((معركة)) من أجل الأبل ترخص الأرواح!!!

[داهية عتيبة]

بسم الله الرحمن الرحيم



تفاصيل هذة المعركة



أتى قوم من مطير بقيادة المندهه وقوم من حرب قاصدين أبل من أبل عتيبة وهي للنفعة وأهل هذة الأبل لم يكونوا حاضرين لأنهم كانوا على ((الحفاير)) ولم يكن موجود سوى فتاه..

فأخذ الغزوا الأبل واتت الفتاه ألى جمع من عتيبة وعددهم سبعة أشخاص وهم من المراشدة وقالت لهم ((الفزعة البل وخذت)) وهي تنخاهم

فركبوا السبعة بقيادة ابن تنيبيك ولحقوا بالقوم وأستردوا أبل عتيبة وقال أحد المراشدة يصف المعركة بالتفصيل :



هاضنى قبل امس يوم اذن نصيب=قال جاكم صايح ستر راسه في عصـاه
ثم توضينا من الماء على جـال القليـب=وقـوم المـذن وعجلنـا الصـلاه
يوم لدينا ليا بنت ماقد جابت بصيب= كن حب نهودها فلنحر جمرة غضـاه
قلنا وش العلم يابنت والتبريج عيب=قالت ان المال ياألاد روق أقفى عـلاه
يوم جانا صايح البل وحنا نصتصيب=ميدنـا قـل الجماعـه واللـى وراه
والله انك تزهم الرجل بأسمه مايجيب= مغلق درب النسم زربه مثل الحصـاه
ثم دنانا المعارك لعجلات الهذيب=كل وحده قد طلع قرحهـا وهيـه فتـاه
زادهن الدر والبر وعمور الهذيب=لين راحت وحدتهـن تشـاذي للمهـاه
ثم جا مركاضنا سيرته وامره عجيب=يوم ياطن الدعث كنهن مـع صفـاه
جعل ذرعان لحقنا عليهن ماتعيب=الحذا فيهـن ولاوحـده تشكـى الحفـاه
سبعتن والكل منا على مثل القضيب=طاير من كف راعيه يطردلـه قطـاه
سبعتن كم فرقوا حبيب عن حبيب=سعد منهو لاذ فيهـم يبـا درب النجـاه
ثم لحقناهم ليا شيخهم رايه صعيب=ثم خلينا الرمـك بالحـذا تاطـا عـلاه
يوم قسمهم صليبين جيناهم صليب=جا يبى يخيب رجانـا وخيبنـا رجـاه
كم صبي طاح رايحتن عضامه حطيب=ماتثور المارتين ليـن تلحـس قفـاه
ثم جا نطل الجنايز مثل نطل الخشيب=مثل نطلان الخشـب فرضـن فـلاه
ياهبيل القلب حنا كفايه من يغيب=دون وبران العشاير نرد حـوض المنـاه
حشمت اللى يوم جا الوقت تعطينا حليب=يوم لان الزاد وطعومنا تحت الرغاه
هجمتن وخذت لبرقا من المضما عزيب=مايجيها طامع غير نرثع في شواه
هجمتن من وقت عالي وشباب وشبيب=هم جنبنا ماتلاها الردى ساحب عصاه






تحياتي...

[عاشق التوثيق]

الاخ " داهية عتــيبة " تجيــد في مواضيع وتذكر النصــوص التاريخيه وتأتي
في مواضــيع اخرى لتنقض مابنأت وتأتي بكلام دون دليل , وانت عزيز علينا
ولا نسمح ان تظهر بصورة القبلي المتعصب الذي يعتمد على القصائد ويغفل
العقل والعلم والمصادر التاريخيه , ونقول لكل جواد كبوة , وانت حبيبنا و
عزيز علينا , وارجوا منك رجاء شخصي ان تلتزم بان تظهر لنا في صورة الرجل
المثقف المتعلم التي عودتنا عليها الملتزم باصول البحث العلمي بذكر المصادر
والوثائق وجزاك الله عنا خير الجزاء .

اخـــوك المحـــب والمعجــب بمواضيــعك
عـــــــــــاشق التــــــــــوثيق

[داهية عتيبة]

أخوي عاشق التوثيق



بعد التحية والسلام



ليس كل ما حصل موثق وموجود في مصادر محايدة

بل نقلت على ما قالة الرواة

ولو كل ما حصل في الماضي محفوظ لجفت الأقلام وأنتهت الصفحات

لاكن الموجود المعارك الكبيرة والتي لها تحولات في حيات القبيلة
والأحداث الصغيرة لا يوجد لها سوى الرواة والباحثين




تحياتي....

[عاشق التوثيق]

نعـم اخي العزيز " داهية عتيبة " انا معك 100% لكن الموثق بالمصادر تكون
النتيجه محسومه , لكن الذي بعتمد على الرواة والقصائد تحدث فيها اخطاء
وتناقضات وحوارات عقيمة لا فائدة منها مثلك عارف , فلماذا نوجع راسنا
بكلام المشككين , بل نأتي بالمعارك الموثقه حتى لا يكون لهم نطق بعدها
وقد يكون لعتيبة غزوة على قبيلة اخرى لكن الغزوة غير معروفة لدى بقية
القبائل لكنها حقيقة وحدثت فعلا وانتصرت بها عتيبة فلن تلوم الناس ان لم
يصدقوك او يشككوا في ماقلت وجزاك الله خير


اخــــوك المحـب والمعجــب بمواضــيعك
عـــــــــــاشق التـــــــــوثيق

[عيد بن مزنك]

هذه المعركه موثقة فهي في كتاب من آدابنا الشعبيه لمنديل الفهيد

وقتل في هذه المعركه امير من حرب يقال له ( ابن موقد ) وشارك فيها الفارس المشهور ( سيف الحكرة المرشدي)

[شبل مطير]

ما فيه من الأبيات تدل على المعركـــــــــة............
00000000000000000000000000000
والتاريخ لن يتغير بأقوايل المنتديات.................
00000000000000000000000000000
ولابد من كل معركه لها تاريخ متبنى من اقويل.....
00000000000000000000000000000
وشكراً...

[الهارف]

مشكور اخوي الداهيه 00 وهذه القصه معروفه عند الرواة ولا يختلف عليها احد 000
اما الاخوان المطران فيا ليت يشوفون القصص المختلقه والغير موثقه لامن كتب ولا من رواه في منتداهم قبل لا يتهمون الاخرين 0
00000000000000000000000000000000000000
وهذه القصه يعرفهاالكثير من الرواة الثقات وذ كرها صاحب الاداب الشعبيه واوردها صاحب كتاب شعراء من عتيبه مفصله0
000000000000000000000000000000000000000
من اشهر قصص البطوله والشجاعه للامير ضيف الله ابن مدوخ ابن تـنـيـبـيك شيـخ المراشده من عتيبه الشهير،حيث كان في زيارة خاله الامير عقاب بن شبنان بن حميد وفي اثناء عودته، مر به الطريق على ديار النفعه وورد (ماء هكران)في عالية نجد هو ومن معه من فرسانه وكانوا في وقت الظهيره، فصلوا صلاة الظهر وبينما هم يؤدون الصلاه جاهم الصايح ينخاهم ويخبرهم بأن ا لابل أخذوها القوم،.وهي (ابل الشيخ ابن حجنه)ولم يكن مع ابن تـنـيـبـيك سوى سته من فرسانه، حيث اغار عليها بني عزيز من مطير بقيادة شيخهم المندهه ومعه ابن موقد من حرب بعد ان استغلوا غياب ابن حجنه وقومه اللذين كانوا غازين فصادفهم الشيخ ابن تـنـيـبيـك وتمكن من رد الابل وقتل المندهه بعد وقعة شديده بينهم وفيها يقول الشاعر المعروف (سيف الحكره المرشدي):
هاضنى قبل امس يوم اذن نصيب 000 قال جاكم صايح ستر راسه في عصـاه

ثم توضينا من الماعلى جـال القليـب 000 وقـوم المـذن وعجلنـا الصـلاه

يوم لدينا ليا بنت ماقد جابت بصيب000 كن حب نهودها فلنحر جمره غضـاه

قلنا وش العلم يابنت والتبريج عيب 000قالت ان المال ياألاد روق اقفي عـلاه

يوم جانا صايح البل وحنا نصتصيب 000ميدنـا قـل الجماعـه واللـى وراه

والله انك تزهم الرجل بأسمه مايجيب000 مغلق درب النسم زربه مثل الحصـاه

ثم دنانا المعارك لعجلات الهذيب 000 كل وحده قد طلع قرحهـا وهيـه فتـاه

زادهن الدر والبر وعمور الهذيب 000 لين راحت وحدتهـن تشـاذي للمهـاه

ثم جا مركاضنا سيرته وامره عجيب 000 يوم ياطن الدعث كنهن مـع صفـاه

جعل ذرعان لحقنا عليهن ماتعيب 000 الحذا فيهـن ولاوحـده تشكـى الحفـاه

سبعتن والكل منا على مثل القضيب000 طاير من كف راعيه يطردلـه قطـاه

سبعتن كم فرقوا حبيب عن حبيب000 سعد منهو لاذ فيهـم يبـا درب النجـاه

ثم لحقناهم ليا شيخهم رايه صعيب000 ثم خلينا الرمـك بالحـذا تاطـا عـلاه

يوم قسمهم صليبين جيناهم صليب000 جا يبى يخيب رجانـا وخيبنـا رجـاه

كم صبي طاح رايحتن عضاه حطيب000 ماتثور المارتين ليـن تلحـس قفـاه

ثم جا نطل الجنايز مثل نطل الخشيب000 مثل نطلان الخشـب فرضـن فـلاه

ياهبيل القلب حنا كفايه من يعيب000 دون وبران العشاير نرد حـوض المنـاه

حشمت اللى يوم جا الوقت تعطينا حليب000يوم لان الزاد وطعومنا تحت الرغاه

هجمتن من وقت عالي وشباب وشبيب00 هم جنبنا ماتلاها الردى ساحب عصاه
00000000000000000000000000000000000000000

[شبل مطير]

الهـــــــــارف

المعارك المبتدعة لا تـفيد لامطيـــــــــــرولاعتيبــــة......
0000000000000000000000000000000
ويجب الأمانه في ماتقول قبل ان تكتبته........

[الصل]

الاخ الكريم داهية عتيبه

تسلم اخوي وكثر الله من امثالك على كتابة هذا الموضوع الموثق بالمصادر

التاريخية

[الصل]

الاخ الكريم شبل مطير

يا هلا والله ومرحبا بك اخي الكريم


ونتشرف بمشاركتك معنا هنا يالغالي


ولدي سوال لك طال عمرك ارجو ان تفيدني عنه


الفارس صمدان الدويش

اريد معرفة اسمه الحقيقي ياليت تفيدني عنه لو تكرمت

لان صمدان لقب له وليس اسمه


وتقبل تحياتي


اخوك الصل

[شبل مطير]

الصل
حقيقة لا اعرف عنه شي.......
وشكراً

[ولد روق]

السلام عليكم :
الأخ القدير : داهية عتيبة ..
تسلم على ذكر هذه القصة والقصيدة ......
وقد عودنا قلمك بذكر الحقائق والأحداث التاريخية المشرفة لقبيلة عتيبة ..

الأخ القدير: عاشق التوثيق ،،
لو رفضنا الاحداث غير الموثقة ..
لبقينا كما نحنُ نراوح في أماكنّا ، ولفاتنا الشئ الكثير من تراث الاجداد وأمجادهم .
لذلك يتعين علينا أن نبحث وننقل عن رواتنا ما قد أغفله الباحثون السابقون .
او مالم يتهيئ لهم ، خاصة وان قصة هذه المعركة يعضدها قصيدة تعتبر شاهد على هذه الحادثة ..

[ابـــن الأجـواد]

داهية عتيبه انا اشهد انك داهية واشكرك ثم اشكرك على القصه ونطلب منك اكثر من هالنوووع
اما انت اخوي
عاشق التوثيق :mad: مع احترامي لك ولراايك فلو اننا لم نتبع الاحداث غير الموثوووقه فلن نعلم شي عن جميع القصص والوقائع كما قال ولد روووق
فهـــــــــــد الاسعـــــــــــدي :cool:
ابن الاجواد
ودمـــــــــــــــــــــــــــــــــــــــــــــــ ـــتم .....

[فيصل المسعودي]

مشكور ياداهية عتيبه لذكرك لقصه تعد مفخره لابناء عتيبه على يد رجال من رجالات عتيبه الشجعان فرحمهم الله جميعا واسكنهم فسيح جناته ويبدولي دليل صحة قصتك توثيقك لها بقصيده فالشعر هو الذي يحفظ القصص ويوثقها عموما تحياتي لك ولابناء عتيبه الحريصين على ذكر القصص التي تعد مفخره لعتيبه ولرجالاتها ولابنائها احترامي وتقديري وسلامي لك.

[راس الشلفا]

ومعركه اخرى
وحرب ومطير هاجموا عتيبه

ياعتيبه كل المعارك بين عتيبه
وحرب ومطير؟؟!!

ماصارت ذي
وسبعه من عتيبه فقط؟؟

وش القوة ذي !!

اخوي داهيه عتيبه
لو ابي اتطرق لمواضيع مثل مواضيعك
كان بتقول اللي فيك مايخطيك وانت وانت وانت

والله شئ غريب في منتدياتكم
ماقد قريت معركه لحرب وعتيبه لحالهم
حرب + مطير
وعتيبه
وش السبب؟؟

الظاهر المطيري حربي
والا الحربي مطيري
والله مدري ........!!

ومافيه ولاهزيمه
الرسول صلى الله عليه وسلم انهزم !!

وعتيبه ماتنهزم!!!








راس الشلفا

[المهنّــــد]

انا ابي اعرف انت وش بس اللي تاك خلقك يالحربي؟
!!!
هذي عتيبه الهيلا - راجع التاريخ من شان
ماتستغرب فعايلها... وفي كل القبايل حقها.
حرب والله انهم غالين وعزيزين في قلوبنا
ولانريد ان تلحقهم بشي غير قولة ونعم
وانت مداخلاتك كلها تشكيكيه من غير فايده
لذا اتمنى ان تتقيد بأدب المدالخلات
فأن كان لديك براهين وادلّه تناقض هذا الكلام
فيامرحباك تفضل وهات ماعندك والشمس مايغطيها غربال.
وان كان ماعندك الا مثل ماذكرت
فالصمت من شخصك افضل.
والســـــــــــــــــــــــــلام.

[العكام]

ياهلا ياراس الشلفا

ليش مستغرب

الم تتحالفوا مع مطير في مناخ الشعراء ضد عتيبة وتركتكم مطير وهربت ليلاً دون علمكم
الم تتحالفوا مع مطير في الرشاوية
الم تتحالفوا مع مطير في مناخ الحرملية
وووووووووووووووووووووووووووووووووووووغيرها

لماذا انت متعجب من تحالفكم مع مطير ضد عتيبة؟

[راس الشلفا]

انا ابي اعرف انت وش بس اللي تاك خلقك يالحربي؟
!!!
هذي عتيبه الهيلا - راجع التاريخ من شان
ماتستغرب فعايلها... وفي كل القبايل حقها.
حرب والله انهم غالين وعزيزين في قلوبنا
ولانريد ان تلحقهم بشي غير قولة ونعم
وانت مداخلاتك كلها تشكيكيه من غير فايده
لذا اتمنى ان تتقيد بأدب المدالخلات
فأن كان لديك براهين وادلّه تناقض هذا الكلام
فيامرحباك تفضل وهات ماعندك والشمس مايغطيها غربال.
وان كان ماعندك الا مثل ماذكرت
فالصمت من شخصك افضل.
والســـــــــــــــــــــــــلام.



اذا كان رد الادارة كذا ...!!
وش اترجى من الاعضاء......!!

اقول يالمهند بلا هذه عتيبه بلا كلام فاضي
اقول لك الرسول انهزم تقول هذه عتيبه
يعني عتيبه افضل من النبي صلى الله عليه وسلم على كلامك ذا!!

اما مراجعه التاريخ والله اني مراجعه
ولااقول كلام يعقب لي الزريه
انا لاقلت مااقول غير المثبت بالوثائق والقصائد

ولو بقول المعركه اللي قال فيها الشاعر العتيبي:

من زاد روقين هبيل ** عان المليدا لدها ..!

تذكر مناخ المليدا والا لاااااااااااا؟؟
تعرف المعركه ذي والا اثبتها لك؟؟
يالمهند انا ماني جاي ضيف عندكم لجل اشكك فيكم
لكن
الله بالعين ماشفناه بالعقل عرفناه ...
مافيه واحد بهذه الدنيا الا وفيه اللي اقوى منه
رضيت والا زعلت
وعتيبه تنتصر وتنهزم رضيت والا لاااا
وحرب تنتصر وتنهزم
كل قبيله لها بطولاتها وصولاتها وجولاتها
اما جحدان ... ونكران جهرا والعين ترا ماجت ذي

واذا كان كلامك هذا
لاعزالله انها مفهومه
اسري بشيمتي وكرامتي ازين من غيرها
وســــــــــــــلاااااام للإداريين اللي مثلك يامتعلم اداب الحوار !!

العكام هلابك
اعترفلك وانا اخوك بأني غشيم في ماقلت
وان شاء الله راح اسال واردلك
اما كلامك فيه ريب وفيه شكه
وان شاء الله انزل معارك
قبيله عريقه من بني عمر لحاااااااااااااالها
حاربت روق واستلم القصيده


عديت في نايفٍ شوقي مِعَدّاه=وابرح ليا عاص والصمد البراحي
نبا القضى فالريال اللي فقدناه=دينٍ غدوا به بعيدين المشاحي
والذيب يبرا سبور القوم بجراه=يبا العشاء مع وسيعين الشباحي
ياذيب ياللي تلج الصوت بعواه= تلقى ....... مطعومٍ قراحي
تسعة من آلاد روق اللي طرحناه=اللي مع الدرب واللي مع المراحي
تسعه بدون الكسير اللي كسرناه=يركز على شون وليا قام طاحي
وانشد فرج عن عمير اقفى وخلاه= خلّى ذكاته تحت صم اللقاحي
وفهيد شارد وذكر حسين ينباه= جنب السند في علو المرح طاحي
وهلال خلوه راقد جوف معزاه= غداك يالطير خفاق الجناحي

الفراغ في داهيه ولاني كاتبها

وروحو تعلموا واخذوا علوم هلال وفهيد وفرج وغيرهم


سلام ياعتيبه


ولي عوده لأتطمن على حذف العضويه





راس الشلفا

[المهنّــــد]

اذا كان رد الادارة كذا ...!!
وش اترجى من الاعضاء......!!
اخي العزيز الحربي
اساءه منك نتقبلها بروح طيبه
واريد ان اثبت لك ان الاداره مازالت تحترمك
وتقدرلك كضيف اتى لهذا المنتدى هدفه الفائده والاستفاده
ولم نسئ لك بشي ابد.
الاّ انني قلت اذا كان لديك كلام بالدليل
تفضل واكتب مالديك ولك مطلق الحريّه..
وان لم يكن لديك سوى التشكيك
والمداخلات العقيمه فوفر ذلك على نفسك والصمت لك افضل.
فهل تعتبر هذا الكلام اساءه لك ؟
ومالذي تريد ان اقوله لك مقابل هذه المداخلات المخالفه؟...

اقول يالمهند بلا هذه عتيبه بلا كلام فاضي
اقول لك الرسول انهزم تقول هذه عتيبه
يعني عتيبه افضل من النبي صلى الله عليه وسلم على كلامك ذا!!

بلا عتيبه بلا كلام فاضي!!!!!
اسألك يالحربي هل يجدر بالانسان المحترم
ان يتلفظ بهذا الكلام ؟
...............
اللهّم اصلي وسلم على محمد وعلى آل محمد.
لااعلم مالذي حملك على هذه المقارنه !!
ولكن اخذها بالمختصر المفيد...
عتيبه قبيله مثلها مثل سائر البشر لها انتصارات وتتعرض لهزائم
وهذي هي سنّة الله في خلقه.
ولكن يا اخي العزيز اذا قام ابناءها بذكر امجادها وسرد تاريخها وانتصاراتها
بالأدلّه الثابته والوثائق المكتوبه من المصادر المحايده اليس هذا من حقهم؟
.

اما مايتعلق بتوقيف العضويّه فأعلم يا اخي العزيز
ان ايقاف العضويّه نعتبره هو اخر الحلول وكما قالوا اخر الطب الكي.
ولن توقف عضويّه اي شخص كان هدفه الخير والفائده
ولم يتعارض مايقدمه مع اهداف المنتدى وشروطه.
هذا ما احببت ان ابيّنه لك وأوضحه.
والله يحفظك.

[راس الشلفا]

"
اولاً
وعلى مايشهد الرياجيل
بأن اي كلام صدر من رأس الشلفا
فيه اساءه وتجريح بــ عتيبه
اعذروني فيه
وابشروا بالحق ومايلحق

"
ثانيا يالمهند
انا يوم قلت الرسول صلى الله عليه وسلم
ورديت انت وقلت هذي عتيبه
قلت الرجال خالف الوضع!!


فــ صدرت مني هذا الجمله وانا آسف
وعتيبه والله ثم والله انهم غالين عندي
واصحاب وزملاء وبعضهم اشكل من الاخوان
لكن يكتب العضو قصيدة او معركة
فيرد عضو آخر متحمس بسب وقذف شخص بعينه او قبيلة
فــ هذا لايصدر الا من ......... !!
فأخذتنا الغيره ويحق لنا
وانا لم اتطرق لقسم المعارك منذ البداية لأني عارف بأنني
سأجد سب وشتم
ولكن بالصدفه دخلت في موضوع رأيت فيه
مالم يكن بالحسبان
انا مااقول لاتفتخروا بل يحق لكم الفخر
وهذا اقل الحقوق
لكن بسب وشتم .. << هذه الجمله ربطت بجميع المواضيع في هذا القسم
وليس هذا الموضوع ....

واعيد واكرر بأني آآسف
ولاخير فيمن لايرى في الناس خيرا

والعذر والسموحه ياعتيبه



اخوكم راس الشلفا

[صعاط الجن]

البل عطي الله ون رحت وش بقى

[سلطان السليفي]

اخو داهية عتيبه اطال الله في عمرك وكثر من امثالك

واشكرك علي هذا القصه والقصيده

وهذه لا تحتاج الي توثيق اكثر منذلك

[الشاهر2000]

يعطيكم العافيه وشكرا يالهارف على سرد المعركه الموثقه بقصيدة الحكره والمعارك توثق بالقصائد. وقبيلة عتيبه ليسة بحاجة أختلاق المعارك فهي قبيلة شهد لها التاريخ بالبطوله بقسميها الروقه وبرقا.

[عقيد عتيبه]

داهية عتيبه ماقصرت وبيض الله وجهك على هذا الجهد
والبل غاليه عند اهلها واكبر دليل على ذلك هذه القصه
والنعم في الشيخ ابن تنيبيك وفرسانه 0000 وربعه المراشده كلهم0

[ربوع نجد]

لاهنت يا القرم على المواضيع الطيبة

[الغزير الطامي]

سلمت كفيت ووفيت وهذا فعل الرجال ما يبين الا في الشده ورحم الله الشيخ الفارس ضيف الله بن تنيبيك وجماعته التنابكه الي ساقتهم الحمياء

[نسل أحرار]

مشكور اخوي والتنابكه أماره على فعل ...


والله يعطيك العافيه عالموضوع الرائع ..

[عبدالله المعالي]

بيض الله وجهكـ


على هالقصهـ

وانا سمعتها قبل مدهـ من شيابـ رواهـ


ليسو غلمان يكتبون بمنتديات مثل منتدى مطير وحرب *_^


الف شكر