مرحبابك (يابن وايل)

[عطاوي]

مرحبابك يابن وايل مرحبا والنار حيه
ماتموت النار واللي شب شعلتها عتابه


وان شعلناها تراك بضوها مثل الشويه
لين تبصم بالعشر وتبيع روحك للذيابه

[صاهود]

مبدا كايف من شاعر كايف

وصح السانك

[زبن الجعفري العنزي]

البقا والنار تطفيها هماليل ابرديه
قلتها عن ربعي الويلان واقف بالنيابه


ابن وايل لو هو لحاله يناطح له سريه
لو فزعت بربعك عتيبة وعزوتكم شبابه

[عطاوي]

لوطفتها كان ماجت يمكم صبح وقفيه
لين ربعك يبن وايل حدرو ذيك الشعابه


لاتقوله يبن وايل وانت ماخوذ ٍضحويه
واحدٍ منا يساوي من جماعتك الف لابه

[عطاوي]

مبدا كايف من شاعر كايف

وصح السانك


ذيب عروا وجودك نور الصفحه
سعدنا بمرورك

[زبن الجعفري العنزي]

يالعطاوي هات علمك مانبي منك عطية
مالقينا لك سوال ولاخذينا منك جابه



العميل اللي علومه مابها هذي وذيه
توه صغير مايعرف للقراية والكتابة

[عطاوي]

ماتريد العلم والا مقصدك محتاج كيه
كية ٍبا لراس لين الفكريرجع من غيابه


لا تحجج بالسوالف والعلوم العسوجيه
من زعم نفسه كبير القوم يتحمل صوابه

[زبن الجعفري العنزي]

يالشبابي كان جيت وفازع ٍ للخنذفية

كل رجال ٍ على قده نفصل له ثيابه


شفت لي واحد فقير ومن رجاجيل ٍ غنية

اجري من الله لو اودع له ريال ٍ في حسابه

[عطاوي]

والله انك هايم ٍ في بحر ماله واقعيه
ساري ٍفي ليل مسرآ يم هقواته سرابه


شمس في وسط النهار وكل ٍيعلم خويه
وانت ياللي جيت فيها شوف عينه ماقتدابه

[زبن الجعفري العنزي]

قد خذينا معك فالمشوار روحه ثم جيه

ابتدينا لعب طابه وانتهينا لعب طابه


انت شمس ٍ في النهار وشمس في تال العشية

اول الدعوى مزوح وتالي الدعوى حرابه










يعطيك العافية والى لقاء اخر

[عقاب العنزي]

يالشبابي كان جيت وفازع ٍ للخنذفية

كل رجال ٍ على قده نفصل له ثيابه


شفت لي واحد فقير ومن رجاجيل ٍ غنية

اجري من الله لو اودع له ريال ٍ في حسابه


ياسلام ياراع الجدعا


صح لسانك لين ترضى والصف وايلي


وصح لسان العطاوي

..

[زبن الجعفري العنزي]

صح بدنك ياعقاب وشرفتنا باطلالتك الرائعه


لكن وين انت من البارح هههههههههههه

[عقاب العنزي]

والله يالذيب اني واصل الحين من جده ولادخلت الايام اللي راحن

وعزالله طافني الطاروق لكن العوض بالمقبلات

[زبن الجعفري العنزي]

الحمد لله على السلامه ياعقاب واللي مثلك يقفد


وكما قلت العوض فالجايات

[عطاوي]

ماخذيتو يابن وايل من قديم الا الرديه
وابتديتو وانتهيتو من عصر وقت الصحابه


وانت تحفر في الثرا وتحط لك تسعين ليه
ابن وايل في منامه والعرب تدهن عيابه