يا سلام الله عليكم سلام بلا كلام [الأرشيف] - الهيـــــــــــــلا *** منتدى قبيلة عتيبة

مشتــــاق

13-Jul-2004, 01:53 AM

اسمحوا لي
اشارك معكم بطلب محاورة وانا شخص مبتدء وعاشق لهذا المجال

يا سلام الله علاكم سلام بلا كلام = يا رجال(ن) فالمغازي تدن طبولها
من يبا يمشي معي والطروق الها مقام=والدروب الباقيه كلبونا حولها

ابوسليمان

13-Jul-2004, 02:21 AM

اتشرف باللعب معك طال عمرك

استلم لاهنت

مرحبابك ياهلا يامجاوب بالسلام=والرجال اهل الوفا من يغر فعولها؟

سرها قدام والنور جلاي الظلام=والدروب نقيسها عرضها من طولها

مشتــــاق

13-Jul-2004, 10:18 PM

استلم يالغالي لا هنت

البقا باللي حظر عقب رحنا ننام = مار بانت هرجته واتضحلي زولها
انتبه من درب كله حطام (ن) في حطام= والسحابه غطتك ترجهن اثعولها

ابوسليمان

14-Jul-2004, 01:43 AM

عندك يامشتاق

انت وسط المنتدى مانت في قصر السلام=مار هات العلم واللي تباها قولها

فاللزوم اللازمه مانشد الا الحزام=ياسحابة صيف ماناشني هملولها

مشتــــاق

14-Jul-2004, 06:51 PM

استلم يالغالي

شفت لي ناس(ن) سروا ليلهم كله قيام = منتدى الهيلا حصاني تكب ادحولها
والعلوم اللي مضى دونها ستين عام = ما تسر اللي حكوا ما ينومس قولها

مشتــــاق

14-Jul-2004, 06:53 PM

:confused:

الــوآفــي

15-Jul-2004, 02:39 AM

هلابك يا مشتاااق :confused:

ابداع وانا اول المتابعين

استمروا الله لا يهينكم

ابوسليمان

15-Jul-2004, 03:17 AM

خلوووووووووووها

لاتشب النار من تحت وبال الغمام= خل بعض ابوابها لاتفك قفولها

العلوم اللي مضت كلها حسب النظام=والسوالف بعضها لاتجي مرسولها

مشتــــاق

15-Jul-2004, 03:24 AM

خلوووووووووووووووووووووووها

حالف (ن) لاضيعك لليمن والا لشام = لين تقرا لغزها ثم تحوس حلولها
قبل ست اشهور حيه وعشر من السوام = ربعوا في بطن جده وجات حمولها

مشتــــاق

15-Jul-2004, 03:32 AM

البقا يا ذيبان

واشكرك على المتابعة

بس وين صفوف عتيبة

والا خلصوا

طلال الثعلي

15-Jul-2004, 07:32 PM

مشتاق
حياك الله...
وبدايه ناريه...
واصل وحنا متابعين....
الطريق من اوله...
تحياتي:eek:

طلال الثعلي

15-Jul-2004, 07:34 PM

ابو سليمان...
عز الله انك مبدع...
واصل الله لايهينك...
نبيها حاميه...
جزلين كلكم...
تحياتي

مشتــــاق

16-Jul-2004, 08:35 AM

مشرفنا الغالي
ابن ثعلي

ابقاك الله سالم وغانم

ولا توصي حريص

:)

وابو سليمان شاعر جزل وانا ودي بملاعب اللي مثله

ابوسليمان

16-Jul-2004, 05:54 PM

استلم لاهنت

خل قسمك ياطويل العمر شط السنام=انت من ضمن العرب والعرب بعقولها

لاتوحى يابن الاجواد ف عيال الحرام=والطيور الحايمه لاتغير جولها

ابوسليمان

16-Jul-2004, 05:57 PM

الغالي طلال الثعلي

تشرفنا بمرورك طال عمرك

لاهنت يالقرم

ازكى تحيه,,,,,,,

مشتــــاق

16-Jul-2004, 10:44 PM

هلا والله بابو سليمان

استلم يا الغالي

لا توصي فارس(ن) قدمكم ساق النعام = وانتقى من طيبها ما يسوق خبولها
الخبر جابه فصيح و تقفوه الانام = صوروا وسط القصر والبلا فحجولها

ابوسليمان

17-Jul-2004, 01:34 AM

مرحبابك يامشتاق

استلم طال عمرك

يثبت الحجه شهودٍ من الربع الكرام=والعرب ماتاخذ العلم من مجهولها

انت لو وردتها مع موردت الحيام=كان جبنا سائل الناس مع مسؤولها

مشتــــاق

17-Jul-2004, 03:00 AM

استلم لا هنت

انا اليوم اللي مصابح

:)

ازهمولي ابن ثعلي يدق الي التمام = اشهد انه يعرف الناس عند انزولها
ما لنا فاللي حصل لا شراب ولا طعام = في عكاظ المشكله وقعوا واقرولها

ابوسليمان

18-Jul-2004, 09:41 PM

استلم يامشتاق

ماظلمنا الناس كل الرجال الها احترام=والجمال تقوم لا بركت بحمولها

لو رفعت الصوت يابن العرب تصحا النيام=خل بعض الناس تمرح وتفطر فولها

مشتــــاق

19-Jul-2004, 11:35 AM

ههههههههه

استلم

الحصان اليا جمح جوده باعلى اللجام = وانت فارس عارف ن طيبات خيولها
افطروا وانته مصفر تحت هاك الخيام = قوموا شايب عربكم يرد اجفولها

أحمد المالكي

19-Jul-2004, 11:53 AM

الله الله

محاورة رائعه وجميله

وكلام ولا احلى

صحت السنتكم وواصلوا

يالنشامى

مشتــــاق

20-Jul-2004, 07:04 PM

صح بدنك

وحياك الله يا غالي

ابوسليمان

21-Jul-2004, 05:53 PM

صح لسانك يامشتاق

اعتقد ان الموضوع اخذ حقه من النقاش

تشرفت باللعب معك طال عمرك

الشكرموصول لكل من مر من هنا

ازكى تحيه,,,,,,,,

مشتــــاق

21-Jul-2004, 11:35 PM

يا هلا

وصح لسانك وبدنك

صراحة ما هو اخذ حقه وبس بل تجاوزه بكثير

ولكن اسعدني اللعب مع شاعر مثلك لذلك استمريت

احترامي لشخص الكريم وحنكتك الكبيره

اخوك
مشتــــاق العتيبي

رايد الجلاوي

05-Dec-2007, 01:14 PM

صح اسنتك وبيض الله وجيهكم

والشاااعر الكبير ترى النشمي

معجب العتيبي

06-Dec-2007, 08:24 PM

تصدقون ماقريت الا البدايه لأبو سليمان
لأن الخلفيه مطفيه