ايميلات مالها داعي

[ولد المزاحمة]

سلالالالالالالالام





فيه ايميلات اتمنى ما أحد يرسلها لأحد





أولاً



هذاك الايميل حق الحبيب السري

قسم بالله طلع مع خشمي

طيب حبيبي السري مايبيني اعرفه

والا كان اعترفت من زمان خخخخخخ





<<< براااااااا




--------------------------------------------------------------------------------





الايميل الثاني



تحذير من الويندوز

أرسل هذه الرساله لكل المضافين والا بنقطع حسابك

بلييييز في هالنقطه ابي العقل يشتغل شووي

لا وبعد مصدر موثوق BBC

ههههههه قسم بالله اني قعدت اضحك

انا مسويه ايميلي هذا لي سنين!!!

يعني لو فيه شي صدق بتحصلون الوينوز لايف نفسهم مرسلين لكم

لكن حسب ماسمعت

انه فيه ناس لها مصلحه انها تزحم السيرفرات

وش تستفيد الله أعلم ؟؟

يعني انا ارسلتها لـ40 .. غيري ارسلها لـ60

بعدين لــ 100 و200 و500



مررره زحمه على غير فايده



بليز لا اشوف أحد مرسل هالايميل .. ترى بلوك كبرةوجهة...





ومن الايميلات اللي مسويه زحمة ع الفاضي



هذاك الايميل اللي يقول فيه

واحد تحداني القى 300 مسلم قبل يلقى هو 300 كافر

<< بزراااااان

يعني يقدر يصف 300 اسم بعشر دقايق

يعني لو التحدي عنده سالفه كان صار في موقع معروف

يحط رابط ويبشر بـ 3000 مسلم مو 300

وكلن يدخل يسجل اسمه

لكن ايميل .. معليش حكي فاضي

والعالم بكل فخر ترز اسمائها .. يعني ترى مافيه مسلمين إلا انتو !!






--------------------------------------------------------------------------------





الايميل الثالث



برب كلمه تغضب الله



معلييييييييش



يعني عارفين انه برب = بي رايت باك .. واختصارها

BRB



وش دخلها بـ (قل أعوذ برب الفلق)

والا خلاص بس نشوف آيه .. خلاص نقول هــــاه والله شكله صدق

وخذلك انواع الدلآخة والوسوسة



طيب لو قلتلكم انه



OK



هي اختصار لإسم قسيس نصراني

Ordeal Keenly

كان يختم على صكوك الغفران التي تمنحها الكنيسه بأول حرفين من اسمه



O.K



اي تمت مسامحة المذنب وتطهيرة من كل ذنوبه

وللأسف انتشرت عندنا بمعنى الموافقه

حتى ان النصارى راهنوا انهم ينشرونه عندنا وتحدوا انهم يخلونا ننطق اسمه

تقريبأ في شكل يومي

حتى اصبحنا نقولها في 80% من كلامنا



هع هع هع






--------------------------------------------------------------------------------



الايميل الرابع



ايميلات .. أنشر تؤجر .. لا تدعها تقف بجهازك





كلنا نبي الأجر .. والدال ع الخير كفاعله

لكن اذا ماكنتوا انتم اللي مسوين الايميل

ومو متأكدين من المصادر .. لا تنشرونها

للأسف كثير من الأحاديث تكون ضعيفه

هذا غيرالاقوال والأدعيه اللي تطلع بدعه مالها اي اساس من الصحه

والهمبقة اللي مدري كيف مآلفينها

وحنا ننشرها عن حسن نيه

والله العالم بنية اللي يسويها









الايميل الخامس





ايميل ... حامل مفاتيح الحرم النبوي





يا ناس يا عالم نبي لو مرة بالعمر المخ شوي يشتغل يعني الحين هذا الاخ او على قولتكم الشيخ أحمد اللي حلم بالرسول صلى الله عليه وسلم انه زعلان و انه كثر القتل و ماادري ايش <<< ناسي الرسالة



المهم و اذا ما ارسلته لعدد و قدره سوف تحل عليك مصيبة ......النظااااام

وواذا ارسلتها لعدد من الاشخاص سوف ياتيك مديرك في العمل من اجل طلب يدك لابنته او تلاقي سيارتك تغسلت و ملمع الكفر

<< شرط مهم للنظافة



يعني اتمنى كل واحد قبل ما يرسل رسالة يزيت مخه و بعدين يفكر في ارسالها











اخيرا



اذا جيتوا ترسلون الايميل امسحو الزحمة الي فوق

الواحد يقعد ساعة عشان يوصل للمضمون

صفحة كاملة

from-to

from-to



وبعدين



واذا كنت بترسل الايميل لاكثر من واحد

حطهم بالحقل المخفي (show bcc & bcc)بليز

في ناس صارو يضيفون اي احد يلاقون عنوانة في الرسالة

او يراسلونهم واغلبهم شباب ينشبووو << يالييييل

واذا سالناهم من وين جبتوا ايميلاتنا

قالو شفناه مكتوب في احد الايميلات

وعن الهرطقات أنت واياه لا أهرطقكم الحين







وســــلامـــتـكــم





وعذراً على الاطالة تقبلوا تحياتى

[خلف الروقي]

مشكوووووووووور والله يعطيك العاااااااافية