عقاب العنزي .. للفايده منك

[المقدام]

ياعقاب حان الوعد بيني وبينك تعال = عندي علومن تتبطي ماتناسيتها

ياعقاب عاين ترى جاتك ثعول الخيال = مار احتزم لاتقول القوم من صيتها

[عقاب العنزي]

المعذره مانتبهت لطاروقك الا الحين


ياراعي العلم جيتك بعد جالك مجال = وانا ليا جتني الدعوات لبيتها


ترى الامور الامور بخير يابن الحلال = ياليت بعض السوالف ماطلعت بيتها

[المقدام]

مافيه اي مشكله .. وانا بعد جاني شغل بسيط وتأخرت عليك


والنعم ياذيب ياللي من قروم الرجال = مار اسمع العلم لاتفرح بمنشيتها


لا اونست حر القوايل عان ظل الظلال = ازبن ترى مايجيك الضيم لاجيتها

[المقدام]

ياعقاب ..

انا اشووفك تلعب طاروق ثاني ..

أجل الطاروق ذا لين تخلص مافيه اي مشكله

اللحين خلك مع العمده

حنا لاحقين على بعض إذا الله احيانا

[عقاب العنزي]

على خير يالمقدام وشاكر لك اخلاقك العاليه


تقديري

[عقاب العنزي]

يااصحابنا ماعليكم زود في كل حال = وانته لاجبت العلوم ولاانت وديتها !!

ياراعي الكلمه اللي لاحرام وحلال = (كل قوم تلقى الظلال الزين في بيتها )

[المقدام]

علومنا عقب ماترغي هذيك الجمال = يوم إن بعض الجمال بهدرها اوحيتها

خلك مع العمده اللي ربطك بالحبال = ماعاد تدري بحيي القوم من ميتها

[عقاب العنزي]

اعلومكم طيبه وفعولكم لاتزال = لكن مد الثمينه دام مديتها

ماتدري اني جبل راسي مابين الجبال = ياراعي الكلمه اللي ليتك اخفيتها

[المقدام]

ياعقاب لامن وردنا فوق عدٍ زلال = كم قوم عن عدنا ياعقاب رديتها


انته جبل ياولد وايل بليا احمتال = لكن بعض الجبال احب تفتيتها