فرهودي
05-Jul-2004, 05:36 PM
محاورة بين الشاعرين.. الكبيرين
عبادل
عبادل المالكي
وأحمد الناصر الشايع
اترككم مع المحاورة.. الشيقة :)
عبادل
سلام ردية عليكم يافهود= من معرفات مايغلق بابها
يالشاعر اللي مايتعدى فالحدود=والعين مقصدها شوف اصحابها
أحمد
أهلا وسهلا بالوقوف وبالقعود=ردة وفا غنــــــا بها من جابها
الناس تدري بالصوادر والورود=بعض الليالي السود مايسرى بها
عبادل
ودي نقود العلم يارجال قود = واهل المصاحب والكتب تقرا بها
ماني شرود وصاحبي ماهو شرود= مير الليالي ماحسبت احسابها
احمد
مانتب عن الطاروق بالسيف محدود=هذا طريق اجنابها واصحابها
مير المعاني لاتجي بيض وسود=قرر علمها والكريم أولى بها
عبادل
النار يارجال تاكل كل عود=واللي يشب النار يتصلى بها
شفت المخايل والنشايا والرعود= لاوالله اللي جابها جلابها
احمد
كل السوالف بين هون وبين كود=تدري بها شيابها واشبابها
النار يارجال عيشتها الوقود= هذا مثل والنار من شبابها
عبادل
مادري سببها من حمد والاحمود= ولا ابغي غير قردتي وانصابها
والناس تمشي بين نقص وبين زود= راع الخيانه بيننا يدرى بها
احمد
مدري يعود الوسم والا مايعود=كل الخيام موثقة باطنابها
الجود يارجال من كثر الوجود= راع العصا ياصاحبي عيا بها
عبادل
واعدتني واخلفت عني فالوعود= معك جبال نايفه ترقا بها
راع التمدح لاتدور منه فود= وراعي الكذبات ماتعشى بها
احمد
اكرب حزامك لاتنام ولاتنود=الخيل ماحد قادها باذنابها
انت معك حجه ولافيها شهود=من باق ديرة رحل مامسى بها
عبادل
بكره نجيكم بالذخاير والجنود=الغاط والزلفي نبي نرعى بها
والله ان تحداك الحراير والبرود=واللي معه خيشه مايتوقى بها
احمد
نحسب حساب الروس واحساب اليهود=واديارنا تصبح عشى لذيابها
ان جيت تلقى اللي مثل قدح الزنود=ربعي ضحى الفتنة تطش اثيابها
ان شاء الله وفقت بالاختيار :cool:
فرهودي،،
عبادل
عبادل المالكي
وأحمد الناصر الشايع
اترككم مع المحاورة.. الشيقة :)
عبادل
سلام ردية عليكم يافهود= من معرفات مايغلق بابها
يالشاعر اللي مايتعدى فالحدود=والعين مقصدها شوف اصحابها
أحمد
أهلا وسهلا بالوقوف وبالقعود=ردة وفا غنــــــا بها من جابها
الناس تدري بالصوادر والورود=بعض الليالي السود مايسرى بها
عبادل
ودي نقود العلم يارجال قود = واهل المصاحب والكتب تقرا بها
ماني شرود وصاحبي ماهو شرود= مير الليالي ماحسبت احسابها
احمد
مانتب عن الطاروق بالسيف محدود=هذا طريق اجنابها واصحابها
مير المعاني لاتجي بيض وسود=قرر علمها والكريم أولى بها
عبادل
النار يارجال تاكل كل عود=واللي يشب النار يتصلى بها
شفت المخايل والنشايا والرعود= لاوالله اللي جابها جلابها
احمد
كل السوالف بين هون وبين كود=تدري بها شيابها واشبابها
النار يارجال عيشتها الوقود= هذا مثل والنار من شبابها
عبادل
مادري سببها من حمد والاحمود= ولا ابغي غير قردتي وانصابها
والناس تمشي بين نقص وبين زود= راع الخيانه بيننا يدرى بها
احمد
مدري يعود الوسم والا مايعود=كل الخيام موثقة باطنابها
الجود يارجال من كثر الوجود= راع العصا ياصاحبي عيا بها
عبادل
واعدتني واخلفت عني فالوعود= معك جبال نايفه ترقا بها
راع التمدح لاتدور منه فود= وراعي الكذبات ماتعشى بها
احمد
اكرب حزامك لاتنام ولاتنود=الخيل ماحد قادها باذنابها
انت معك حجه ولافيها شهود=من باق ديرة رحل مامسى بها
عبادل
بكره نجيكم بالذخاير والجنود=الغاط والزلفي نبي نرعى بها
والله ان تحداك الحراير والبرود=واللي معه خيشه مايتوقى بها
احمد
نحسب حساب الروس واحساب اليهود=واديارنا تصبح عشى لذيابها
ان جيت تلقى اللي مثل قدح الزنود=ربعي ضحى الفتنة تطش اثيابها
ان شاء الله وفقت بالاختيار :cool:
فرهودي،،