نرعا بربع كنهم دولة الرم مركاضهم بضيق يجلي اللوايم

[مطلق الشيباني]

الفارس الشهم ضيف الله بن تركي بن حميد
يلقب (العفار)من شدة الشجاعه
ضيف الله بن تركي بن حميد

يالله ياللي نطلبه دايم iiالدوم يامخلف النيه بنقض iiالعزايم
الكبد ما تقبل من الزاد iiمطعوم من شافني كني عن الزاد صايم
البارحه عيني قزت عن كرى النوم يوم الثريا قابلت للنعايم
تخالفت بالقلب قالات واهموم يوم الشكاله ما تهم البهايم
بالليل اهوجس لي ابقالات وعزوم للروح خلاق وللعمر iiسايم
ذولا نصالحهم وناس لنا قوم واكوان يشبع غبها كل iiحايم
لما سكنا نجد من غير معلوم بصولات تلقا به صفا الجو عايم
يانجد ما والله نزلناك iiبسلوم ولنتيب ورث اجدودنا iiوالقدايم
يانجد خذنا فيك حق iiومرسوم وصفا جنابك عقب نطل iiالعمايم
خذناك عقب امدارك العمر والسوم سوم يخسر لابسات iiاللثايم
كم خايع بين الحفيفين iiماسوم كل يبيه واصلين iiالكضايم
عاداتنا نرعا الخطر دايم الدوم يرعى دبشنا فيه والحظ iiقايم
نرعى بربع كنهم دولة iiالروم مركاضهم بالضيق يجلا iiاللوايم
لاصاح صياح الضحا جن iiحثلوم الخيل بالفرسان عجل iiهمايم
يازين سجتنا على الفطر iiالكوم يوم بلاش ويوم جبنا iiالغنايم
نو الخيال مسرح من ضحا iiاليوم امطر وسيله دم روس iiالعدايم

[ابن عاصم]

تسلم يمينك يالشيباني مطلق


علي انتقائك هذه العصماء

للفارس ضيف الله (العفار)بن حميد


تسلم يمينك ويسلم راسك

[شليويح العطاوي]

صح لسانك اخوي مطلق الشيباني وسلمت يمينك
وصح لسان قايلها وما قالها الا لمن يستحقها
تحياتي لك اخوي مطلق الشيباني
اخوك شليويح العطاوي

[مطلق الشيباني]

الله يعافيكم يااااعيال العم وتسلمون وصحت ابدانكم
اخووووووووووكم مطلق الشيباني ;)

[ابن مشيب]

اخوي مطلق الشيباني , بيض الله وجهك , وعسى يمينن كتبت هالموضوع ماتنكسر , ونحن بإنتظار مثل هذة المشاركة منك ومن امثالك.

تقبل تحياتي
اخوك
ابن مشيب.........الشيباني العتيبي

[مطلق الشيباني]

مشكووووووووور على مرورك الرائع يابن العم ووجهك ابيض من الشاش

يابن العم ااااااااااااااسف على التأخر بالرد وان كانت حزت بخاطرك ابشر بالحق

وما يلحق ....

مع تحيات ابن عمك :- مطلق العبدلي الشيباني البرقاوي العتيبي ...............