ياعقاب(طاروق)صباحي

[عطاوي]

مرحبا يالعقاب اللي غدابه نصور
لين عقبانه امست تحمل اكفانها


مير ماودي احرث ميتين القبور
ثم تموت العنوز وتكثر احزانها

[عقاب العنزي]

نوني انتبه لبدعتك يالعطاوي


استلم



البقا ردة ٍ ترفعك عشرة شهور = لين تصبح نجم مابين عتبانها

بيتنا يالعطاوي من سنين معمور = يوم بعض البيوت اطّيح عمدانها

[عطاوي]

وانت ياجعل حظك يرفعك من ثبور
والا انا ياعميلي قاضب اعنانها

بيتكم من عماره حط فيكم قصور
والبيوت اعتلاكم ساس بنيانها

[عقاب العنزي]

حظنا واحمد الله معتلي من عصور = كان تبغى الحقيقه عانها عانها

بعد هذي معانا لاتلف وتدور = كل قوم ٍ بذور العز فااوطانها

[عطاوي]

بينه لو حسبت الناس عمي ٍوعور
من عصور الصحابه بان برهانها

لوتعمرعماره فوق عشرين دور
ماتكب الاوادم طرق بيبانها

[طلال ناشي]

عطاوي /// عقاب


صبحكم الله بالخير وصحت ألسنتكم

ليت الشعار مثلكم يقدرون


يغنون الصباح - كان ياسلام


تحيااااااتي

[زبن الجعفري العنزي]

البقا ردة ٍ ترفعك عشرة شهور
لين تصبح نجم مابين عتبانهـا
بيتنا يالعطاوي من سنين معمور
يوم بعض البيوت اطّيح عمدانها


صح لسانك ياعقاب




وصح لسان عطاوي




متابع

[عطاوي]

عطاوي /// عقاب


صبحكم الله بالخير وصحت ألسنتكم

ليت الشعار مثلكم يقدرون


يغنون الصباح - كان ياسلام


تحيااااااتي


طلا ناشي :صبحك الله بالخير
والرضى والسلامه سعدنا بتواجدك

[رفيع المنزل]

بعد هذي معانـا لاتلـف وتـدور
كل قوم ٍ بـذور العـز فااوطانهـا


صح لسانك ياعقاب والصف صفك ايها المبدع


ولايهون قبيلك العطاوي

[عطاوي]

البقا ردة ٍ ترفعك عشرة شهور
لين تصبح نجم مابين عتبانهـا
بيتنا يالعطاوي من سنين معمور
يوم بعض البيوت اطّيح عمدانها


صح لسانك ياعقاب




وصح لسان عطاوي




متابع

حياك يابن وايل سعدنا بمرورك
يالغالي

[عقاب العنزي]

ماعلينا قصور ولاعليكم قصور = البلا الحيه اللي تطلع لسانها !

ماحسبت العطاوي في كلامه يبور = لين بعض السوالف بان عنوانها

[عقاب العنزي]

طلال ناشي


شرفتنا يالذيب وصح بدنك


تقديري

[عقاب العنزي]

راع الجدعا . رفيع المنزل


صحة ابدانكم شرفتونا والصف يزهابكم يالبنيخي


تقديري


..

[عطاوي]

خلنا في نقانا وانتبه للجزور
جيبهاودهاوافطن لحيرانها


مايقول العطاوي غيرقولٍ قرور
وانت نظرة عيونك من عمى الوانها

[عقاب العنزي]

الجبل في محله والكواكب تدور = لاجلبنا البضايع نجلب اسمانها

مايقول العطاوي غير بهت ٍ وزور = هرجته دايم ٍ تهتز سيسانها

[عطاوي]

رجعنا لك من جديد يعقاب بعد ان خرجنا
صباح اليوم قبل ردك للأبيات الأخيره

واستلم الرد

الكواكب سما والا الجبل في حدور
والجبال النجوم اتهدم اركانها


والعطاوي كلامه ثابت ٍ في السطور
كلمة ٍ راجحه في كف ميزانها

[عطاوي]

بعد هذي معانـا لاتلـف وتـدور
كل قوم ٍ بـذور العـز فااوطانهـا


صح لسانك ياعقاب والصف صفك ايها المبدع


ولايهون قبيلك العطاوي

هذه المشاركة تحتوي على محتوى مخفي

[عقاب العنزي]

صح لسانك يالعطاوي تشرفت باللعب معك


تقديري

[عطاوي]

صح لسانك يالعطاوي تشرفت باللعب معك


تقديري

عقاب وجهك ابيض يالغالي

سعيد بلقائك في هذا الطاروق

والبيت الختامي عندك لابد من نهاية
وختام المحاورة بإبياتك انت


والعذر واسموحه على عدم دخولي
للمنتدى اليوم وحتى هذه الساعة المتأخره
بسبب ارتباطي الشاغل طوال اليوم

تحياتي لك ياراعي العليا