وصل الله علي الهادي محمد

[سعد العدواني]

سلام الله من زحول الرجالي
بني عمي مداغيش العيالي
علي العتبان ذربين الفعالـي
وصل الله علي الهادي محمد

وين الذي فالمعـــجزه حلال // فالمعركه للخيل خيالــــــــــه
الي يحسب انه شرب فنجال // اطلق شنب مشروب فنجاله

[عطاوي]

الا يامرحبا ترحيب قايل
نيابه عن قويين الصمايل
زعامتهم على كل القبايل
وصلى الله على الهادي محمد




اطرف عتيبي للحمل شيال
قد اللزوم ويكفي الحاله

وامثبتين اقوالنا بافعال
واللي سواتك يسكت اشواله

[سعد العدواني]

يجيك العلم يا شاعر عتابه
وكان اليوم ودك فالحرابــه
تجهز قابل قلوب الذيابـــه
وصل الله علي الهادي محمد

ما يرتكي للكايـــده جهّال // وانت مريض وحالتك حاله
الي يكذب جعله الســلال // عدوان ربعي تعشق القاله

[عطاوي]

انا اقول انها برد وسلامه
يجي عدوان وانكسر عضامه
عشان ايتوب ويقدر عمامه
وصلى الله على الهادي محمد



مدام جاهل لا تحدى ارجال
خلك على شرواك واشكاله

قدام في عينك نخل اخلال
لا ترفع العدوان منزاله

[سعد العدواني]

عتيبه صارت اتقص العظامي
بعد ما كانت عتيبه كلامـــــي
تهابون المقابل بالزحامــــــي
وصل الله علي الهادي محمد

مقصــــــودنا يا فتنه الدجال // الضـــــــيف منهو يسرق نعاله
ارفع عيوني واسحب الجوال // وارعب بني عمك من ارساله

[عطاوي]

عتيبه مثلكم داسو كيانه
ولا نظربك غير بخيزرانه
شرف عدوان قصينا لسانه
وصلى الله على الهادي محمد


مقصودك انك للرجول انعال
جيتو كذا للناس نعاله

فيك الطمع ياسلعة الدلال
يرسل رقم والفيد يشتاله

[سعد العدواني]

عتيبه هالولد بقطع لـسانه
اشوفه يب يخليها ميانـــه
يبا يفرك بشخم الخيزرانه
وصل الله علي الهادي محمد

كانه يباها والعـلوم اثقال // ماينعرف عمه ولا خاله
هذا العتيبي ياعرب مختال // عقليته ياقوم مختاله