خطاك وخطايا

[ماجد المحياني]

السلام عليكم ورحمة الله وبركاته


أبيات متواضعة للتواصل في منتدانا الغالي





أخطيت في حقي وأنا بحقك أخطيت = وصرنا نجازي بعضنا بالخطايا
أجمع خطاك اليا جرحت وتماديت = وأحسب جفاك اليا تكرر معايا
وأنته على دربي عديت وتعنيت = تتعب على طرد الخطا من ورايا
ماكنك اللي بأول العام حبيت = وماكنك اللي مبتلى في هوايا
ياصاحبي في وصلنا ويش سويت = وش مكسبك يومك تفارق دفايا
العام أشوفك في عروقي تلويت = وترضي صباحي والهنا في مسايا
واليوم لا والله بالعون صديت = وخليتني مع ضيعتي في عمايا
مدري المشاعر بيننا مالها بيت = ولا الدلع سبة بلاك وبلايا
متى تعود وتوقد بليلي الميت = نار المشاعر ياغلاي ومنايا
وتعود للأشواق مادامك أبطيت = ويحوم طيرك يالغلا في سمايا
شفني أهوجس وأكتب البيت والبيت = لعلها تروي الكبود الظمايا
واليوم عوًد لي على ماتمنيت = وأنسى الزعل وأنسى خطاك وخطايا

[عبدالرحمن الهيلوم]

صح الساااااااااااااانك يالمبدع

[ابن صنهوت]

صح السانك يالمحياني وعلا شانك

[ماجد المحياني]

أخوي عبدالرحمن


أنت المبدع بتواجدك الفعال وردودك الرائعه

صح بدنك


شكرا لك

[ماجد المحياني]

أبن صنهوت


صح بدنك يالغالي


وشكرا لمرورك الرائع

[محمد عمر البارقي]

المبدعين كثار يا ماجد المحياني وشاهد الله زايد عليهم زود روعه

تقبل مرور اخوك ابو عمر البارقي

[ماجد المحياني]

البارقي

شكرا لك

وبيض الله وجهك

[سلطان المفرجى]

ماجد صح لسانك

نص رائع لاهنت

[عمر الدغيلبي]

ياسلام ياماجد

صح لسانك مليون

قصيده رائعه

وراقت لي

[ماجد المحياني]

أخوي سلطان المفرجي


صح بدنك


مرورك شرف لي

[بندر المرشدي]

صح لسااااااااااانك

[ماجد المحياني]

عمر العتيبي

بندر المرشدي


صحت أبدانكم وشكرا على المرور والله لايهينكم

[طلال ناشي]

ماجد صح ألسانك

قمه في الابداع والتصوير العاطفي


حاولت أختار بيت واحد وكتبه في ردي ماقدرت


كل بيت احلا من الثاني . أتمنى لك التوفيق



تحياااااااااااااااتي يابطل

[ماجد المحياني]

طلال ناشي

بيض الله وجهك

والله لايهينك على الرد الطيب

[فايز بن سرحان الثبيتي]

صح لسانك يالمحياني



اعجبني مطلع القصيدة لايوجد فيه عسف لقافية العجز


أخطيت في حقي وأنا بحقك أخطيت
وصرنا نجازي بعضنـا بالخطايـا



تحيتي

[ماجد المحياني]

ابن سرحان


شكرا لمرورك ودائما أستاذ لنا


بيض الله وجهك