الــمــلـــيــارديـــر

[داهية عتيبة]

نرجوا أن تحوز على رضاكم




كتبت أنا في دفتر الشيك مليار=صرفتها للنفس عز ومبادي
لاتحسبني عايشن بين تجار=أنا فقير وراس مالي جهادي
جندي معي بلجيك في عقالي شعار=في فوجي العاشر بخدمة بلادي
هذي رصيد عزوم ماهيب دينار=من هاجسن بيح كنين الفؤادي
مغير أوسع خاطري بشبة النار=لاطاب نوم موالفين الرقادي
البيت لا تبنية وأنشد عن الجار=يمكن تحصل راحتك والمرادي
للترف مقدار وللرجل مقدار=ولا يوحي الميت هروج المنادي
ياهية ياألي حايل دون الدار =كنك على قلبي بنيت الشدادي
يزوغ قلبي زوغة الطير لاطار=من كف صقارة بوقت الهدادي
عز الله أني فيك تاية ومحتار=مدري صدودك غصب ولا عنادي
أسقيتني ياهية من كاس الأمرار=وأنته تقول الوضع يازين عادي
تخنقني العبرة سوا سر وجهار=أرجع مدام الحال هالحين هادي
مانيب ساكتلك على كل ماصار=والله لبيح هاجسك يالربادي






وسلامتكم




تحياتي..

[طويل الذراع]

تسلم وماقصرت على هذه القصيده



تقبل تحياتي




والى امام انشاالله






طويل الذراع

[وصل العطياني؟؟؟]

الله الله ....

صح لسانك ...

قصيدة معبرة ....

ورائعة ...

لا هنت ....



تحيااااااتي

[ضايق]

فعلاً داهية

الله يعطيك العافية

وحلوة يالربادي

هههههههههههه

لا هنت

[الــوآفــي]

البيت لا تبنية وأنشد عـن الجـار 00 يمكن تحصل راحتـك والمـرادي

صح لسانك يا داهية عتيبه

قصيده راااائعه

لك الشكر عليها

اخوك ذيبان

[ابن مشيب]

صح السانك ياداهية عتيبة , وبالفعل انت داهية في نظم القصيد..........

قصيدة اكثر من رائعة ومعبرة.......



تحياتي.....

[عتيبي عفيف]

داهية عتيبه

صح لسانك

وبيض الله وجهك

تحياتي لك وللفوج العاشر

[طلال الثعلي]

داهية عتيبه
سلمت ياولد العم...
الله يعطيك العافيه...
رائعه..
رائعه..
رائعه..
صح لسانك مليارات..
تحياتي

[شيباني نت]

كتبت أنا في دفتر الشيـك iiمليـار صرفتهـا للنفـس عـز iiومبـادي
لاتحسبنـي عايشـن بيـن iiتجـار أنا فقيـر وراس مالـي جهـادي

تسلم والله يا داهيتنا

عزالله انك صادق
في كل حرف خطيته
قصيده متكامله


واسف على التاخير
والانقطاعه

اخوك شيباني نت

[ابوسليمان]

صح لسانك يالداهيه

مدري وش اقول


ولكن رائع وبس


ازكى تحيه,,,,,,,و

[ابن مورق]

اخى داهيه عتيبه

صح لسانك عدد زخات المطر وعدد فوحات العطر

فعلا اثبت لنا انك داهيه بحق وحقيقي وفي كل رائعه

نجزم بأنك داهية امتعتنا بها

اخى

لااخفيك شيئا (( قراءتها مراراّ وتكراراّ ))

يالها من ابيات اجدت في توضيفها لكى تظهر كما فعلت في السابق

سلم بنانك وسلم هاجسك وبوحك مشالله عليك وكثر الله من امثالك

شاعر بكل ماتعنيه الكلمه 0

تقبل ارق التحايا واعذبها 0

[داهية عتيبة]

أخواني الأعزاء

طويل الذراع
وصل العطياني
ضايق
ذيبان
ابن مشيب
عتيبي عفيف
طلال الثعلي
شيباني نت
ابو سليمان
ابن مورق



أنا آسف على التأخير



أشكر كل من مر وأسعدني بمرورة الكريم

مشاركاتكم أثلجت صدري

أشكركم على هذة المشاعر الصادقة



تحياتي ..

[((الدلبحي))]

تسلم

يابن العم

بيض الله وجهك وصح السانك

[داهية عتيبة]

صح بدنك أخوي الدلبحي



أسعدني مرورك


تقبل تحياتي ..

[swaj]

صح لسانك يا الداهيه ونعم ... بالجهادي .....

[داهية عتيبة]

صح بدنك أخوي swaj

وماعليك زود



شكرن على مرورك الكريم



تحياتي .