الله على اللي مايحب المدينه.. بعد التعديل

[بعيد المدى]

الله على اللي مايحب المديـنـه=يبعدك عن هم الديـار وغثاهـا
جمس وصوفـه نـادرات ثمينـه=غيره مواتر خاسر مـن شراهـا
ثمانـي وسبعيـن ازرق مكيـنـه=اربع ميه وخمسين قوة عطاها
اليـا مشـى بالقـار كنـه سفينـه=سفيـنـة مافـيـه شـــي حـداهــا
وان فـز كنـه كـاسـر مطلقيـنـه=حر الا شـاف الفريسـه نصاهـا
يحرم على اللي مابقلبه سكينه=دواج حارات المدن في ضحاها
بيعه وجلبـه للمعـارض غبينـه=لو وقفته بالحوش طول مداهـا

[مشتــــاق]

قصيدة جميلة



اسعدتنا بهذه الابيات


وسلمت يا "بعيد المدى"

[ضايق]

صح لسانك يا بعيد المدى

بس الجمس يستاهل أكثر من سبعة أبيات

وش رايك تكمل ؟؟؟؟؟


تقبل تحياتي

[ابوسليمان]

صح لسانك ياراع الجمس



بعيدالمدى رااااااااااااااائعه القصيده



سجل اعجابي ومتابعتي لكل ماتكتب



لاهنت



ازكى تحيه,,,,,,

[بعيد المدى]

حييت يامشتاق ... ومن قال يسلم ومشكووور على مرورك الجميل.


ياهلا ومرحبا ياخوي ضايق وصح بدنك , وعلى ماقال ابونوره ( بالله ياضايق الصدر وسع الخاطر *** دنياك يازين ماتستاهل الضيقه ) :cool:
وبالنسبه للجمس والله مثل ماقلت يستاهل اكثر من سبعة ابيات لكن الجود من الماجود واللي جادت به قريحتي سبعة ابيات :)


صح بدنك ياخوي ابو سليمان ومرورك وأطلاعك على ابياتي المتواضعه شي يشرفني ويسعدني وابرك الحزات يومك مريت وسجلتلي مشاركتك.


تقبلوا من اخوكم / بعيد المدى
أصدق التحيه والتقدير|44|

[وصل العطياني؟؟؟]

صح لسانك ...

إذا كان هو الجمس اللي بالتوقيع ..

يستاهل وأكثر :)

لاهنت يا بعيد المدى ..




تحيااااااااااااتي