يا سلامي وأنا راعي محل

[راعي الباكور]

يا سلامي وأنا راعي محل لــو أهلـي=ما لحقنـــي ملامه من جميــع النواحي
طير ياللي ليا رفــــرف جناحك تعـلي=شيل روحك على كفك ورف الجناحي

[سويلم الشيباني]

مرحبا ياهلا من هاجسٍ مسفهلي=في محلٍ مبارك فالمساء والصباحي
ويش عندك من الاخبار ياطيري اللي=جيبها قبل لايطري عليك المراحي

[راعي الباكور]

حضر ونغلق القاف ما ودنا بالمقاصد

[سويلم الشيباني]

حاضر
وسر الليل

[ذيب الحصيني]

صحت السنتكم وعساكم على القوه

متاااااااااابع

[راعي الباكور]

البقا والمهـلي بالعـرب ما يـولي=ان قعد ما وقف واليا وقف ما استراحي
بارك الله في رجــلً يصــــوم ويصلي=دام زرق المعاني مثل زرق الرماحي

[سويلم الشيباني]

صحت السنتكم وعساكم على القوه

متاااااااااابع


صــــح بدنك

[سويلم الشيباني]

سلم ابوه وجدي عامله في محلي=مار يجزاك ربي يالقلوب الصحاحي
دام تعرف حقوق الله حذرا تزلي=كان تبغى حياة العز ولا النجاحي

[راعي الباكور]

عامله ماعليــــك قصور لكن قلــي=كم غدى للموده مع فريق المتاحي
البطاقة قديمة والمشاوير ملـي=رحمة الله على مطلق وشخص الرياحي

[سويلم الشيباني]

وش تبا بالمعاند وش تبى بالتغلي=خل درب الوعر وسلك دروبٍ براحي
خازم شعيل لونك تشوفه مفلي=ماجهلت الهبيل ولاتجاهلت صاحي

[راعي الباكور]

شاسع الفرق مابين الحلى والتحلي=سبب اشكال والاشكال زاد الجراحي
كل شيً تطور غيـــر وارد مجلي=فوقه شعار من صكات الايام ماحي

[سويلم الشيباني]

لاعب الضومنة فاللعب شفته يجلي=الحجر يصرفه من غير حنكة وباحي
ماحدانا عليها غير حب التسلي=مار ياطير غادر مع طيور الفلاحي

[سويلم الشيباني]

صح السانك ياراعي الباكور وتشرفت باللعب معك

[راعي الباكور]

صح لسانك وبدنك يالقنعير وتسلم .. شكرا لك ولكل من حضر ومرحبا به