اليوم عاشر يوم واشرب يا ربيب

[الازوري]

إليا بدعت القاف قافي ما يشيب=وآجيب من زين البيوت إجزالها

وان كان ما تمسي سوات العندليب=يا اصحابنا فال الله ولا فالها

الليل كله يا منادي يا مجيب=واللي معه لو نص كلمه... قالها

ما ادري متى يخلص طليب(ن) من طليب=حتى تحاسب كل نفس اعمالها

وشلون راع الطيب ما يجزى بطيب=وتقابل الحسنه بعشر امثالها

الليل يا معروف يا العظم الصليب=يا اللي ليا اركى للحمول اشتالها

من لابة(ن) يوم الوغى سقم الحريب=واهل الشيم واهل القيم بحلالها

يا ذيب يا اللي للعوا جاوبك ذيب=ما خذت يمناها وحزت شمالها

ولاني وانا صالح بعبّاد الصليب=ولا محتري ليله يهل هلالها

بعض العرب لا جيت والمآقف صعيب=لا عم للدعوه ولاهو خالها

إليا دعيته للوفا ما يستجيب=تعباله الدنيا وهو يعبالها

وبعض العرب فالوقت مقطوع النصيب=لا يقدم الحمله ولا يبرالها

إليا حظرو حاظر ولن غابو يغيب=مثل المره دايم ورى رجالها

يا ربي ان الضن كله ما يخيب=والناس يا الله لا قطعت آمالها

هذا ولو به ما ذريتك يا ركيب=حتى تجي شجره يضل اضلالها

جرح(ن) يطيب وجرح يبطي ما يطيب=وآخير من حل المدن ترحالها

وعيار يدوش خير من واحد يصيب=ان صاب جاب خفافها وثقالها

وان كان ما ذيب الخلا يقنب قنيب=يرتاح عند ام الوشم وعيالها






صالح الازوري

[عبدالرحمن الهيلوم]

بيض الله وجهك

وصح السااااااااااااانك

[عفتان العتيبي]

صح السانكم
تشكر ياذيب

[أخو جوزا]

بعـض العـرب لا جيـت والمآقـف صعيـب
لا عـــــم لـلــدعــوه ولاهــــــو خــالــهــا
إلــيــا دعـيـتــه لـلـوفــا مــــا يسـتـجـيـب
تـعـبــالــه الــدنــيــا وهــــــو يـعـبـالـهــا
وبعض العرب فالوقـت مقطـوع النصيـب
لا يـــقــــدم الــحــمــلــه ولا يــبــرالــهــا
إلـيـا حـظـرو حـاظـر ولــن غـابـو يغـيـب
مــثـــل الــمـــره دايـــــم ورى رجـالــهــا


صح لسانك ياصالح