طاروق هجومي بحت ! الطارف سديد

[عقاب العنزي]

ياسلام الله على ربع البهيته والحويه = الديار اللي نجيها ياعرب في كل عامي

العتيبي يحسب انه مالك ٍ نجد العذيه = بالعصيمي وابن مورق وابن عاصي والزلامي ؟ !

[علي خيران العتيبي]

مرحبا بك يابن وايل مرحبا بالوايليه = و من يجينا باحترامه يب يحصل الاحترامي
والله انا حاكمين الشعر و نحمي كل هيه = و من يبا يدخل بفنن يجهله جاه الملامي

[((العضياني))]

يالنيابه عن رياجيـــــــــــــل الشهامه والحميه=مرحبا ترحيب مثــــــل النور جلاي الظلامي
ما تملكهــــــــــــــا بعد صلحة ولا جاته هديه=غير بسيوفً تشيل الروس وتقص العظامي

[عقاب العنزي]

البقا بك مير ترحيبك ابد ماشفت زيه = وانت شاعر لك مقامك مار لاتجهل مقامي

حسب عرفي وانطباعي ياعلي بذيك المطيه = ابه ناس ٍ سابقينك بالشداد وبالمسامي

[((العضياني))]

صح لسان الشاعرين واسحب ابياتي ما دريت عن الرد

[عقاب العنزي]

صح لسانك يالعضياني

ولك الشكر على اخلاقك العاليه

[سعد حميد الثبيتي]

صح لسان عقاب وخيران وعلي كلهم مبدعون تقبلوا تحياتي

[عقاب العنزي]

سعد الثبيتي

صح بدنك وشرفتنا



..

[علي خيران العتيبي]

الله الله


يابن وايل والله انا ما لحقناكم بسيه = مير جيب العلم و العب و اخذ علمي يالغلامي
ماني بمسبوق سابق .. وقتنا و الجاهليه = فعلنا يحسب ولا يجهل و نروي كل ضامي

[علي خيران العتيبي]

العضياني
و الثبيتي

صحت ابدانكم
و شكرا لمروركم :)

[عقاب العنزي]

واضع ٍ لك صورة ٍ تلحقك شرهات وخطيه = ليه ماحطيت لك صوره من كبار الاسامي


بعد هذي ذمتي منّك ومن ربعك بريه = ياعميل ِ ماتفرق بالحلال وبالحرامي

[علي خيران العتيبي]

والله انه شاعر(ن) ما تاصله والله ياخيه = يحمي الميقاف دايم عن عتيبه كالمحامي
والله انك ما تهم و روح دح و روح هيا = و اترك القلطه لشعار(ن) يعرفون النظامي

[عقاب العنزي]

هب ياوجه الزعل دخنّت في كتف الحميه = لين شفت الناس غارت فالذخيره والحزامي

عن لسان الحق معميك الزعل والعنصريه = لو بكيفك ماتبا فالارض لامطيري ويامي

[علي خيران العتيبي]

ما نقول الا الحقيقه و هرجنا فالمنطقيه = و انت تهرب من كلام الحق شرق(ن) و انت شامي
كل رجل يعز ربعه و كل قوم و نعم ميه = و القبايل كلها الها فعول والله ما تسامي

عقاب

صح لسانك
و استمتعت باللعب معك
و تصبح على خير

[عقاب العنزي]

صح بدنك ولاهنت

تلقى خير

..

[سلطان بن دحيم]

صحة السنتكم

طاروق عال العال


تحياتي

[علي خيران العتيبي]

بن دحيم

صح بدنك

و شرفتنا بمرورك :)

[صاهود]

مرحبا بك يابن وايل مرحبا بالوايليه = و من يجينا باحترامه يب يحصل الاحترامي
والله انا حاكمين الشعر و نحمي كل هيه = و من يبا يدخل بفنن يجهله جاه الملامي


الله الله

صدقت يابو خيران

والصف كويتي مايحتاج

[علي خيران العتيبي]

صديقي ذيب عروا
الله يسلمك
و الصف يزهابك
و انا من امس احتري مرورك
ههههههههه

[صاهود]

صديقي ذيب عروا
الله يسلمك
و الصف يزهابك
و انا من امس احتري مرورك
ههههههههه


والله يابن خيران ودي مير الجو حار وانام ورا صلاة العشا والصبح اسرح للبل

مير سير علي الليله عندنا عشا فالرحيه شمال الابحاث ويشرفني حضورك

والله اني اقولها صادق الله يحييك

[علي خيران العتيبي]

الله يبقيك
و الله لا يهينك على الدعوى
و اتشرف بحضوري والله
لكن خلها مره ثانيه انشالله :)

[طائر الاشجان]

هههههه

ياسلام ياسلام


طاروق الحبايب له نكهه خاصه دائما


صح لسانك ياعقاب

وصح لسانك ياعلي ابن خيران