مرثية الشاعر : صالح عبيدان النخيش في الشيخ : محمد بن زايد النخيش

[طارق النفيعي]

مرثيه الشاعر : صالح عبيدان النخيش

في الشيخ : محمد بن زايد النخيش

رحمه الله رحمة واسعه واسكنه فسيح جناته




الشيخ ابن زايد محمد توفى = أغلى فقيدة للوطن والقبيله

يالف حالي يوم شفته يلفى = والناس من حولي تسابق تشيله

عجزت أشيل الرجل والدمع هفى = وأزداد من وسط المدامع مسيله

على رفيع الشأن دمعي تكفى = اللي بنا داره وزبن دخيله

حق اليتاما والمساكين كفى = واللي كفى الأيتام ربي كفيله

كم شيخ قوم ٍ فوق ناره تدفى = يضحك ولو هموم قلبه ثقيله

تشهد له دلال ٍعلى النار صفى = مبداه مابه للعلا مستحيله

وأن كان ابن زايد محمد توفى = في عياله الآمال تحيي رحيله



الشاعر : صالح عبيدان النخيش

[فهد سعد]

رحمة الله عليه وصح لسان الشاعر صالح عبيدان

[عبدالله الجـــذع]

الله يرحم الشيخ محمد ويسكنه الجنه

لاهنت يابو هلال على النقل

محبك

.,

[@ـايل]

رحمه الله رحمة واسعه واسكنه فسيح جناته

وصح لسان الشاعر / صالح النخيش ..

والله يعافيك ياطارق على النقل الموفق..

.....