يشوقني في الخلا ممشى على جيبي

[الطرقي]

ياموتري طالبك مطلوب تمشيبي=
لين القصور اتبعد عن معالمها

اضرب فجوج الصحاري كنك الذبيبي =
اللي ليا شاف له قوم يهاجمها

يشوقني في الخلا ممشى على جيبي=
وابعد حدود البلد واترك مزاحمها

ممشى على موتري في البر يوميبي =
يسوى حياة لابو نفس يزايمها

ياماحلا من ورى الصمان مقفيبي =
يهوس مع سهلة كل تعلمها

ولا بد ماينحني خطي وينحيبي =
يتبع دروب المساهل لين يلزمها

ولا بد مايعترض مثل الاصاليبي=
خطوط ماشوفها لين اتهجمها

جرة فروت قنوها اهل التهاريبي=
ناس توفت عسى المعبود يرحمها

عاشوا حياة الشقا لاجل المواجيبي =
ناس تحافظ على عيشة محارمها


ولا شفت وسط المفالي شمخ النيبي=
اقصر على موتري لين اتوسمها

ولابد ما القى بداوين تهليبي=
اهزع لها واتنشد واتعلمها

ويارجل سجي وعدي في المراقيبي =
تفسحي واضربي نجد وخرايمها

ولا عاد عقب الكبر ومرافق الشيبي=
الا علوم تنومس يوم اقدمها



مرير الحبيل

[ابوسليمان]

مشكور يالطرقي وما قصرت

قصيده رائعه من شاعر غني عن التعريف

لك ازكى تحيه

[داهية عتيبة]

مشكور أخوي الطرقي


أختيار رائع وصح لسان الشاعر الكبير مرير الحبيل



تحياتي..

[العبســــي]

ولا شفت وسط المفالي شمخ النيبـي
...................اقصر على موتـري ليـن اتوسمهـا

صح اللسان شاعرها
وتسلم يد ناقلها.

يعطيك العافية اخوي الطرقي وماقصرت

تحياتي
العبســي

[عتيبي عفيف]

الطرقي

سلمت على النقل

وصح لسان القايل مرير

تحياتي لك

[وصل العطياني؟؟؟]

أختيار رائع وصح لسان الشاعر الكبير مرير الحبيل ...


لاهنت وبيض الله وجهك...



تحيااااااتي