العويصاني
10-Jul-2009, 03:01 PM
لاجفاك الزمان وحاصرتك الهموم=دور اللي يشيل الحمل وشتك علاه
واحداً لانصيته في اللوازم يقوم=قومته تبهج الخاطر وتروي ظماه
مايشيل الحمول الا قوي العزوم=والضعيف ضعيف ماربح من نخاه
الرفيق الوفي تلقاه عند اللزوم=مثل بيت ٍ الى احتجته يذري ذراه
جاهزاً للدفاع وجاهزاً للهجوم=يا الله تكثر امثاله وتحيي نباه
ثابتاً مثل ضلع طويق بين الرجوم=لو تهب الهبائب ماتحرك حصاه
وفاهماً في العوائد فاهماً في السلوم=طيب الساس حراً مايبي له وصاه
ذاك والله رفيقي جعل عمره يدوم=يسعد الله صباحه يسعد الله مساه
اتشرف بمعرفته وأقول محشوم=حشمته عندي أكبر من جبال السراه
اذكره كل ماهبت علي السموم=هو رصيدي وبنكي في بنوك الغناه
ياعساهم تحت مطاه كل الرخوم=ويا عسى الله في ها الدنيا يطول بقاه
القصائد بمدحه تحتفل كل يوم=ولو مدحته بشعري كيف ابلحق جزاه
والمراجل صعيبة ماتجي بالعلوم=ما تجي كود بالمجهود طول الحياه
يتعب الرجل ماحقق كثير الحلوم=والصبر يوصل الرجال غاية مناه
والليالي تراها لوصفت ما تدوم=مير يا لله توفقنا طريق النجاه
شعر.سـهـل بـنـدر حـيـاد الـمـقـاطـي
واحداً لانصيته في اللوازم يقوم=قومته تبهج الخاطر وتروي ظماه
مايشيل الحمول الا قوي العزوم=والضعيف ضعيف ماربح من نخاه
الرفيق الوفي تلقاه عند اللزوم=مثل بيت ٍ الى احتجته يذري ذراه
جاهزاً للدفاع وجاهزاً للهجوم=يا الله تكثر امثاله وتحيي نباه
ثابتاً مثل ضلع طويق بين الرجوم=لو تهب الهبائب ماتحرك حصاه
وفاهماً في العوائد فاهماً في السلوم=طيب الساس حراً مايبي له وصاه
ذاك والله رفيقي جعل عمره يدوم=يسعد الله صباحه يسعد الله مساه
اتشرف بمعرفته وأقول محشوم=حشمته عندي أكبر من جبال السراه
اذكره كل ماهبت علي السموم=هو رصيدي وبنكي في بنوك الغناه
ياعساهم تحت مطاه كل الرخوم=ويا عسى الله في ها الدنيا يطول بقاه
القصائد بمدحه تحتفل كل يوم=ولو مدحته بشعري كيف ابلحق جزاه
والمراجل صعيبة ماتجي بالعلوم=ما تجي كود بالمجهود طول الحياه
يتعب الرجل ماحقق كثير الحلوم=والصبر يوصل الرجال غاية مناه
والليالي تراها لوصفت ما تدوم=مير يا لله توفقنا طريق النجاه
شعر.سـهـل بـنـدر حـيـاد الـمـقـاطـي