عمدة الشعار جاك مزلزل الشعار

[مزلزل الشعار]

ياعمدة الشعار جاك مزلزل الشعار جاك= قوم أحتم الميقاف والا شوف غيرك يحتمي

نوى يشب النار وأن خاطرت في ناره شواك=سالم ولا يحصل عليك خلاف وأسلم تسلمي

[رعد الروقي]

وصلت واللجنة بعد ساعة تحدد مستــــواك=أما صحيح العيـــن وألا بين عوران وعمي
قلل حطبها واطلب الغفران يوم الله رماك=واطلع بربعك كان في قوم الحمايل تنتمي

[مزلزل الشعار]

الناس حولك لدت الانظار مدري وش بلاك=والرمي عيا يطرح الاهداف يارع الرمي
حنا قضات الحق وأهل الشار لطامة عداك= بالعدل والانصاف والمنسب خوال الهاشمي

[طلال ناشي]

مزلزل الشعاااار - عمدة الشعاااار

صحت الألسن والقلوب مبدعين

طاروووووق نااااري


تقبلا مروري

[مزلزل الشعار]

طلال ناشي
منور ومشرف


صح بدنك ولاهنت

[رعد الروقي]

البشت واسع والفتى في داخله مثل السواك=مافيه داعي ينشهر سيفي وينهال قلمي
في ظل بيت العز والايام ما تبحث خفاك=حر القوايل ما يجيك ولا ينازعك ادمي

[سعد حميد الثبيتي]

صح لسان مزلزل الشعار والعمده اشهد انكم مبدعين بمعنى الكلمه تقبلوا تحيات ابو فواز

[مزلزل الشعار]

لا يطول المشوار يالعمدة وأعلمك بخطاك= يامضيع المحراف أنا ظامنك لقمه في فمي
ياعمدة الشعار ماميزة باعك من شراك= وأنا مع العراف مازلة خطايه وقدمي

[رعد الروقي]

رمية بدون عيار ياللي جاك رزقك من سماك=خليتها تسري وجا في سدها سيل الدمي
الكبتن الطـــيار لولا الصوت ماحـــول علاك=لكن وسع فالبطان ولا تصدرها ضمي

[مزلزل الشعار]

الاخ العزبز العمدة انت شاعر وأنا من المتابعين لمحاوراتك في الهيلا
ولكن الليلة منت العمدة اللي على خبري
القاف ياعزيزي على أربع وقفات
وأنا أعطيتك أكثر من فرصه لا كن الجايات اكثر ولنا لقاء
وتصبح على الف خير ,,

[رعد الروقي]

هههههههههههههه



طيب طيب يا استـاذ



الف شكر لك


والدنيا دروس وعبر