محمد النخيش(تحسب الملعبه طقت بلوت)

[عبدالله الاصعر]

من هجوس الشاعر اللي ليا غنا البيوت=يحكم المعنا وجزل البيوت اولابها
يامحمد تحسب الملعبه طقت بلوت=والاصيله يعرفون العرب ركابها

[عبدالله الجـــذع]

الله يابو عابد


صح لسانك يامبدع


واكيد نحن على موعد بمحراف رائع


وصح لسان ابو غازي

محبك

.,

[عبدالله الاصعر]

عبدالله الجذع


حياك الله


وصح بدنك يالغالي



مشكور على المرور الكريم


تحياتي لك

[فايز بن سرحان الثبيتي]

صح لسانك ياعبدالله ... وصح لسان محمدا لنخيش .. مقدما

متابعين

[عبدالله الاصعر]

ابن سرحان صح بدنك



مشكور على المرور



تحياتي

[خالد المقاطي]

ياسلام سلم :)






الله علاك يالاصعر







كما عاهدناك .. اي بالله اولابها



مدرسه ابداعيــه







ودروس بالمجان :)













سجلني حظور











متابـــ ع




..

[عبدالله الاصعر]

هلا بك اخوي خالــد


حياك يالذيب شرفني حضورك واعجابك


والابداع هو تواجدك


وشهادتك وسام على صدري



مودتي لكــ...

[محمد النخيش]

ارحب يالاصعر ارحب والله دوبي اشوف بدعتك



استلم استلم




غن يالاصعر ومنك الجزيله ماتفوت=خابرك تنصا الرجال وتعرف ابوابها
صاحبك مثل العواجي ومحبوبته نوت=والسيوف الوافيه عزها بنصابها

[عبدالله الاصعر]

نحسبنك يارجل تنطح السيل النحوت=ندفع الاموال لاجلك ولا نشقابها
لو تلبس بالثياب الجديده والبشوت=بنت ابو زيد نعرف فالزمن خطابها

[عشقA]

الله الله


صح لساااانك يالأصعر وصح لساااانك يالنخيش...



متابع بلاشك...

[عبدالله الاصعر]

عشـــــــق


صح بدنك


ومشكور على المرور



تحياتي

[علي خيران العتيبي]

لو تلبس بالثياب الجديده والبشوت
بنت ابو زيد نعرف فالزمن خطابها

يا سلااااااااااااااااااام
صحة السنتكم
واصلو و متابعين

[عبدالله الاصعر]

علي خيران


حياك الله


تحياتي

[محمد النخيش]

طيب طيب



كم وكم سقنا الجزيله وصدنا كم حوت=وقفت الاحرار تكفي لمنهو جابها
كان هرجك مايفيد العرب خير السكوت=كل بندق عارفين العرب مضرابها

[عبدالله الاصعر]

يوم طبيت البحر فوق ظهر الجيلبوت=الجواهر والدرر ماحسبت احسابها
الحقيقه ماتغطى ببيت العنكبوت=واضحه سوات نور القمر يسرابها

[علي خيران العتيبي]

كم وكم سقنا الجزيله وصدنا كم حوت
وقفت الاحرار تكفـي لمنهـو جابهـا
كان هرجك مايفيد العرب خير السكوت
كل بندق عارفيـن العـرب مضرابهـا


الله الله

يا سلام

متابع

[سـعـد الـعـصـيـمـي]

يوم طبيت البحر فوق ظهر الجيلبوت
الجواهر والدرر ماحسبت احسابهـا
الحقيقه ماتغطـى ببيـت العنكبـوت
واضحه سوات نور القمر يسرابهـا


االله الله

صح لسانك يالاصعر ولسان شاعر القلطة

متابع ..

[عبدالله الاصعر]

سعدالعصيمي حياك الله



وصح بدنك


مشكور على المرور


تحياتي

[محمد النخيش]

يوم طبيت البحر صرت ماني بمخفوت=وانت تقرا كل جزله وانا كاتبها
لبسوك من الذهب ثم زدت الصوت صوت=والعرب قدام قامت تحث ركابها

[معجب العتيبي]

الاصعر


النخيش



صحة السنتكم


ابداع يستحق المتابعه رغم المشاغل

[عبدالله الاصعر]

يامحمد لو حظك من كبار البخوت=ما تناهبك الذيابه بروس انيابها
للمعالي جهدنا نبذله حتى نموت=والعرب ماتجهل الطيبه واصحابها

[نوآف الغنامي]

يا سلام يا سلام



عز الله انكم مبدعين يالاثنين ..



لو تلبس بالثياب الجديده والبشوت
بنت ابو زيد نعرف فالزمن خطابه





كان هرجك مايفيد العرب خير السكوت
كل بندق عارفيـن العـرب مضرابهـا






صح الله لسانك يالاصعر


وصح الله لسانك يا محمد


ابدعتوا ولاهو بغريب الابداع عليكم ...


واصلوا واصلوا



متاااابع ....


..

[عبدالله الاصعر]

خيال الصفراء


حياك الله


صح بدنك


تحياتي

[رعد الروقي]

الله الله


عبدالله الاصعر // محمد النخيش


صحت السنتكم مدد

[عبدالله الاصعر]

العمـــــــــــــــده



حياك الله



وصح بدنك



مشكور على المرور


تحياتي

[صاهود]

نحسبنك يارجل تنطح السيل النحوت=ندفع الاموال لاجلك ولا نشقابها
لو تلبس بالثياب الجديده والبشوت=بنت ابو زيد نعرف فالزمن خطابها


هههههههههههههههههههههههههه

لاتعليق

[صاهود]

يوم طبيت البحر فوق ظهر الجيلبوت=الجواهر والدرر ماحسبت احسابها
الحقيقه ماتغطى ببيت العنكبوت=واضحه سوات نور القمر يسرابها



الحقيقة ماتغطي ببيت العنكبوت=واضحة سوات نور القمر يسرابها

وسام النخبة شوي عليك

وصح السانك

[العتيبي أبا غيث]

الله وأكبر إبداع


الأصعر xالنخيش


صحت ألسنتكم جميع


بيض الله وجيهكم وعساكم


على القوة

[قادح شرار]

=بنت ابو زيد نعرف فالزمن خطابها

أهنـّيك على الوسااااام الذهبي يا الأصعر ... وأهنـّي الأدارة على وجود شاعر بحجمك في المنتدى ...

صحت ألسنكم يالثنين ...