قصيدة وصف للابل المجاهيم لشاعر حزام العصيمي

[خالد الرويسي]

بسم الله الرحمن الرحيم





يوم كلـن قـال ودي فالزمـان وودي

والتمني في كثير احيان مالـه خانـه

قلت ودي مجهمٍ يوم الوصوف تعـدي

وصفها ماكل شاعر ترجمـه بلسانـه

ظافية برطم عريضة لحي زينة خَـدي

خشمها نابٍ شـوي وكنهـا زعلانـه

واذنها ذيبٍ على رجمٍ طويـل معـدي

ورقبتها من مجاميع اللحـم عريانـه

كن بين عضودها شلفاً حديدة حـدي

بـارزٍ نسنوسهـا ومتونهـا مليانـه

فخذها بابٍ من الحجم العريض مصدي

لونهااسود والصفار مداخـلٍ فالوانـه

جنبها جزلٍ عريـضٍ بـارزٍ ممـدي

كنهـا بيبـان جيـبٍ شلحـو بيبانـه

اهزعٍ عرقوبها عنه النظـر ماصـدي

ماتوفيها حقوق الزيـن كلمـة زانـه

ذيلها يقصر عن العرقوب شبر بيـدي

مبدعٍ فـي خلقهـا خلاقهـا سبحانـه

شوفها تمشي ورى الراعي يبيح سدي

كنها عنتـر ليامنـه نطـح عدوانـه

وشوفها فمراحها قبل الرحال تشـدي

بيت بدوٍ طارحين اثنين من عمدانـه

لو تكلم كان قالت مابه احـدن قـدي

شايله كل الشموخ ورافعـه منشانـه





للشاعر الكبير / حزام بن سعود العصيمي

[عبدالرحمن الهيلوم]

صح الساااااااااااان ابن عاصم والسانك يالذيب

[راع العبيه]

صح السانك وبيض الله وجهك

[@@بندر المغيري@@]

صح السانك ياحزام العصيمي

[شامان العتيبي]

صح لسان شاعر النظم والمحاوره الشاعر الكبير حزام العصيمي


وصف رائع جداً


لاهنت على النقل ياخالد





تحياتي

[سلطان الثقيل]

صح لساان حزام العصيمي وماهي فريبة عليه الإبداع
ويعطيك الف عاافية على النقل

[ولدعساف]

صح لسان ابن عاصم وسلمت يداك ع النقل

[الباااسل]

حزام العصيمي مبدع دائماً الله لايضرّه




تشكر ياخالد على النقل الرائع

[ܓܨ عبدالله البرقاويܓܨ]

مشكووووووووور والله يعطيك العافيه