السلام عليكم الطارف الله يحييه

[سهم الليل]

مرحبا يا مرحبا والنار في وسط الذخيره=جات في يمنىٍ تعشق الخيل وضهور الصايل
جونا جو الركاده والبلد خيرٍ وخيره=وصيفنا صيف الجنوب ونجد لين جبال حايل

[عيد العازمي]

جات في يمنىٍ تعشق الخيل وضهور الاصايل


مبدع ياسهم


سلم راسك

وبانتظار من يجاريك

[عطاوي]

البقا ثم البقا ياللي فتح قصه وسيره
والنعم ياممتطي ضهر الأصيله ويش طايل

جعل جوك دوم راكد في خضر عشبه غديره
كل ما يبرق خيال اعيونك البرقه تخايل

[سهم الليل]

يا شليويح ابن ماعز لو ترا سلك الضفيره= كان تعذر فالجهام وتنسدح حيد الضلايل
يالعطاوي سيفي المسلول مايبغى جفيره=احتزم وعرف طريقك لا تضيع مع القوايل

[سهم الليل]

العازمي
صح بدنك
والابداع وجودك جعلك نسلم
لاهنت وشكراً

[عطاوي]

ياهشيم ٍ من هشامه يحرقه صلو السعيره
حملوه وسرحوه وضاوي ٍ بالحمل شايل


وشتبا بالسيف ياللي من ورا ضهرك شطيره
وش ندل وش نضيع وانت في ممشاك عايل

[صاهود]

صحت الالسنه والقلوب

[الحوووووت]

صحت الالسن والقلوووووووووووووووب

[سهم الليل]

انت حامي للمواقف مير عميان البصيره=بعض امورك يالعطاوي ما تجيكم بالصمايل
وقفتك وقفة كفو لو منته براعي كبيره=ادع وبدعي لربي ليتني بسوق حايل

[سهم الليل]

ذيب عروا والحوت
صحة ابدانكم
اشكركم على المرور

[عطاوي]

وانت حفار ٍ نثيله راجع ٍ في وسط بيره
من عمارك في دمارك لين بانت لك دلايل


وقفتي وقفت رجال ٍ في مواقفها خبيره
لو تجي بالسوق حايل ملت يوم الكيل مايل

[سهم الليل]

لا تنام الا موثق كل شك وكل حيره=طيبها يا صاحبي من بيننا زين المثايل
شبة انيران لكن اطفة انيران نيره=نحسب حساب الهروج ونحسب حساب القبايل

[عطاوي]

الحكيم اليا حكمها للأسد يشبه زويره
وانت تبني فوق ساس ٍ كل مانشته تهايل


لوتشب النار مثلك ينحر وينحر بعيره
لو تعذر عن كلامك مادرت روس الحمايل