لغز مدورين الرزق

[زين]

انشدك عن اثنين للرزق يدورون
واحد بسط يديه والثاني عطفها
يدورون لهم بنت في وسط مكنون
واحد يسايسها والثاني خطفها

[المسلسل]

اخوي زين
السلام عليكم
الحل والله اعلم مهوب صيد الؤلؤ


وتقبل تحياتي

[زين]

اخوي المسلسل (( اشكرك على المرور ))
لكن للأسف ما لك لوا
تحياتي وفي انتظار رمعة صائبه

[المسلسل]

اخوي زين
السلام عليكم
الحل والله اعلم مهوب ادوات التماس
لاستخراج التميس من الفرن


وتقبل تحياتي

[زين]

يا مسلسل (( ما شاء الله لاقوة الا بالله ))
هذا وانت مسلسل كسرت قيود الخبويه ورمعتها رمعه جابت خبرها ...
بيض الله وجهك يالغالي ،،، انا اشهد انك جبتها وللايضاح للإخوة القراء
الاثنين اللي واحد بسط يده وواحد عكفها (( هي اسياخ راعي التميس حيث ان واحد مسطح والثاني معكوف )
اما البنت اللي داخل مكنون ( فهذه التميزه داخل الفرن ))
واحد يسايسها والثاني خطفها (( هذي السيخ المبسوط يسايس التميزه ليفصلها من الفرن اما الثاني المعكوف فهو يخطفها من الفرن ))
وسلامتكم وتحياتي لك يالمسلسل مع التوصيه الشديده بتغيير اسمك