لجميع (الشعار)

[عطاوي]

قولو لنا ويش نسوي في نهار ارمضان
شعارنا كيف نسمع جزلة ابياتها


نصوم كل النهار الشعر ماله مكان
ومن الله الناس تطلب مسح سياتها

[صاهود]

اقرا من المصحف الطاهر وعز الاذان=والسوره اللي تجيها طبّق اياتها

ماينفعك يالعطاوي ليل ياليل دان=لاصرت ماتتبع السنه وغاياتها

[عطاوي]

الله عليم ٍ بفعل العبد سر وعلان
ند الصلوات ياذيبان في اوقاتها

بعض القلوب استلذت مغريات الزمان
والله يكاف البشر من شر نزواتها

[عشقA]

عطاوي & ذيب عروا



شعرااااااااء مبدعين...




صحت الالسن والقلوب....



تحياتي...

[صاهود]

دنياك هاذي دنيه ماعلاها ضمان=ياكثر غراتها ياكثر صكاتها

عليك في طاعة اللة واللة المستعان=ترا السوّر تجلي الغمه تلاواتها

[عطاوي]

الرد ماهو لك ياذيب عروا



الناس قالت وقلنا وانتهينا وكان
وانته على السور ترجع بعد روحاتها


ممشاي وسط العرب شيمه وقيمة كيان
وانته يراع الدسيسه دس عفناتها

[صاهود]

لولا السور يالعطاوي ضعت فالامتحان=هي سكة الفوز والجنه وحظراتها

ماضيّع الناس غير الدنفسه واللسان=ناسن علينا ماغير تسوق زلاتها

[عطاوي]

حنا على حجه وملله تبين بيان
والناس سياتها تمحى بحسناتها

مشكور يبو النصيحه والعلوم السمان
والناس يغفر كريم الجود هفواتها

[صاهود]

واشرايك اسرّج المهره واحط العنان=ودّي بناسن تضيق الاذن بصّواتها

في كل ليله نوكّلهامن الجبخان=واليوم ابا هدّها واهد لذّاتها

[عطاوي]

اخاف من سية ٍ تحسب علينا ثمان
والا بقول الك واصل والعن امواتها

هذه طبيعه تطبعها ضمير الهدان
يحرث عن انصابها ويذوق ويلاتها

[صاهود]

الظلم ماله معانا يالعطاوي مكان=حنا نبا ندفن الفتنه وراياتها

انت امحّطه كل مايطلبك فالخيّزران=وانا انطح اللي معه والعب بحسباتها

[عطاوي]

هههههههههههههههههههههه

صح لسانك يالذيب سعدنا وتشرفنا
باللعب معك تقبل تحياتي وإلى لقاء اخر

[صاهود]

حياك الله وحنا اسعد

لاهنت