااا الى الااان

واحس انو مافيهاا غناة عنها بصراحه يعني اللي عنده زين ولا موبايلي اكيد ان عنده اتصالات سعوديه

[ناصر العصيمي]

موبايلي بلا منازع
http://vb.eyesweb1.net/attachment.php?attachmentid=1339&stc=1&thumb=1&d=1249478826

[سيف المساعيد]

رمح برقا حياك الله اخوي صدقت في الكلام اللي قلته اكثرهم ولكن مو كلهم لكن فعلاً اكثرهم عندهم موبايلي او زين وعنده اتصالات السعوديه هو الاساسي عنده ولكن بعضهم ماعندهم الاتصالات السعوديه بتاتاً وعندهم موبايلي او زين .... يعطيك العافيه على المرور


ناصر العصيمي فعلاً... موبايلي بلا منازع... يعطيك العافيه على مشاركتك يا ابن عاصم

[ابوماطر]

السلام عليكم ورحمته الله وركاته

انا لا اوافقكم


موبايلي صح ان خدماتها حلوه بس مو افضل من زين

اما الاتصالات كذب في كذب

[سيف المساعيد]

ابو ماطر حياك الله وانا خوك .... تقولي زين لكن زين طريقته حلوه بذكاء انه تقول شهر عليك وشهر علي

لكن الدقيقه بكم وكذلك فيه خدمه مهمه وهي كيف انتشارها مع المواطنين تقولي توها باديه صح توها

باديه لكن مو مشكله كيف شبكتها عندنا تعبانه جداً هذي من المميزات السيئه عندها ...


يعطيك العافيه على المشاركه والمرور العطر وننتظر البقيه ...