قصيدة رثاء في امير الفوج الرابع الشيخ نايف كلمات الشاعر سهل بن بندر بن حياد المقاطي

[ابن حميد]

http://www.zshare.net/download/645908541153c339/هذه القصيدة رثاء
في امير الفوج الرابع الشيخ نايف بن عبدالمحسن بن حميد رحمه الله

كلمات الشاعر سهل بن بندر بن حياد المقاطي

اداء عبدالله الرويس


البارحة جفني بعيدن عن النوم *** يوم الاوادم رقدوا طار نومي

سهران طول الليل و القلب مهموم *** اكايل العبره و اصارع همومي

مرحوم يا شيخ فقدناه مرحوم *** عليه دمع العين غرق كمومي

شيخن يعد وليا عدوا القوم *** الطيب النادر قوي العزومي

نسل الشيوخ الي لهم فعل ورسوم *** قدام شيخان العبي و الختومي

مقدام ربعن كانهم دولة الروم *** بالمعركة يرون حد السهومي

نايف ولد محسن ذرا كل مضيوم *** حصنن يذري عن لهيب السمومي

اعزي العتبان في فقده اليوم *** واعزي اهل الفوج لما لمومي

واعزي ال حميد في فقد زمزوم *** يقوم بالواجب و يقضي اللزظومي

يبكي على فرقاه من يعرفه دوم *** و المجلس الي فاتحتن كل يومي

حرن ليامنه شهر يبعد الحوم *** دايم على العليا عزومن جزومي

طلع حليف الجود هو و الكرم توم *** متحالفين بالعمل و السلومي

عسى عوضنا فيه سادات و نجوم *** ان غاب نجمن في مكانه نجومي

ابناه و اخوانه بهم خير وقروم *** الله يوفقهم خيار العلومي

يالله عسى وجه عن النار محروم *** امين يا ربن غفورن رحومي

وصلاة ربي عد من كمل الصوم *** على محمد عد وبل الغيومي

[عبدالرحمن الهيلوم]

الله ير حمه

شيخ ابن شيوخ

دمت بود

[أبونواف]

الله يرحمه وصح لسان الشاعر مشكور على النقل ..

[مشاري الحبردي]

الله يرحمه ويسكنه فسيح جناته

[يوسف العازمي]

صح الله لسانه و لسانك الله يرحمه ويرحمه اموات المسلمين

تقبل مروري

[ابن حميد]

الله يرحم ابو عبدالرحمن ويسكنه فسيح جناته

[احمد عبدالله]

الله يرحمه ويسكنه فسيح جناته
صح لسان الشاعر

[خلف الروقي]

الله يرحمة ويغفر له


نسل الاحرار والشيوخ



صح لسانك شاعرنا




تشكر دووووم