ذيب عروا عوافي واقرب جاي

[سعد حميد الثبيتي]

ياذيب عروا جاك ذيب عن هقاويك احتداك=احتل واديك المسمى بالمخاليب الحداد


شوف العيون اعطاك ناب وخاض بالثاني شواك= لكن من باب الزماله ناوي اعطيه الهجاد

[صاهود]

لو منت غالي ياسعد لطّبق لسانك في جماك=هرجتك مثل النار تقبسها وتاليها رماد

من فضل ربي موتري ماشغله بالاشتراك=مقّضي لزومي كل ليله من بلاد اليا بلاد

[سعد حميد الثبيتي]

انا مولم بندقي ياذيب ابا ارمي من رماك= يوم ان بندقك العزيزه رميها ماهو ركاد

انا احمد الله فالمواقف صلب مافي ارتباك= وابو طبيع اثره بطبعه ينظر العالم وكاد

[صاهود]

بالله قلي وش حروف اسمه قبل لشّقر عصاك=ماهكذا نشري وندفع ياوزير الاقتصاد

ماجيت اجرب وقفتك جيتك علي هذا وذاك=ان كان ماعلمتني بدّبجك قدام العباد

[رعد الروقي]

هههههههه



طرق مولـــّــع


صحت الالسن يا اخوان

[سعد حميد الثبيتي]

انته فطين وتعرفه ياذيب ما والله خفاك= وترى المراوغ نعرفه ماقط فاد ولا استفاد


اثر الزمان الشين يالصاحب بمشعابه ولاك= لكن ياشين البليد ان قلت له علم يعاد

[صاهود]

حسب اعتقادي كل شعار البلد في مستواك=واللي سواتك مايصيد ابندقه دايم يصاد

الوقت لو يقسا علي ماضيّع احقوقي معاك=من قو باسي شوف تعداد الضحايا بأزدياد

[صاهود]

مروك اكبر وسام يالعمده

وصح بدنك

[عطاوي]

صح لسانك ياذيب عروا
وصح لسانك ياسعد حميد الثبيتي

والنعم بكم كلكم شعار معنى وقافيه

بس انتبه ياذيب عروا وسألني انا
ترا سعد يعرقب للي قدامه ولعبت معه
انا اكثر من محاوره بس خلك صاحيله ياذيب
هههههههههههههههههههههه

[عبد الرحمن الفرهود]

حسب اعتقادي كل شعار البلد في مستواك=واللي سواتك مايصيد ابندقه دايم يصاد

الوقت لو يقسا علي ماضيّع احقوقي معاك=من قو باسي شوف تعداد الضحايا بأزدياد

صح السانك وسلم بنانك (والحمد لله منيب منهم حي الاهالحين)

[صاهود]

صح لسانك ياذيب عروا
وصح لسانك ياسعد حميد الثبيتي

والنعم بكم كلكم شعار معنى وقافيه

بس انتبه ياذيب عروا وسألني انا
ترا سعد يعرقب للي قدامه ولعبت معه
انا اكثر من محاوره بس خلك صاحيله ياذيب
هههههههههههههههههههههه

ههههههههههه

هو راح يغلبني فالنقد والبلاغه معلم لغه عربيه

اما الامور الثانيه ابتقاسمها معه ههههههه

شرفتنا في مرورك

وصح بدنك

[عبد الرحمن الفرهود]

انته فطين وتعرفه ياذيب ما والله خفاك= وترى المراوغ نعرفه ماقط فاد ولا استفاد


اثر الزمان الشين يالصاحب بمشعابه ولاك= لكن ياشين البليد ان قلت له علم يعاد

صح السانك يابوحميد تقبل مروري واعجابي

[صاهود]

صح السانك يابوحميد تقبل مروري واعجابي


افا وانا ليش ماتقول لي صح السانك امحق خوي هههههههههههههههههه

ماعليه الحين يجون اعيال مشيب ويرخص العلم هههههههههههه

[عبد الرحمن الفرهود]

افا وانا ليش ماتقول لي صح السانك امحق خوي هههههههههههههههههه

ماعليه الحين يجون اعيال مشيب ويرخص العلم هههههههههههه

افا على غيرك انت المبدا (الصفحه الاولى) ولاّبس ودك اتهاوشني وبس

[صاهود]

افا على غيرك انت المبدا (الصفحه الاولى) ولاّبس ودك اتهاوشني وبس

يقولون البدو من رد ماكنه شرد

وانا منتبهت اسف جدا جدا

وراح اقضب صفك سنه

العذر والسموحه هههههههه

[سعد حميد الثبيتي]

حسب اعتقادي كلهم مافيهم اللي ماشناك= ياالعارضي قهوتك مافيها ولاخنة قناد


ياذيب عروا حشمتك من حشمة اللي من وراك=والا انت ذيب ماله الاالرمي من خشم الزناد

[صاهود]

مادام مدّي ماقصر ماهمني ذم اخوياك=لو هي علي كيفك شويت العارضي شوّى الجراد

ماردّك الا الخوف لولا الخوف مانسلم وذاك=لولاه مانحصد ثمرها لا بدا وقت الحصاد

[المكافح]

صح لسان الشاعر الكبير سعد الثبيتي تقبل تحيات المكافح

[سعد حميد الثبيتي]

ماحد يذمك يالخوي كل العرب تتبع رضاك= والله مااشوي صاحبي من بعد اكل ملح وزاد

انا مااخاف الا الولي ياثلب لا يكثر رغاك= اما التزم درب الهدى والا التزم درب الحياد

[صاهود]

حيرتني ماعاد اعرف اللي علي واللي علاك=مره توصفني بشر مره توصفني جماد

هاذي ماغير امداعبه لا تلحق اللوم اقصراك=لاتعتمدها يالثبيتي ماورا المزح اعتماد

[سعد حميد الثبيتي]

الشعر وش الشعر لولا مايجي فيه المحاك= وانا اخبرك من حكحكة صاحبك ياوسع البناد


بعد تنثر ماك ياذيبان ماينحاق ماك= لكن ابا اختمها بورد الطايف ونفحة زباد

[صاهود]

الشعر وش الشعر لولا مايجي فيه المحاك= وانا اخبرك من حكحكة صاحبك ياوسع البناد


بعد تنثر ماك ياذيبان ماينحاق ماك= لكن ابا اختمها بورد الطايف ونفحة زباد



ختامها مسك

صح السانك

[سعد حميد الثبيتي]

كفيت ووفيت ياشاعرنا المفضل واسمح لي ان جا زله او خطأ غير مقصود تقبل تحياتي بكل فخر واعتزاز

[صاهود]

كفيت ووفيت ياشاعرنا المفضل واسمح لي ان جا زله او خطأ غير مقصود تقبل تحياتي بكل فخر واعتزاز

افا يابوفواز ماهي بهي انت سيتك عندي حسته احرق وانا خوك هذا لعب لايهمك وانت صار لك اسبوع

كل يوم في زود الظاهر انك عزابي هاليومين هههههههههه

[سعد حميد الثبيتي]

والله انك بمثابة الاخ ياذيب عروا عاد الاخ يتجرا ويمون على اخيه ومن ثم انت وش ادراك اني عزوبي الله يحييك عموما العب واخذ راحتك صدري وسيع تقبل تحياتي بكل فخر واعتزاز