الطارف الله يحييه

[الحوووووت]

السلام عليكم .....


سلام تسليمت(ن) تفتح 30 باب=تشيلها شيل وتكسر كوالينها
الذيب يقنب ويسري مع قنيب الذياب=وإلا العفاريت تجحر مع شياطينها

[محمد النخيش]

الله الله




وصح لسانك يالحوت




وبأنتظار الشاعر المقابل

[الحوووووت]

صح بدنك يابو غازي شرفنا حضورك ياأستاذي الفاضل لا خلا ولا عدم

[معجب العتيبي]

يامرحبابك عدد مابان برقٍ وغاب=ترحيبةٍ تطرد الفتنه وراعينها
اشوف برقٍ لمع قبل السما فالسحاب=والناس لاشافته تكثر تخامينها

[عشقA]

الحوووت & معجب الهيلا



صحت الألسن والقلوب...



تحياتي....

[محمد النخيش]

الله الله




يامعجب صح لسانك





متابعين ....

[معجب العتيبي]

عشق


ومحمد الوطن



نورتوا المتصفح


والمحاوره

صحة ابدانكم

[الحوووووت]

اسف ع التاخير لكن لاتصال ززززززفت العذر والسموحه




دام البقا والسؤال الي يبا له جواب=تروض الخيل عادي في ميادينها
انته تخيل البروق الي كتمهالضباب=هذا حسب حالت الطقس وعناوينها

[عكاش]

جاياك ماسكن شليلي ابرد عليك لكن سبقني معجب >>>>>>>>>> شكلك صدقت هههههههههههههه


بيض الله وجهك يالحوت ويامعجب

[معجب العتيبي]

يالحوت ماحدٍ يحاسب قبل يوم الحساب=لو يحكم الناس فالدنيا سلاطينها
ان كان ابه نفع ينزل فوق صم الهضاب=والارض تخضرّ عقبه ويحجب طينها

[الحوووووت]

يامعجب الفهرس الي في غلاف الكتاب=سجل شكسبير رقمه في قوانينها

السالفه اعتبرها مثل وصف العتاب=الي زرع ماجنا ثمرة بساتينها

[معجب العتيبي]

مافيه غير الكتاب المكتمل بالصواب=وحروف غيره مع الريح بتلاوينها
اللي يعرف الثواب يعرف مثله عقاب=والحق اله كلمةٍ بالحيل يازينها

[الحوووووت]

شف المترجم بعد ترجم حروف الخطاب=قادر على هيمنت هلتر في برلينها
الناس اللناس وانت ياعزيز الجناب=خلك بصف العرب واطلق مساجينها

[معجب العتيبي]

اللي يترجم وقصده ياعزيزي خراب=لازم يشكك عباد الله في دينها
الناس للناس لكن به عقاب وثواب=والناس ماتكره اللي عادلٍ بينها

[الحوووووت]

صح لسانك يا معجب وبيض الله وجهك تشرفت باللعب معك