من طاح من عينك و من فيه طاح لـ خلف مشعان

[عمر الدغيلبي]

من ديوان خلف مشعان



http://www.5ymah.net/inf/voicesm/3387.ra





للحفظ (http://www.5ymah.net/inf/voicesm/3387.ra)




من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها :(
:
:
:


حتى لو انك كنت .. صاحي .. ولمـــاح
أصحاب ( كيف الحال ) محدٍ .. ضمنها
:
:
:


صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
:
:
:


يالله دخيلك .. كلـها .. شالت .. رماح
حتى الوغـد قام .. يتخمش رسنها
:
:
:




مات الحيا والمرجله .. دمها .. ساح
كلٍ كشف .. عن سوء نيه .. دفنها
:
:
:


دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها
:
:
:


قالولي انطح .. صيحة الصوت .. بصياح
واعزل احرام السالفه .. عن كـفنها
:
:
:


قلت الخساره بالردي .. عندي ارباح
ومثلي .. يعلي هامته .. ماطـمنها
:
:
:


ترسي جبال طويق لا هــبت ارياح
وانا من اول .. ماخذ الراي .. منها
:
:
:


اقولها وانا .. مروّق .. ومـرتاح
شل الله .. لسان العـفون .. وبدنها

[سعد السميري]

الله الله الله ..



صح لساان شاعرها..



ونقل في قمة الروعـه ..


قصيدة في قمة الجمال .. واختيار موفق يا أخ عمر ..



سجل أعجابي ..


الله يوفقك..



< جآري الحفظ ..

[البريماني]

الله الله


بيض الله وجهك يامحمد على هالقصيده الجزله



وصح اللسان ابو مشعان عزالله انه شاعر بحر

[علي خيران العتيبي]

دامه زمن عقرب و حيه و تمساح =خل الاسود اتنام ماهو زمنها
انا اشهد
يا سلام
اختيار رائع
و لا هنت على النقل

[ابن عقاب الشمري]

ياا سلام يا خلف ..

بيض الله وجهك ع النقل ...

[خالد بن مورق]

يستريح خلف مشعان الشاعر اخلاق قبل يكون شاعر وشفت له فيديو في احد المراقص امحق شاعر

[علي خيران العتيبي]

خالد بن مورق

اختلف معك يابن مورق
حنا ما لنا اي دخل باخلاق و سلوكيات الشعراء
حنا الي علينا شعرهم فقط و كل واحد و ربه عاد .

[حفيد العواجي]

صح السانك يخلف

[عبدالمجيد النفيعي]

من طاح من عينك ومن فيه ماطاح=ذي طيبتك واليوم تدفع ثمنها

ياسلام تركيب جزل وتعبير جميل


لكن فيه ملاحظة بسيطه بخصوص هذا الشطر أصحاب (كيف الحال) ماحدٍ ضمنها

أعتقد إن ليس هذا هو التعبير عنهم


وأيضاً أحب أن أقتطف بيت عجبني


قلت الخسارة بالردي عندي ارباح=ومثلي يعلي هامته ماطمنها

صح الله لسان الشاعر وسلمت يدينك على إيراد هذه القصيدة