عبيد ابن حميد

[ابو جمعة]

هو الفارس الداهية: عبيد ابن تركي ابن حميد.
كان فارس مغوار لايهاب الموت كيف يهاب الموت وهو ابن الشيخ
تركي ابن حميد.

قال عنه شيخ عنزة ابن هذال في معركة كير:
هذا الفارس لن يعيش طويلا.
من شدة الشجاعة والمغامرة.........
قال الشيخ تركي ابن حميد:

مرحوم ياناطح وجيه الطواويس
عليك طير الجو ظلا يحومي
قدامك الهذال سبعة ملابيس
في خشم كير مشيدين الرجومي


يقصد بذلك انه قتل سبعة من شيوخ عنزة..................

[dureed hwazn]

ابو جمعة .....
يعطيك العافية.
الفارس عبيد بن تركي ابن حميد كان يلقب بعبيدالمعترض لانه كان يعترض الفرسان الاخرين ولايهاب الموت او بلغة اليوم (إنتحاري).
وشكرا لكم

[فارس برقا]

أخوي أبو جمعه

اولا بيض الله وجهك على الموضوع اذي لم يسبقك احد عليه
ونقدر نقول سبق موضوعي مثل سبق صحفي:D

بس اخوي قلت
قال عنه شيخ عنزة ابن هذال في معركة كير:
هذا الفارس لن يعيش طويلا.
من شدة الشجاعة والمغامرة.........

شيخ عنزة لن يقول هذا الكلام عن الفارس عبيد بن تركي
الا اذا كان شاف فعله بالمعركة ومعركة كير بن عنزة ومطير
وحسب علمي عتيبه كاف لم تحضرت هذه المعركة

قال الشيخ تركي ابن حميد:

مرحوم ياناطح وجيه الطواويس
عليك طير الجو ظلا يحومي
قدامك الهذال سبعة ملابيس
في خشم كير مشيدين الرجومي

الشيخ تركي قتل قبل ولده عبيد
وهذا يدل على ان هذه القصيده لم يكن يقصد الشيخ تركي بها عبيد
وكلنا ذهب تفكيرنا بأن هذه القصيده في عبيد ولكن أنا أضن أنها في
علوش بن صنهات أخ الشيخ تركي

لكن فعلا موضوع جميل وغير مسبوق
بيض الله وجهك اخوي

ولازم نبحث عن ماضي هالفارس المغوار

عبيد بن تركي بن حميد

أبو الجنازه عمر

[فارس برقا]

يقول الشيخ تركي قصيده طويله موجه كلامه لولده الفارس عبيد وهي في النصح والزهد والحث على مكارم الاخلاق

ياما حلا ياعبيد في وقت الاسفار = جذب الفراش وشب ضو المناره
مع دله تجذا على واهج النار = ونجر إلى حرك تزايد عباره
في ربعة ماهي بتحجب عن الجار = لا من خطو اللاش ماشب ناره
النجر دق وجاوبه كل مرار = مالفه الملفوف من دون جاره
وأخير منها ركعتين بالاسحار = لا طاب نوم اللي حياته خساره
تلقاه في يوم يضيعن الافكار = يوم على المخلوق مااطول نهاره
وقم في قصير البيت حشمة ومقدار = لو جار فأدمح له ولو به خساره
ترى النبي وصى على الجار لو جار = خذ الحذر ياعبيد عقب النذاره
رافق قوي الدين حفاظ الاسرار = ينفعك في يوم يجي به كراره
ترى الهوى والغي هن شر الاشرار = ومن داس عار الناس داسوا لعاره
جنب ردي الكار مافيه تعبار = مافيه من فعل المناعير شاره
جنب عنه خله لقصاف الاعمار = واحفظ وصاتي يارفيع المناره
واسلم ودم بالخير ياطير غيمار = وصلوا على المختار ماغار غاره

[’’الفارس’’]

والله ماقد سمعنا ان ابن هذال قال شي في عبيد بن تركي بن حميد

وحتى السالفه الثانيه وذبحة الشيوخ السبعه ماقد سمعتها

اذا عندك مصدر اذكره الله لا يهينك

[’’الفارس’’]

الا صدق كيف يقول تركي لولده عبيد مرحوم

تركي قتل قبل عبيد كما قال فارس برقا

الظاهر القصد كله هو محاولة لإثارة الفتنه بين عتيبه و عنزه

[ابن حميد]

الله يرحمهم جميعا

[بدر بن قرفان]

وازيدك من الشعر بيت يابو جمعة
هذي قصيدة ضيف اللة بن احميد في اخوة عبيد بعد مماتة
ويقول
ونتي ونة كسير الجبارة==اليا وقف محتال واليا قعد ون
عليك ياشباب ضو المنارة==عليك ترفات الصبايا ينوحن
من مات عقب عبيد قلنا ودارة==لاباكي بعدة ولاقايل من
تبكيك صفر(ن)البوسها غيارة==تبكيك يوم ان السبايا يعنن
وتبكيك وضح(ن)ربعت بالزبارة==اليا قزن من خايع مايردن
الخيل عقب عبيد مابة نمارة==وش عاد لو راحن وش عاد لو جن
ياشيخ ماتامر عليهم بغارة==كود الجروح الي على القلب يبرن
يقطع صبي(ن)ماينادي بثارة==اليا اقبلن هذولي وهذوليك قفن