مداعبه (لأربعة اعضاء )بإسم سعد

[عطاوي]

, ‏سعد السميري, ‏سعد الوافي, ‏سعد حميد الثبيتي, , ‏سـعـد الـعـصـيـمـي,


-------------------------------------------------------

والنعم بكم كلكم




يامرحبا باللي تسموو كلهم باسم السعد
صدفه وجابتهم سوى يوم احتضنهم ودها


سعد العصيمي والسميري والثبيتي له مدد
من بعده الوافي وميزنا الاسود وعدها

[سعد حميد الثبيتي]

ابيض وجه ياعطاوي انا اشهد انك مبدع والنعم في خويانا كلهم

[عطاوي]

ابيض وجه ياعطاوي انا اشهد انك مبدع والنعم في خويانا كلهم

وجهك ابيض ياسعد
وشهادتك نعتز فيها
والنعم بالجميع

[سعد حميد الثبيتي]

دام البقا ياللي ترحب بالرجال اهل البلد =انته ومن عديت من قوم عريب جدها


الاربعه وافين والطيب ذكرهم ماجحد= وانا نيابه باليمين امدها وتشدها

[عطاوي]

ياجعل فيك الخير ياللي عن سميينه ورد
ينوب عنهم في المواقف واللزوم ايسدها


افهود شرسين اربعه والفهد يشبه للفهد
عساك ياسعد الثبيتي في الشدايد قدها

[ناصر حامد الثبيتي]

اشهد انكم شعراء ، صحت الالسنه وعلا شانكم جزليين وماجبتو الا الجزل متابعين لهالطاروق المتميز واصلوا وليلكم سعد .

[الاسعدي1354]

مبدع يالعطاوي

يستاهلون الرباعي السعد وكل الأعضاء


تقبل مروري

[سعد حميد الثبيتي]

وقت اللزوم اللازمه تبشر لك بوقفة ولد= يعز بنيك يالعتيبي ما لك الله هدها


دم العتيبي فالحميه نار ما والله برد= لكن ياراع السيوف الشقر بالله حدها

[الحوووووت]

صحت الالسن والقلوووووووووووب

[عطاوي]

منكم وفيكم مثلكم لعيون كايدكم رمد
قومن تقرب من مضاربنا تربنا خدها


خيل مخيله في الشمال اخيالها برق ورعد
حزم حزامك للعلوم و هاتها ثم ودها

[سعد حميد الثبيتي]

يالله تاقا صاحبي من شر عين اهل الحسد= حيثه عريب منسبه من قوم يقدح زندها
انا لها وانا لها ياصاحبي وقت الطرد=عدوانك عدايه لكن ابشر برجل يضدها

[عطاوي]

الحر ماصدق على الله لو يجي وقت الهدد
وانا من ارجال ٍحمياهاوراثه عندها


عيني تشوف من البشر شعار بالمعنى ترد
لوكان ماهي عادة الاجداد جاك ابردها

[سعد الوافي]

سبقتنا على الطيب يالثبيتي لكنك قدها

صحت الالسن والقلوب

[سعد حميد الثبيتي]

حنا مكملين لبعضنا يااخ سعد من دون قصور في باقي خويانا تقبل تحيتي بكل ود واخترام

[ذيب عتيبه الهيلا]

والله شعار وعساكم بالسعد

[سعد حميد الثبيتي]

الحر حر ولا يجيله ياطويل العمر ند= وانته من رجال الوفا اللي ماتبيح بسدها

عيني تشوف اللي قرب ياصاحبي واللي بعد=وانا خبير(ن) فالبحور بجزرها وبمدها

[عطاوي]

يالله عسى الهيلا تدوم بعزها حتى الأبد
وانته وانا نفخر بعزتها وطولة يدها


انا ضربت الك المثل يوم الجمل جاله زبد
مهيب لك في شانها وابغاك تاقف ندها

[سعد حميد الثبيتي]

امين يارب الملا تقبل دعا من هو سجد= تحفظ عتيبه للابدوتعز ياالله مجدها

انته ضربت اروع مثل واقول لك يالذيب زد=وختامها عنبر ومسك ونفحة من وردها

[عطاوي]

صح لسانك ياسعد الثبيتي
سعدنا واستمتعنا بمحاورتك في هذا الطاروق
صح لسانك مليار ونلتقي في مناسبات قادمه ان شاء الله

[سعد حميد الثبيتي]

على خير ان شاء الله والجايات اكثر تقبل تخياتي بكل ود