الليله المعنى على قمة جبل

[مزلزل الشعار]

الليله المعنى على قمة جبل= ومزلزل الشعار اله وجهة نظر
المشكله وش جابها بين الدول=غير القناة اللي تصرح من قطر

[صاهود]

الليله المعنا ورا كوكب زحل=ابعد من الباحه عن حدود الحفر

الذيب في حكمه ترا ماهو عجل=هات الخبر والذيب يحكم فالخبر

[العـوني]

صح لسانك ياذيب عروا

سبقتني وانت بلا شك سباق على العلم الطيب


واصلوا وانا متابع

[صاهود]

واصل يالعوني لا حضر الما بطل التيمم وانا في صفك لاهنت

[مزلزل الشعار]

الليله المعنا ورا كوكب زحل=ابعد من الباحه عن حدود الحفر

الذيب في حكمه ترا ماهو عجل=هات الخبر والذيب يحكم فالخبر

طيب طيب الله يخارج منكم يامطير

[مزلزل الشعار]

بعد الحمل شدوه في ظهر الجمل=يبا يبان اما رغى والاهدر
صرف الذهب ماهو مثل صرف الهلل= هاذي حقيقه بالكلام المختصر

[أبو فيصل الدلبحي]

مزلزل الشعار

صح لسانك

ولاقدمة لاتهاب يابعدي

والصف صفك

[مزلزل الشعار]

ارحب يابوفيصل والصف يزهابك

[صاهود]

يا مزلزل الشعار يا خف الحمل = ابشرك ما ضاق من حمل الظهر

من غيرنا يلبس الغنجا حلل = حنا لها فالسيف ولا فالمهر

[صاهود]

مزلزل الشعار الاشتراك انتها وتوني جاي من المطار دفعت وجيتك مطبح اسمح علي علي التاخير حده حده

واصل واصل

[النصيف]

الله الله المحاره ممتعه وشعار عمالقه الله يوفقكم امتعتونه

[عقاب العنزي]

صحة الالسن والقلوب


ابداع من الطرفين لامجامله


..

[خالد الرويسي]

مثل ما قال اخوي العنزي
تحياتي