تنويه على قصيدة

[متعب المجيولي]

حرصاَ من منتديات قبيلة عتيبة الهيلا لحفظ حقوق أبناء القبيلة فكرياَ وأدبياَ وشعرياَ ، فقد تناقلت بعض المنتديات المعنية بالشعر الشعبي قصيدة للشاعر عبد الله بن مقبل العصيمي العتيبي ولم يذكروا أنه صاحب القصيدة بل ونسبتها بعض المنتديات لغير شاعرها الحقيقي وقد أوردنا هذه القصيدة للشاعرعبد الله بن مقبل العصيمي العتيبي والتي كتبها من عام 1409هـ ونشرناها هنا للتصحيح وحفظ الحقوق وإليكم نصها :-






يا زين عصر الربوع وزين مرواحه=اليا عز منا على الطرقه وروحنا
نبي ديار عليها الكبد منلاحه=من بعدها قامت الدنيا تلاوحنا
ويش الف كيلو نجيب الألف بالراحه =والخط والبعد والله ما يذبحنا
المملكة عزها الله كنها واحه =ما هي تعيبه علينا يوم تنصحنا
وفر نصايحك للي قاصر شاحه =حنا ريا جيل وأدارا في مصالحنا
غرتك دنياك ترقد فوق طراحه =وحنا تمر اليالي ما تسدحنا
ياما تعبنا وزاد القلب بجراحه =في وقت مجنون عيا لا يصالحنا
والمقصد انا نبا الرزق ونبا الراحه =والظاهر أنا تعبنا ما تريحنا







الشاعر/ عبد الله بن مقبل العصيمي

[ابن ملحق]

صح لسان الشاعر

[عبدالله مقبل العصيمي]

اخواني أعضاء ومشرفين وزوار منتديات قبيلة عتيبة الهيلا


أسعد الله جميع أوقاتكم بكل خير


أولاً أشكر أخوي / متعب المجيولي على أهتمامه وحرصه على حفظ حقوق أبناء قبيلة عتيبه الفكريه والادبيه وتنويهه عن هذه القصيده وهذا لايستغرب على الاخ متعب والذي كان له مواقف مشرفه أثناء فعاليات مزاين قبيلة عتيبه للابل قبل عامين وفي جميع محافل ومناسبات القبيله 0

ثانياً هذه القصيده كما ذكر الاخ متعب فهي من قصايدي القديمه جداً والتي تجاوز عمرها العشرين عام وقد القيتها في عدة مناسبات في وقتها وتم التنويه عنها في منتديات مشاهير العرب من قبل أحد أعضاء المنتدى ، وفي منتديات قبيلة العصمة الرسميه ، وكما ذكر الاخ متعب تناقلتها الكثير من المنتديات الادبية بدون ذكر أسم شاعرها !!! ونسبت إلى غيري في بعض الاحيان !!!

أكرر شكري وتقديري لمنتديات قبيلة عتيبه الهيلا ممثلة في الاخ العزيز / متعب المجيولي وجميع الاخوان مشرفين وأعضاء

وللجميع كل التقدير والاحترام .


أخوكم / عبدالله بن مقبل العصيمي

....

[محمد العتيبي]

الأستاذ / متعب المجيولي

كل الشكر لك على حرصك الدائم على جميع ما يهم أبناء القبيلة

وحفظ حقوقهم

فشكرا لك على هذا التوضيح ..


وصح لسااان الشاعر المبدع / عبدالله مقبل العصيمي ..


تحيتي
..

[@ـايل]

كثرة السرقات الادبيه ..من بعض المرتزقه ..وهذا دليل على خواء العقل وعدم الثقه بالنفس ..

[أبونواف]

متعب المجيولي


بيض الله وجهك على التوضيح وحرصك الدائم على

مايصب في مصلحة أبناء القبيلة الف شكر


وصح لسان الشاعر عبدالله مقبل

[أبو مرحبا]

لاهنت ياابووليد على التنويه

الاخ الشاعر عبدالله مقبل العصيمي صح السانك مدد بلا عدد على الدرر التي تقدمها لعشاق الشعر

كذلك أقول لك الله يعيينك قصائدك كلها تقول الزين عندي

من قصائد شاعرنا الرائع



من منطلق خالف ويعرفـك القريـب والبعيـد=اخذ القلم واكتب على صاحبك سبـع مخالفـات
الارض ماهي كرويه والسمـاء قطعـة حديـد=والشمس مبداها عصر وتغيب في خمس الجهات
والهند وسط افريقيا واسكندريـه فـي الصعيـد=ونواكشوط اكبر مدينـه بيـن دجلـه والفـرات
إن صدقوك الناس ما فيهـم ولا واحـد رشيـد=وان جاملوك أعرف ترى كل الحياة مجامـلات
أحيان تلقانـا نصفـق للهزيـل مـن القصيـد=ما هو طرب لاكنها شـر البلايـا المضحكـات
ما عاد نستنقـد ولا نستغـرب المـد الزهيـد=بعد دخل في سوق تجـار الذهـب بيـاع قـات
دام اصبح المعقول لا معقـول والاوهـام أكيـد=والصدق يمكن يحسبونه من كبـار الموبقـات
ماهي غريبه لو طلع واحد وقـال ابـن الوليـد=ما هو شجيع وساعده حضه وسوى المعجزات
تغيـرت كـل المفاهيـم وبـدا عصـرٍ جديـد=سلّم على العـادات وسلـوم الرجـال الاولات
عبيدنا سـادات والسـادات فـي حكـم العبيـد=والعولمه ساوت مطاليق العيـال مـع البنـات
واللي منول مايفيد أصبح من أصحاب الرصيـد=لوكان مالـه فـي سجـل الطيبيـن مقدمـات
وقتٍ يـذل الشهـم ويعـز المنافـق والبليـد=عاشت به انصاف الرجال اللي يديهم قاصـرات
مانحسد المخلـوق والخـلاق يفعـل مايريـد=وإيماننـا راسـخ بـأن الباقيـات الصالحـات
الناس في دنيا الفنـا بيـن الاقامـه والشديـد=واللي مقيم اليـوم عينـه للسنيـن القادمـات
اما قضى عمره شقي والاّ قضى عمـره سعيـد=واما كسب قولة نعم يصبر على كثر الشمـات
والعاقل المدرك من أحـداث الليالـي يستفيـد=ياخذ من الدنيـا عبـر مادرستهـا الجامعـات
ياهيه لا تركـض ورا الشهـره بعلـم مايفيـد=تضحك لك الجهال وتضيـق محاريـف الثقـات
خلك على منهج رجال الطيب لو تبقـى وحيـد=ماهو بشرط يصير عندك معجبيـن ومعجبـات








دنت رعـود الهجوس وحاز نو القصـييد = واسـترسلت من بيوت الشـعر همالها
تواردت من هجـوسٍ للمعـاني رصـيد = أختـار منها الجزايل واتـرك هزالهـا
اصـوغها واكتب الكلمه وأغيـر وأعيد = حتى يقولـون صـح لسـان من قالها
وليا تعليـت في (المرقاب) مانـي وحيد = كـم واحـدٍ يطلب العليـا ويرقالهـا
واللي يبا المرجلـه من دونهـا ما يحيد = يتعب على شـان ياصلها ويسـعالها
والمرجلـه مـا تهيـا للغشـيم البلـيد = يشـيب راسـه كبر ويمـوت مانالها
ولاكـل من يجتهـد يحصل على مايريد = الوقت يخلف هقـاوى الناس وآمالهـا
والشعر بحرٍ عن السـاحل عماقه بعيـد = يابعد عمـق البحـور وصعب محوالها
ماكـل من قال انا شـاعر يرد النشـيد = لوكـان غنت لـه الورقـا وغنالهـا
ان كان مالـه صـدى يرتد من كل حيـد = يعـذر من الطرقـه اللي ماله ومالها
ينشـد ويلقى من أهل الراي راياً سـديد = والنفـس دايـم ينـزلهـا بمنـزالهـا
الجيـد اللي من أهـل المعرفه يسـتفيد = يكسـب تجارب من أهل العرف وأفعالها
والكلمـه الهـا رجالٍ للمعانـي تجيـد = لـن عودت بيـن ناقضهـا وفتالهـا
أمثال مسـتور وأحمد والزلامي رشـيد = وصـياف وحبيب وفيصـل من ابطالهـا
وأمثالهـم كثرهـم والا عددهـم يزيـد = مناهـل المعرفـه ماصـرت أقفالهـا
والشـعر هزلـه هزيـل وجيده مايبيـد = كـم شـاعرٍ مات وابياته على حالها
قلتـه ولاني بقاصـد زيـد والا عبيـد = النـاس معـروف طيبهـا وبطالهـا

[عمر الدغيلبي]

الأستاذ متعب المجيولي


بيض الله وجهك ورايتك بيضا



ماضاع حق ٍ من وراه عتيبي