الفرسان اللذين كانو في معركه قتل عفاس بن محيا

[علوش بن محيا]

السلام عليكم

بعد الغياب جيتكم بهالموضوع


قصه معركه مقتل مرهب الخيل عفاس بن محيا

أنه بالقرب من جبل أبو دخن بالقرب من محافظه الشعراء كان الشيخ عفاس بن محيا مصدر بالأبل مع جماعته وكان الخياله خمسه فقط وهم عفاس بن محيا و عبدالله بن هديب بن محيا وابنه شجاع بن عبدالله بن محيا وأخيه شجعان بن عبدالله بن محيا وعقيلان بن ناحي بن محيا وكان من الجيش من ربعه الحزمان والدلابحه والحناتيش وكانو فرسان لا يشق لهم غبار ولكن لم أجد أسمائهم بالتوثيق فعذرا للقصور نرجع للقصه فصبح عليهم عبدالعزيز بن سعود هجوما كاسحا فقتل منهم الكثير وأخذت أبل الجعافره وهم من سلاله فوزان أبا الروس وأما شجاع فلقد أفتك أبل أبيه عبدالله بن هديب ببندق المارتين المعروفه والمشهوره بالمعط وهي مغاتير مشهوره هو وأخيه شجعان أما أبيه فقال له (يايبه ياحزامي لك سناد أرواحك ) فقال له (ماني بتارك راع الحردا عفاس ) فطعن بشلفا بجنبه وله قصه أبرجعلها بعدين أما عفاس فقالو له ربعه (ياعفاس القوم لا ياخذونا) فرد عليهم وقال وأعتزا (أنا راع الحردا والله ماترك رخوان رطب ....... ) وعذرا على الكلمه لكن هذا ماحصل بالتفصيل ومؤكده من كبار السن ورخوان فحل أبل عفاس بن محيا وأحتزم وكان معه أثنان من عيال بن خنيفيس حناتيش أخوان وكان واحد على يمناه وواحد على يسراه وكثير من جيشه ببساله وعبدالله بن هديب خصيصا كان معه وقاتل بشراسه وشجاعه وأوصيب بشلفا بجنبه ووقع فالمعركه فلما أنتهت المعركه أتاه قحطاني وأراد ذبحته فقد كان دمه قد يبس فكان حضري من جيش عبدالعزيز أسمه أبن ناصر فرءا القحطاني يبي يذبح عبدالله فقال لعبدالله (والله أن ذبحتك ماهي بكذا ياراعي العليا) وقال للقحطاني (والله أن رميته أنك لتلحقه ماطبقت عينك )فرجع القحطاني فأتاه عبدالله أبن مسعود أمير بلده الشعراء فشاله ووداه لبيته ورد الخبر لعياله وخصوصا شجاع فقال له بالمرسول (أبوك عندنا مصوب أبن مسعود الشعراء) أتاه شجاع وأخوه خشمان فلما أتوه أضافهم وقد أرادو أخذ أبيهم من عنده ولكنه رفض يالين يتعالج فبقا عند أبن مسعود حوالي 35 يوم أو 45 يوم فأرسل شجاع أخيه خشمان وأرسل معه بكرتين من أطيب البل وقاله عطها راع الشعراء فلما وصل رفض راع الشعراء أخذ البكرتين وقال (هذا واجب وراع العليا يستاهل ) لكنهم أصرو وتقبل الهديه ورجع خشمان بأبيه أما عفاس فلقد توفي وعيال بن خنيفيس وكثيرا من جيشه ولقد فرح عبدالعزيز بوفاته وقال كلمته المشهوره (حالحين حكمت)


وأن شاء الله أبزيدكم بكل جديد عن قبيله بن محيا


والله الله بالردود

[ابو ضيف الله]

ذبحت الفارس الاسطورة عفاس ابن محيا رحمه الله قصتها قصه
واذكر انها في ليلة من ليال العمر قبل اكثر من عشر سنين كنت جالس
في مجلس شيبان في الديره الان منهم من توفى رحمه الله ومنهم من
هو قعيد الفراش وكانوا يروونها بالتفصيل كل واحد يذكر ما سمعه من
الشيبان اللي حضروا هم او ابائهم هذيك المعركة

الاخ علوش ابن محيا اشكرك على الموضوع وننتظر تكملته

[علوش بن محيا]

شكرا ياابو ضيف الله ماقصرت على المرور ولا توصي أن شاء الله عندي مواضيع جديده

[خالد الرويسي]

الله يرحمه

جزاك الله خير

[الذيب العصيمي]

تعديل راع الجردا

اما الحردا شنهي يالطيب


وتحيات العصيمي والمرشدي

[علوش بن محيا]

هلا ومرحبا يالجد محصان لكن يأخي هي الحردا ناقه عزوه لزايد بن براز وتوفي وتعزوابها عفاس بعد وفاة زايد في معاركه ومعروفه والحردا عزوه لأل المحيا ويأخي العزيز أنشد عن هل المعلومه وتلقاها

[مشاري الحبردي]

الله يرحم الشيخ الفارس عفاس بن محيا

ومشكور يابناخي

وتراي ارسلت لك رسالة

[علوش بن محيا]

الله يرحم الشيخ الفارس عفاس بن محيا

ومشكور يابناخي

وتراي ارسلت لك رسالة

ويرحم المسلمين جميع

ولي الشرف يا خوال أبوي

[الامير حريبيش]

الله يرحم عفاس واللي معه وقف وقفه مشهوده في المعركه
اللي ثبت عندي انه قتل في اخر المعركه برمية بندق من احد الشخصيات في جيش عبد العزيز بعد ماذوقهم الويل
يقول فيه الشاعر
وراك يالوطيا تجرين الاتعاس===== عقب الردوم اللي تزايد زفرها
صكو علي عفاس مختلفت اجناس===== في ديرتن ماعنده الا حجرها
ياليت مع عفاس تسعين رماس====== من الاد روق اللي قويين سطرها
وياليت شبيب جاهم علي قب الافراس===== وياروح روحي ليت مارق حضرها

وكذلك قصيدة عسكر الغنامي المعروفه

واللي سمعته يابن العم ان ابن خنيفيس مهيدلي والله اعلم
مشكور علي الموضوع يابن محيا
تقبل تحياتي

[علوش بن محيا]

الله يرحم عفاس واللي معه وقف وقفه مشهوده في المعركه
اللي ثبت عندي انه قتل في اخر المعركه برمية بندق من احد الشخصيات في جيش عبد العزيز بعد ماذوقهم الويل
يقول فيه الشاعر
وراك يالوطيا تجرين الاتعاس===== عقب الردوم اللي تزايد زفرها
صكو علي عفاس مختلفت اجناس===== في ديرتن ماعنده الا حجرها
ياليت مع عفاس تسعين رماس====== من الاد روق اللي قويين سطرها
وياليت شبيب جاهم علي قب الافراس===== وياروح روحي ليت مارق حضرها

وكذلك قصيدة عسكر الغنامي المعروفه

واللي سمعته يابن العم ان ابن خنيفيس مهيدلي والله اعلم
مشكور علي الموضوع يابن محيا
تقبل تحياتي

نعم يأخ حريبيش عفاس ذبح بأخر شي واللي ذابحه عبد بن سعود ويدعى بن طوير أما بن خنيفيس حناتيش جد عن جد ويمكن أسمن على أسم وأنا سعيد بمشاركتك وصراحه أفتدني شي واجد ويسرني
أنك ترد

[الامير حريبيش]

انا سمعت ان اللي ذبح عفاس فارس عتيبه في عصره هو فيصل بن حشررر شيخ ال عاصم وهو من المرافقين لعبد العزيز في حربه وسلمه
ويقولون الرواه انا عفاس قبل مقتله بقليل شاهد عبد العزيز ووجه الفرس عليه يبي يذبحه وقبلها عبد العزيز واصله كلام عن عفاس يقول عفاس فيه والله لو شافت عيني عبد العزيز اني لوجه فرسي عليه لو يحط جمعه كله بيني وبينه (وهي كلمه شجاعه كبيره كفو لها عفاس) فقال عبد العزيز والله ونعم براعي الحردا عفاس يسويها
المهم عبد العزيز يوم شاف عفاس متجه له وجيشه تفرق عنه مثل الفراش قام ينخي الشجعان واهل البطوله ويقولون انه نخي سلمان بن محمد من ال سعود مشهور بالشجاعه وقام ينخي فيصل بن حشر كذلك راعي شجاعه ورمايه بعدها جهز فيصل بن حشر بندقه ورمى عفاس بن محيا وراه ذابحه
يوم بشرو المرافقين عبدالعزيز وهو منكف بذبحة فيصل بن حشر لعفاس قام يحدى ويقول
ترى الرهاوي وهقن عفاس==== حتي تعشاه الطير من قحطان
فوصل العلم فيصل بن حشر راح لا عبدالعزيز يقول له ليش تسوي كذا معي ياخو نوره انشبتني مع عتيبه المحروره علي عفاس قال عبدالعزيز لا لا عفاس ذبحته جريرة ابن سعود وانت برى منه يافيصل وانا اخو نوره
هذا اللي سمعته وانا ولد عمك وممكن انت اخبر مني بقصص ال محيا
تحياتي

[فواز الدهاس]

- حفظ الله أسرة المحيا العريقة للدين ثم للقبيلة ، و أنتم ذخر و قد حدثني أبي حفظه الله

كثيراً عن فارس عربي أصيل هو عفاس بن محيا رحمه الله و المسلمين .

[علوش بن محيا]

يأخي العزيز حريبيش نعم صحيح ماقلته بقولك أن عبدالعزيز قال الكلام بسبب أن عفاس توعد عبدالعزيز بالقتل أما أن قاتله فيصل بن حشر فهذي معلومه خاطئه مع أحترامي الكامل لك اللي ذبحه عبد أسمه بن طوير وهاذي معلومه مؤكده من كبار السن من قبيله بن محيا ومن أمير الحيد خالد بن عفاس بن محيا وهي صحيحه يأخي العزيز

["بندر العصيمي"]

يعطيك الله الف العافية على الموضوع الرائع

[ابن محيا الحنتوشي]

الاخ علوش بن محيا


ابن خنيفس هل هو حنتوشي واذا كان حنتوشي منهم عاقبته الان او منهم منه من الحناتيش الاحياء حاليا


اما روايه الاخ الامير حريبش اعلاه فقد سمعتها من الشيبان


المهم ان قاتل عفاس منهم من يقول سبيعي ومنهم من يقول قحطاني وبعض الروايات تقول


انه اخو الملك عبد العزيز فلا نستبعد ايا منهم لان الرويات كثيرة


شكرا للجميع

[ابن محيا الحنتوشي]

وراك يالوطيا تجرين الاتعاس===== عقب الردوم اللي تزايد زفرها
صكو علي عفاس مختلفت اجناس===== في ديرتن ماعنده الا حجرها
ياليت مع عفاس تسعين رماس====== من الاد روق اللي قويين سطرها
وياليت شبيب جاهم علي قب الافراس===== وياروح روحي ليت مارق حضرها



الامير حريبيش

لمن هذه القصيده

الوطيا هي ام عفاس فلماذا سميت الوطياء ومنهي منه من الحناتيش اي منهم خوال عفاس


منهو شبيب ومنهو مارق


ارجو الاجابه لاني لست متاكد من بعض المعلومات لدي

[العــــــــابر]

ونعم والله بالمحيا

وكل الحناتيش

اهل فروسيه وطيب وكرم وشجاعه

ومن شيوخ وامراء الهيلا

لاعدمناك اخي الكريم

[فهد الحزيميُ]

والله ونعم في آل محيا اهل الفروسيه والشجاعه وعتيبه كلها تفتخر بمثل عائله المحيا اهل تاريخ مسطر من ايادي الاساطير مثل {{ عفاس بن سداح بن سيف بن محيا .. واخوه تركي ومتروك وفيحان وابوهم سداح }} ونعم الاشبال من ذاك الاسد بيض الله وجهك ياعلوش وصدقت الي ذبح عفاس بالبندق عبد من عبيد الرياض يسمى { الطوير } رماه ببندق واصابته في صدره والروايه ذي سامعها انا من شيباننا الي ابوانهم حضرو المعركه رحم الله الشيخ الاسطورة عفاس بن محيا وغفر له ذنوبه




وبالنسبه لـ القصيده
وراك يالوطيا تجرين الاتعاس --------- عقب الجموع الي تزايد زرفها
صكو على عفاس مختلفةاجناس------- في ديرتن ماعنده الاحجرها
ياليت مع عفاس تسعين رماس ------ من الاآد روق الي قوين سطرها
ياليت شبيب معهم على قب الافراس ------- وياروح روحي ليت مارق حضرها

هذه القصيده لـ والد الشيخ عفاس سداح ابن سيف ابن محيا مرثيه فيه

والوطيا ام الشيخ عفاس بن سداح ابن محيا
مشكور ياعلوش ويعطيك الف عافيه ياعزيزي

[عتيبي عز]

يقولون يالربــع يوم انذبـــح عفــــأس بــن محيـــأ جــو قــألــو للملــك عبــد العــزيــز عفــأس مـأت قـــأل لا مــأهـوب صحيـــح ورونــــي جثتــــه ويوم جــو الا هــــو مقلــوب على وجهــه ميــت ويــوم كشفـو عـن وجهـه قـــأل الملــك عبدالعزيز ( ايه هالحين حكمت ) وذبح فرس ابن سعود كم مره

[سيف نت]

وراك يالوطيا تجرين الاتعاس===== عقب الردوم اللي تزايد زفرها
صكو علي عفاس مختلفت اجناس===== في ديرتن ماعنده الا حجرها
ياليت مع عفاس تسعين رماس====== من الاد روق اللي قويين سطرها
وياليت شبيب جاهم علي قب الافراس===== وياروح روحي ليت مارق حضرها



الامير حريبيش

لمن هذه القصيده

الوطيا هي ام عفاس فلماذا سميت الوطياء ومنهي منه من الحناتيش اي منهم خوال عفاس


منهو شبيب ومنهو مارق


ارجو الاجابه لاني لست متاكد من بعض المعلومات لدي



شبيب بن حجنه ومارق الظيط