تسجيل الدخول

مشاهدة النسخة كاملة : الحويقل معاتبا المقاطي


مطلق الحويقل
13-Jul-2009, 09:08 PM
هذه القصيده لي عندما اتصل بي زميلي الشاعر زيد بن بقيران المقاطي وأخبرني بأنه وبرفقة عدد من معارفه كانوا في طريقهم لزيارتي ولكن كانوا في موسم امطار حيث منعتهم من زيارتي حالة الجو حينها لكثرة الغبار وسوء الحاله الجويه. فأرسل الشاعر زيد المقاطي ابيات اعتذار عبر جواله ..لي فعاتبتهم بهذه القصيده الوديه....

يازيد والله ماتـــفـــــيد المعاذير = وعليك ياطير الفلاح احــــتــجاجي

يوم انت مع ربعن حشام مقادير =اهل هلا وأهل طـــــلاقـة حـجاجي

وراك ماسيرت معهم علي خـير =وشرفـــتنا لـــوجاء مجيك مفاجي

عقب البطاءاللي صاريابن المناعير = وايــــامـــنا اللي كلبوها ابتــهاجي

تجي وترجع دون معــــــنا وتفسير =وتقول عذري يوم شفت العجـاجي

وانت بدوي قد شاعفتك المعاصير =والـــبرد ماحطــيت دونــه محاجي

تسرح وتضوي مع حزوم العثامير =ولاصار لك دون الخشونه سياجي

واليوم صارالوضع ياصاحبي غير =وجو الحضاره حاس معك المزاجي

لكن من يمك لو يصـير تقصــــــير =بشرواك ماأسمع في كلام المجاجي

وأشفق علي شوفك وأسوق التباشير =وإن جاء خساره في عيال النعاجي

والعود الأزرق والدلال الـمباهــير =وسوالفن ماهــــي ســوالف تناجي

على الوفاء ماهي سوالــف مثابير =والجزل ماله بالهـــــزيل انـدمـاجي

وأيامنا مهما تـــــــقابل مـدابـــــير =يابن الرجال اللي تبــوج الفجا جي[/poem]

أبونواف
13-Jul-2009, 09:15 PM
صح لسانك وبيض الله وجهك ..

عبدالرحمن الهيلوم
13-Jul-2009, 11:17 PM
صح لسانك



وبيض الله وجهك



يااالغالي

محمد العتيبي
14-Jul-2009, 02:24 AM
صح لساااانك يالغااالي ماااقصرت ..

سعد بن مطلق المقاطي
16-Jul-2009, 11:56 AM
صح بدنك على هذي الابيات ولكن الافضل ان تجيب ابيات الشاعر / زيد

وبعدها تجيب الرد واللي انا عرف عن الشاعر زيد انه شاعر متمكن ومظلوم اعلاميا


نامل ان تقبل ملاحظتي بالصدر الرحب

لك من الشكر جزله

علي فلاح العضياني
16-Jul-2009, 12:19 PM
الله الله الله


صح لسانك شاعر عملاق يا مطلق


متابع لك من زماااان و معجب في شاعريتك الفذّه




لا تحرمنا من ابداعك

محمد بن غازي
16-Jul-2009, 12:35 PM
صح لسانك/ يا مطلق

لاتحرمنا من ابداعك المتجدد

عبدالله الجـــذع
19-Jul-2009, 09:56 AM
صح لسانك يامطلق على هالقصيده الجميله

والعتب بين الاخوان امر جميل ومحبوذ


ننتظر جديدك

محبك

.