رفيع المنزل (باسم مستعار )

[عبدالله الاصعر]

يالشاعر اللي تسمّالك باسم مستعار=بعض الاسامي نصيحة لا تسمّابها
دوّرلك عن الاسم هذا يارجل اسم غار=يليق دايم على لحيتك واشنابها

[رفيع المنزل]

يامرحبا بالكبار من العرب والصغار = عطنا العلوم الكبار ونحسب حسابها
الاسم مبلشك مدري في ضمايرك نار = والنار هذي تراني عارف اسبابها

[زبن الجعفري العنزي]

يامرحبا بالكبار من العرب والصغار
عطنا العلوم الكبار ونحسب حسابها


الله الله الله


الكبار من العرب والصغار



رد مسكت وصح لسانك



وصح لسان الاصعر ولاهان

[نوآف الغنامي]

يا سلام يا سلام



صحت السنتكم ملياااااااااااار



ابداااع ولا غرابه




__________



الاصعر لا اوصيك تراني لي ثلاث ليال وانا اتعافر انا واياه :)


..

[رفيع المنزل]

راع الجدعا حياك الله

صح بدنك واشكر ك

مرورك عطر الصفحة




خيال الصفراء

صح بدنك مثل ماقلت

شكلك موصي الاصعر لكن الله يخارج منه ههههه

[عبدالله الاصعر]

المعذره على التاخير

حنا كشفنا العلوم اللي خلاف الستار=اثرك من العالم اللي تحرف انسابها
علمني ان كان عقلك صاحي وفيك خار=وش في مطير العريبه ماتعزوابها

[عبدالله الاصعر]

راع الجدعا ابن وايل



صح بدنك يالغالي



حيال الصفراء


صح بدنك يالغالي


تحياتي للجميع

[رفيع المنزل]

ترى سوالفك هذي طار منها الغبار = مار اقفلو بابها ولا افتحو بابها
اثريك وارد على البير وحبالك قصار = لاشك راع البلاوي غير يبلى بها

[عبدالله الاصعر]

تراني اعرفك شاوي من شواوي مطار=لكن بعض السوالف لاتجينابها
شمس الحقيقه تراها مثل شمس النهار=بعض الحيل ما تفيدك لو تلوابها

[مدسم الشوارب]

عبدالله الاصعــر + رفيع المنـــزل

صحة السنتكمـ

مبدعين

متآآبع

[زبن الجعفري العنزي]

اثريك وارد على البير وحبالك قصار = لاشك راع البلاوي غير يبلى بهـا


رفيع المنزل مبدع



ولاهان الاصعر

[رفيع المنزل]

المشكلة من يعلم واحد ٍ من شهار = لازال يرجع لها ويدور اطبابها
سوا من مطير والا من عيال الحرار= ادعس على الحية اللي تكشر انيابها

[عشقA]

الله الله



الأصعر & رفيع المنزل




صحت الألسن والقلوب...




تحياتي...

[رفيع المنزل]

مدسم الشوارب


عشق


شكرا على مروركم وصحت ابدنكم

[صاهود]

يالاصعر خلصني الرجال مطيري ولا عنزي علشان احدد صفي هههههههههه

[رفيع المنزل]

الابيات واضحة ياذيب عروا


بس وش اسوي بالاصعر

[صاهود]

اجل انا في صفك يارفيع المنزل

الاصعر مجرم حرب وانا ماحب المجرمين هههههههه

[رفيع المنزل]

اهلا بك ياذيب عروا واتشرف بك

[عبدالله الاصعر]

محجوز الك في شهار افخم سكن من عصار=وشيوخ معها مصاحفها وتقرابها
انته علامك تلصّق من طوال العمار=والاوله قسمنا حنا وفزنابها

[عبدالله الاصعر]

عشق


ذيب عروى


صحت ابدانكم


تحياتي

[رفيع المنزل]

من بعد هذا تراي اقدم الاعتذار = خله يودي علوم الناس من جابها
تطلع معي ثم ترجع بي لنفس المسار = مافي يمينك عصى تقدر تعصى بها

[عبدالله الاصعر]

لاتعتذر وانته اعصابك على الانهيار=مطير ضاقت عليك وثارت اعصابها
ان كان تبغى السعد والخير والانتصار=فانت اعترف مع مطير وقدّر ذيابها

[صاهود]

لاتعتذر وانته اعصابك على الانهيار=مطير ضاقت عليك وثارت اعصابها
ان كان تبغى السعد والخير والانتصار=فانت اعترف مع مطير وقدّر ذيابها

صح السانك يالاصعر

وافي في كل حلاتك

لاهنت

[رفيع المنزل]

سولف عن عتيبة اهل الطيب واهل الوقار = ومطير والله ماني جاهل اشنابها
وان كان ماتملك اية علم بالاختصار = بعض المواقف صعيبة لاتشقابها

[عبدالله الاصعر]

ذيب عروى صح بدنك



تحياتي

[معجب العتيبي]

عبدالله الاصعر

يالشاعر اللي تسمّالك باسم مستعار=بعض الاسامي نصيحة لا تسمّابها
دوّرلك عن الاسم هذا يارجل اسم غار=يليق دايم على لحيتك واشنابها


رفيع المنزل

يامرحبا بالكبار من العرب والصغار = عطنا العلوم الكبار ونحسب حسابها
الاسم مبلشك مدري في ضمايرك نار = والنار هذي تراني عارف اسبابها


عبدالله الاصعر

حنا كشفنا العلوم اللي خلاف الستار=اثرك من العالم اللي تحرف انسابها
علمني ان كان عقلك صاحي وفيك خار=وش في مطير العريبه ماتعزوابها


رفيع المنزل

ترى سوالفك هذي طار منها الغبار = مار اقفلو بابها ولا افتحو بابها
اثريك وارد على البير وحبالك قصار = لاشك راع البلاوي غير يبلى بها


عبدالله الاصعر

تراني اعرفك شاوي من شواوي مطار=لكن بعض السوالف لاتجينابها
شمس الحقيقه تراها مثل شمس النهار=بعض الحيل ما تفيدك لو تلوابها


رفيع المنزل

المشكلة من يعلم واحد ٍ من شهار = لازال يرجع لها ويدور اطبابها
سوا من مطير والا من عيال الحرار= ادعس على الحية اللي تكشر انيابها


عبدالله الاصعر

محجوز الك في شهار افخم سكن من عصار=وشيوخ معها مصاحفها وتقرابها
انته علامك تلصّق من طوال العمار=والاوله قسمنا حنا وفزنابها


رفيع المنزل

من بعد هذا تراي اقدم الاعتذار = خله يودي علوم الناس من جابها
تطلع معي ثم ترجع بي لنفس المسار = مافي يمينك عصى تقدر تعصى بها



عبدالله الاصعر

لاتعتذر وانته اعصابك على الانهيار=مطير ضاقت عليك وثارت اعصابها
ان كان تبغى السعد والخير والانتصار=فانت اعترف مع مطير وقدّر ذيابها


رفيع المنزل

سولف عن عتيبة اهل الطيب واهل الوقار = ومطير والله ماني جاهل اشنابها
وان كان ماتملك اية علم بالاختصار = بعض المواقف صعيبة لاتشقابها

[عبدالله الاصعر]

معجب العتيبي


بيض الله وجهك على التنسيق


ومشكور على مرورك الكريم


تقبل مني خالص التحيه والتقدير

[رفيع المنزل]

معجب العتيبي الله محيي طلتك البهية


وشكرا على تنسيق المحاورة

[عبدالله الاصعر]

شكراً للجميع