شليويح العطاوي / اول كلامي طلبتي الله

[فارس برقا]

اول كلامي طلبت ذكر الله = ماني عن الرب الكريم غناوي
ولا نيب من يمدح بقوله لسانه = ولا نيب في عشق البني هواوي
على طلال الصبح خيل مخيلة = وصلت سناويها الى المطاوي
تمطر بعطشان المحبب والقنا= ورعودها البارود والعزاوي
جانا سعود مسير بجنوده معه = معه الدويش ولمة البداوي
ثمانية الاف عداد جموعهم = بلوى وربي يدفع البلاوي
وحنا ثمانمائة عداد جموعنا= ماش اجنبي فينا ولا برقاوي
وارخيت فيهم حد كل مصلة = يحير فيها طب كلا مداوي
وارخيت فيهم حد كل مجرب = توحي له بروس الخيرين تعاوي
وارخيت مذلوق العريني فيهم = لين ادبحوا شرابة القهاوي
ورديت سلطان البعير فيهم = وشيوخ ما ردوا لها النحاوي
يارب تنجي وتنجي سابقي = يارب تمنعنا من الاهاوي
ياظفرهم لاقرب الله دارهم = وحنا عليهم مثل نجم هاوي
ذوي ثبيت أهل المناخ شيوخنا= أهل الربعه والمنزل المتساوي
صحنا عليهم ثم عاونا الله = لين انها صارت لنا مناوي
لكن سربتهم الي اوجهت بنا = زمول مخزمة على الكراوي
لكن سربتنا اليا اوجهت بهم = شراد ريم مع حماد داوي
لكن جضع الزلم قدم انحورنا = جضع الخشب بالوادي السناوي
وعزي لهم لولا اسمر في خيلهم = يهوي علينا اهواية النداوي
لكن شليل الخيل قدم ربوعنا= مثل الجراد اللي انتحى متهاوي
وطلحة نحوا عنا بريه يسارهم = من بينهم دهم العروق هداوي
تعيني بالبيض في مركاضنا = وصلت كسايرهم الى الحجناوي
تزبنوا عنا قصور عنيزة = لين احتماهم بيرق القصماوي
لا رحم ابو من صد عن محرافها = يوم انجلاع الستر عن مضاوي
نطعن لعين اللي تهل دموعها = تبكي وفي تالي البكا نخاوي
تقول ياالظفران من عاداتكم = هوشوا عسى يبقي لنا شلاوي
الاد روق اللي عريب جدهم = لاجا من الحكام رد براوي
ونطعن لعين اللي تجر حنينها = عفرا تبا صيفية المطاوي
قلت ابشري بالفك ياحم الذرا = دام الطعن يفك والاهاوي
ترعى بنا عوج الركاب وتنثني = ماحدرت حسلة الى الحجناوي
وانا احمد الله يوم انا من لابه = ماهم بقطمان اليدين شواوي
الاد روق سعد من هم ربعه = يوم اللقا زادوا على الهقاوي
يا مسوي الفنجال عده لمدوخ = وعده لابن صلال والجاوي
وانا زبون الحرد ابو ضيف الله = لا قصر البرطم عن الشفاوي
والمدح لله ثم نسل محصن = عسى لهم عند الاله عراوي
سواقة المغتر على الحريبة = يوم الحريب عن الحريب يلاوي
واغفر ذنوبي يا محل ذنوبي = ان كنت في بدعي كلامي غاوي